Ministerie in sop ná geleentheid by restaurant sneuwel

Duisende vir huur van tafels, stoele

12 September 2018 | Ministeries
Henriette Lamprecht - 'n Gewilde restaurant in Windhoek het die ministerie van gesondheid en maatskaplike dienste hof toe gesleep nadat 'n toekenningsgeleentheid vir verpleegsters nooit plaasgevind het nie.

Taste of Africa Coffee & Restaurant sou in Mei die gasheer wees vir die Namibian Nurses Excellence Awards.

Volgens hofstukke het die restaurant se eienaar, me. Teberh Woldu Gebreamlak, op 24 April vanjaar 'n gedeeltelik geskrewe en gedeeltelik mondelinge ooreenkoms met die ministerie aangegaan om as gasheer vir dié geleentheid op te tree. Die ministerie is deur mnr. Sebastian Kamungu verteenwoordig. Die ooreenkoms was dat die restaurant op 11 Mei die funksie vir 500 gaste teen N$285 per persoon sou aanbied. Die spyskaart was 'n braai-buffet.

Die ministerie sou N$140 000 vir dienste gelewer aan die restaurant betaal. Voorts het die ministerie onderneem om 'n 100%-deposito te betaal wat, sou die geleentheid gekanselleer word, nie oordraagbaar is nie.

Volgens die hofstukke het die restaurant al hul verpligtinge soos vervat in die kontrak en ter voorbereiding van die geleentheid nagekom. Geld is bestee aan die huur van tafels, stoele, eetgerei, sowel as sjefs en assistent-sjefs.

Kamangu het, ten spyte van die ministerie se kontraktuele verpligtinge, nie vir vergaderings opgedaag om die geleentheid te beplan nie.

Daarmee saam het die ministerie “misluk en/of geweier” om die deposito waarop ooreengekom is, en ondanks verskeie versoeke, te betaal.

Uiteindelik kon die geleentheid nie, soos ooreengekom deur beide partye en weens die verweerders se “onregmatige en ongegronde gebrek aan prestasie en kontrakbreuk”, voortgaan nie.

Volgens Gebreamlak het die restaurant gevolglik finansiële verliese in die vorm van “algemene en spesiale skade” gely, wat N$62 885 beloop. Dit sluit N$33 885 in wat as 'n deposito vir die huur van bykomende tafels, stoele en eetgerei betaal is, sowel as N$14 000 om die dienste van bykomende personeel te bekom.

Ook het die restaurant N$15 000 in die vorm van inkomste verloor as gevolg van die kansellering van gereelde funksies wat elke Vrydag deur die Franko-Namibiese Kultuursentrum aangebied word.

Die saak is tot 1 Oktober vir mediasie uitgestel.

Soortgelyk

 

Regering staan bakhand vir 2% van Namibiërs se jáárlikse...

5 ure gelede | Regering

Denver Kisting – Die verwarring oor of die regering Namibiërs vra om 2% van een maand of een jaar se basiese salaris te skenk, is...

Making employees feel at home at Plastic Packaging

17 ure gelede | Mense

JONELL MALAN Human resource management is a function in organisations designed to maximise employee performance in the service of an employer’s strategic objectives. One empowers...

Duisende registreer vir e-taks

17 ure gelede | Ministeries

Elvira Hattingh - Altesaam 192 225 belastingopgawes is teen Dinsdag via die ministerie van finansies se nuwe aanlyn belastingdiens, die geïntegreerde belastingadministrasiestelsel (Itas), ontvang.Mnr. Tonateni...

Apollo 11-euforie só onthou

17 ure gelede | Tegnologie

Ronelle Rademeyer - Namibië se eie ruimteman, dr. Japie van Zyl, sê ’n getekende foto van die drie Apollo 11-ruimtevaarders, Neil Armstrong, Buzz Aldrin en...

Kalender 12 Julie

17 ure gelede | Kuns en vermaak

Nou aan die gang» Bottomless Coffee Band is ’n instrumentele, alternatiewe duo wat bestaan uit die getroude paartjie Lourens en Esté Rabé van Kaapstad, Suid-Afrika....

Weer vir 19 Julie 2019

17 ure gelede | Weer

BINNELAND: Sonnig en warm tot baie warm in die Noorde.KUS: Sonnig en matig tot warm.GETYE BY WALVISBAAI: H 04:47 L 10:41...

Nuwe begin vir vier wildehonde

17 ure gelede | Omgewing

Francoise Steynberg - Ná die tragiese skietvoorval in Februarie waarin drie wildehonde van die N/a’an ku sê-stigting en -wildreservaat glo deur personeel van die...

Just a click away

17 ure gelede | Gesondheid

Michelline Nawatises Organic Box is an online grocery shop specialising in selling organic vegetables, meat and dairy products, farm produce, and speciality homemade products.It was...

Rundu surveys new extensions

17 ure gelede | Plaaslik

The Rundu town council plans to survey two new extensions in the Tuhingireni informal settlement for N$ 1 million, according to the head of town...