Minstens tien mense reeds die naweek op paaie dood

Ronelle Rademeyer - Dit blyk uit voorlopige ongeluksverslae dat minstens tien mense reeds sover hierdie langnaweek op paaie in die land gesterf het.In die mees onlangse noodlottige ongeluk die naweek, het vyf mense Saterdagnag omstreeks 23:00 onherkenbaar verbrand toe die Land Rover waarin hulle saam met twee ander mense gereis het, by Bahnhof-stasie naby Rehoboth teen ‘n versperring vasgejaag en in vlamme uitgebars het.Adj.komm. Eric Clay, die polisie se woordvoerder in die Hardapstreek, sê twee van die insittendes kon uit die wrak kom, maar het ernstige brandwonde opgedoen. Hulle is na die St. Mary’s-hospitaal op Rehoboth vir behandeling geneem.Hy sê die name van die oorledenes kan nog nie bekend gemaak word nie.Dit blyk die voertuig het uit die rigting van Rehoboth gekom en het die versperring teen ‘n hoë spoed getref, sê hy.Intussen is die name bekend gemaak van twee van die drie mense wat Vrydagoggend sodat 30 km vanaf Tsumeb onderweg na Oshivelo in ‘n botsing gesterf. Die ongeluk het gebeur toe die splinternuwe Toyota Urban Cruiser wat mnr. Erikki Natangwe Erastus (31) vir ‘n koper in die Noorde moes gaan aflewer, ‘n koedoe getref en toe in ‘n aankomende sewesitplek voertuig vasgery het.Beide Erastus en mnr. Josef Edward (56), die bestuurder van die ander voertuig, is in die ongeluk dood. Die impak was so erg dat die koedoe onthoof is.Volgens inligting op die WhatsApp-ongelukgroep van die Namibia Marshall Rangers, is ‘n derde persoon ook dood. Hy was ‘n passasier in Edward se voertuig.Die polisie se nasionale woordvoerder, adj. komm. Kauna Shikwambi, kon egter net twee van die name bevestig.Twee mense is ook dood in ‘n ongeluk Saterdag naby die afdraai na die Nautedam tussen Keetmanshoop en Seeheim. Die een is op die toneel dood en die ander persoon het onderweg na die staatshospitaal op Keetmanshoop beswyk, sê mnr. Sean Naudé van Namibia Marshall Rangers.Foto's: Verskaf

Minstens tien mense reeds die naweek op paaie dood

Kommentaar

Republikein 2025-11-25

Meld asseblief aan om kommentaar te lewer

Minstens tien mense reeds die naweek op paaie dood

Kommentaar

Republikein 2025-11-25

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.