Ministerie ken 4 000 werkspermitte toe
Die aantal magtigings wat buitelanders jaarliks ontvang om in Namibië te woon en werk, neem toe.
Denver Kisting – Die ministerie van binnelandse sake en immigrasie het tussen April en Desember verlede jaar 4 165 werkspermitte goedgekeur.
Me. Salome Kambala, die ministerie se woordvoerder, sê hulle het 4 747 aansoeke in daardie tydperk ontvang.
Sy sê 582 aansoeke is weens die nienakoming van die vereistes vir sodanige permit afgekeur.
Onder meer verlang die ministerie dat ’n advertensie van ’n bestaande vakature in ’n plaaslike koerant gepubliseer word, sê sy.
Dit dien die doel om Namibiërs, wat oor die nodige kwalifikasies en ervaring beskik, ’n billike kans te gun om om die betrekking aansoek te doen.
Hiernaas vereis hulle ’n polisieklaringsertifikaat om seker te maak die kandidaat hardloop nie weg van ’n misdadige verlede in hul tuisland nie, het sy bygevoeg.
Die voornemende werkgewer moet ook ’n motivering verskaf oor hoekom die persoon, wat om die permit aansoek doen, die mees geskikte kandidaat is.
’n Amptelike aanbod is ’n verdere vereiste, sê Kambala.
In sommige gevalle verlang die binnelandsesakeministerie ook X-strale om te verseker die kandidaat is medies geskik vir die tersaaklike betrekking.
Volgens Kampala word Namibië toenemend gewilder as ’n werkbestemming.
Gevolglik neem die aantal aansoeke om werkspermitte toe, wat die ministerie jaarliks bereik, sê sy.
Kambala was gister ’n gas op die ontbytprogram Good Morning Namibia op NBC, waartydens sy meer lig gewerp het op hoe die ministerie te werk gaan om werkspermitte uit te reik.
Volgens haar is die meeste kandidate burgers van Zimbabwe, Nigerië, China en Duitsland.
Zimbabwe lewer veral mediese kundiges op, terwyl baie Nigieriese onderwysers Namibië as hul werkstuiste uitsoek.
Die ministerie ken werkspermitte aan Chinese en Duitse burgers toe hoofsaaklik vanweë hul vaardighede in ingenieurswese, het sy gesê.
Kambala sê ’n werkspermit word gewoonlik vir óf 24 maande óf 48 maande toegeken na gelang van die tipe werk of bedryf.
Sou alle dokumentasie gereed en beskikbaar wees, word die aansoek volgens haar binne drie weke verwerk.
Kambala het beklemtoon werkgewers moet ook jong Namibiërs ervaring bied sodat hul vaardighede uitgebrei kan word.
Dit sal die land help om minder op buitelandse kundiges te steun, het sy gesê.
Me. Salome Kambala, die ministerie se woordvoerder, sê hulle het 4 747 aansoeke in daardie tydperk ontvang.
Sy sê 582 aansoeke is weens die nienakoming van die vereistes vir sodanige permit afgekeur.
Onder meer verlang die ministerie dat ’n advertensie van ’n bestaande vakature in ’n plaaslike koerant gepubliseer word, sê sy.
Dit dien die doel om Namibiërs, wat oor die nodige kwalifikasies en ervaring beskik, ’n billike kans te gun om om die betrekking aansoek te doen.
Hiernaas vereis hulle ’n polisieklaringsertifikaat om seker te maak die kandidaat hardloop nie weg van ’n misdadige verlede in hul tuisland nie, het sy bygevoeg.
Die voornemende werkgewer moet ook ’n motivering verskaf oor hoekom die persoon, wat om die permit aansoek doen, die mees geskikte kandidaat is.
’n Amptelike aanbod is ’n verdere vereiste, sê Kambala.
In sommige gevalle verlang die binnelandsesakeministerie ook X-strale om te verseker die kandidaat is medies geskik vir die tersaaklike betrekking.
Volgens Kampala word Namibië toenemend gewilder as ’n werkbestemming.
Gevolglik neem die aantal aansoeke om werkspermitte toe, wat die ministerie jaarliks bereik, sê sy.
Kambala was gister ’n gas op die ontbytprogram Good Morning Namibia op NBC, waartydens sy meer lig gewerp het op hoe die ministerie te werk gaan om werkspermitte uit te reik.
Volgens haar is die meeste kandidate burgers van Zimbabwe, Nigerië, China en Duitsland.
Zimbabwe lewer veral mediese kundiges op, terwyl baie Nigieriese onderwysers Namibië as hul werkstuiste uitsoek.
Die ministerie ken werkspermitte aan Chinese en Duitse burgers toe hoofsaaklik vanweë hul vaardighede in ingenieurswese, het sy gesê.
Kambala sê ’n werkspermit word gewoonlik vir óf 24 maande óf 48 maande toegeken na gelang van die tipe werk of bedryf.
Sou alle dokumentasie gereed en beskikbaar wees, word die aansoek volgens haar binne drie weke verwerk.
Kambala het beklemtoon werkgewers moet ook jong Namibiërs ervaring bied sodat hul vaardighede uitgebrei kan word.
Dit sal die land help om minder op buitelandse kundiges te steun, het sy gesê.
Kommentaar
Republikein
Geen kommentaar is op hierdie artikel gelaat nie