Ministerie sê oor graad 10-debakel
Ná ’n storm het die onderwysministerie besluit om sommige gr.10’s, wat die voormalige Junior Sekondêre Sertifikaat (JSC) deeltyds voltooi het, tegemoet te kom.
Denver Kisting – Die doel van die omstrede skoleleerplanhersiening is om te verseker Namibiese skoolverlaters kan hul man in ’n mededingende wêreld staan.
So sê die adjunkminister van onderwys, kuns en kultuur, me. Ester Nghipondoka.
Dié ministerie moes die afgelope ruk bontstaan oor ’n besluit waarvolgens leerlinge wat gr.10 deeltyds voltooi het, nie weer by die formele stelsel mag inskakel nie.
Nghipondoka het gisteroggend op Good Morning Namibia, NBC se ontbytprogram, gesê die onderwysministerie het intussen besluit om leerlinge wat verlede jaar deeltyds hul gr.10 volgens die ou leerplan voltooi het, ’n kans te bied om gr.11 vanjaar in die formele opset te probeer doen.
Dié toegewing geld net vir 2019 se leerlinge.
’n Totaal van 9 566 leerlinge – bykans 15% minder as in 2018 – het verlede jaar deeltyds gr. 10 gedoen.
’n Omsendbrief het onlangs uitgelek waarin die besluit onthul is dat leerlinge wat gr.10 by afstandsonderriginstellings voltooi het by dié leerruimtes moet bly.
Nghipondoka het gister gesê 2011 se nasionale onderwyskonferensie het die behoefte geïdentifiseer om die leerplan te hersien en by te werk.
Dié proses het toe in 2012 afgeskop, sê sy.
“Namibië is geen eiland nie,” het sy gesê.
Derhalwe moet leerlinge met vaardighede vir ’n plaaslike en internasionale mark toegerus word, sê sy.
Maar die onderwysministerie neem sy leerplanne in elk geval vyfjaarliks onder die loep om gebreke uit te lig en oor moontlike wysigings te besin, sê sy.
Die besluit dat leerlinge wat hul gr.10 volgens die ou leerplan voltooi het, nie mag terugkeer na die hoofstroom nie, is omdat hulle sal sukkel om die mas met die nuwe leerplan op te kom, sê sy.
Weens die storm is besluit om wel diegene wat verlede jaar gr.10 gedoen het, by ’n skool toe te laat.
Diegene wat voor verlede jaar gr. 10 deeltyds voltooi het en dié wat onsuksesvol was verlede jaar, moet steeds by die deeltydse opsie hou, sê sy.
Leerlinge van verlede jaar wat wel by ’n skool geholpe raak en hul ouers moet besef dit is hul verantwoordelikheid om te verseker hulle bly op koers wat die inhoud van die werk betref, sê Nghipondoka.
Hulle kan hulle tot die streekdirektorate wend vir plek by ’n skool.
“Maar dit is nie meer sake soos gewoonlik nie,” het sy gemaan.
Hoewel die nuwe leerplan mik om ’n meer volronde en mededingender leerling met meer vaardighede te lewer, is die inwerkingstelling van dié leerplan nie sonder struikelblokke nie, het Nghipondoka gisteroggend erken.
’n Gebrek aan finansiële hulpbronne bly die grootste kopseer, sê sy.
Hiernaas sal onderwysers ook deurlopend opgelei moet word, het Nghipondoka gesê.
Sy het aangevoer leerkragte is gereed om uitdagings die hoof te bied, maar hulle moet ook self vir hul kennis en die opgradering daarvan verantwoordelikheid aanvaar.
Nghipondoka sal die uitslae van verlede jaar se gewonevlakeksamens vir gr.12’s na verwagting vanoggend op ’n nuuskonferensie in Windhoek bekend maak.
Die uitslae sal Vrydag amptelik bekend wees.
– [email protected]
So sê die adjunkminister van onderwys, kuns en kultuur, me. Ester Nghipondoka.
Dié ministerie moes die afgelope ruk bontstaan oor ’n besluit waarvolgens leerlinge wat gr.10 deeltyds voltooi het, nie weer by die formele stelsel mag inskakel nie.
Nghipondoka het gisteroggend op Good Morning Namibia, NBC se ontbytprogram, gesê die onderwysministerie het intussen besluit om leerlinge wat verlede jaar deeltyds hul gr.10 volgens die ou leerplan voltooi het, ’n kans te bied om gr.11 vanjaar in die formele opset te probeer doen.
Dié toegewing geld net vir 2019 se leerlinge.
’n Totaal van 9 566 leerlinge – bykans 15% minder as in 2018 – het verlede jaar deeltyds gr. 10 gedoen.
’n Omsendbrief het onlangs uitgelek waarin die besluit onthul is dat leerlinge wat gr.10 by afstandsonderriginstellings voltooi het by dié leerruimtes moet bly.
Nghipondoka het gister gesê 2011 se nasionale onderwyskonferensie het die behoefte geïdentifiseer om die leerplan te hersien en by te werk.
Dié proses het toe in 2012 afgeskop, sê sy.
“Namibië is geen eiland nie,” het sy gesê.
Derhalwe moet leerlinge met vaardighede vir ’n plaaslike en internasionale mark toegerus word, sê sy.
Maar die onderwysministerie neem sy leerplanne in elk geval vyfjaarliks onder die loep om gebreke uit te lig en oor moontlike wysigings te besin, sê sy.
Die besluit dat leerlinge wat hul gr.10 volgens die ou leerplan voltooi het, nie mag terugkeer na die hoofstroom nie, is omdat hulle sal sukkel om die mas met die nuwe leerplan op te kom, sê sy.
Weens die storm is besluit om wel diegene wat verlede jaar gr.10 gedoen het, by ’n skool toe te laat.
Diegene wat voor verlede jaar gr. 10 deeltyds voltooi het en dié wat onsuksesvol was verlede jaar, moet steeds by die deeltydse opsie hou, sê sy.
Leerlinge van verlede jaar wat wel by ’n skool geholpe raak en hul ouers moet besef dit is hul verantwoordelikheid om te verseker hulle bly op koers wat die inhoud van die werk betref, sê Nghipondoka.
Hulle kan hulle tot die streekdirektorate wend vir plek by ’n skool.
“Maar dit is nie meer sake soos gewoonlik nie,” het sy gemaan.
Hoewel die nuwe leerplan mik om ’n meer volronde en mededingender leerling met meer vaardighede te lewer, is die inwerkingstelling van dié leerplan nie sonder struikelblokke nie, het Nghipondoka gisteroggend erken.
’n Gebrek aan finansiële hulpbronne bly die grootste kopseer, sê sy.
Hiernaas sal onderwysers ook deurlopend opgelei moet word, het Nghipondoka gesê.
Sy het aangevoer leerkragte is gereed om uitdagings die hoof te bied, maar hulle moet ook self vir hul kennis en die opgradering daarvan verantwoordelikheid aanvaar.
Nghipondoka sal die uitslae van verlede jaar se gewonevlakeksamens vir gr.12’s na verwagting vanoggend op ’n nuuskonferensie in Windhoek bekend maak.
Die uitslae sal Vrydag amptelik bekend wees.
– [email protected]
Kommentaar
Republikein
Geen kommentaar is op hierdie artikel gelaat nie