Minister ontstoke oor streeksrade
Hersiening en beplanning vir die nuwe skooljaar is dié week in Windhoek gedoen.
Augetto Graig - Die minister van onderwys, kuns en kultuur, me. Katrina Hanse-Himarwa, het streeksrade gewaarsku dat sy ’n stokkie voor die desentralisering van kapitaalprojekte gaan steek weens kommerwekkende “snaakse dinge.” Die minister het streeksleiers geroskam oor onnodige hofsake en te veel onderlinge konflik.
“Ek wil hê ons moet verseker al die skuiwergate is reg toegemaak. Geen snaakse dinge moet gebeur nie en projekte moet geïmplementeer word,” het sy gesê.
Hanse-Himarwa het saam met haar adjunk, me. Anna Nghipondoka, me. Micaela Marques de Sousa van Unicef en mnr. Markus Theobald van die EU, die amptelike opening van die vier dag lange jaarhersiening en -beplanningsessie van die ministerie bygewoon.
Teenwoordig was beplanners, ontleders, direkteure en senior bestuurders van streeks- en hoofkantore binne die ministerie.
Daar het sy gesê streeksrade sal vir die begroting vir funksies moet sorg.
Die minister het haar vererg oor die feit dat daar so min verteenwoordigers van streeksrade tussen die onderwysleiers was, ten spyte daarvan dat hulle genooi is.
“Ek het reeds vir een streek gesê ek sal onttrek, en ek oorweeg dit ernstig om dinge te vertraag as die neigings wat ek sien langer aangaan. Ontwikkeling is nie om korrupsie te bevorder nie. Ek sien die snaakse neigings en ek is glad nie beïndruk nie. Ek is baie bekommerd,” het Hanse-Himarwa gesê.
Sy het ook haar beamptes aangespreek oor prestasie-ooreenkomste wat nog nie geteken is nie, veral op die laer vlakke van die duurste ministerie se duisende werknemers.
Ander uitdagings sluit in beperkte finansiering, hoë staak- en herhaalsyfers, negatiewe kulturele praktyke, beperkte deelname van mans en ’n tekort aan ondersteuning vir die ouers van tieners, het die minister gesê.
Prestasies vir 2016 sluit in die jaarverslag van die kontinentale onderwysstrategie vir Afrika (CESA 16-25) wat Namibië vir die eerste keer in Oktober 2016 by die Afrika-Unie (AU) ingehandig het.
Die ministerie het ook wetsontwerpe vir ’n nuwe onderwyswet, skoolgroepsbeleid en ’n nuwe beleid vir kuns, kultuur en erfenis voltooi.
Die onderwysbestuursinligtingstelsel (EMIS) is na die streke verplaas om plaaslik inligting te versamel en te ontleed en die skoolvoedingprogram sluit nou plaaslike verskaffers in, het die minister genoem.
Hanse-Himarwa het gesê die voorstelling van voor-beroepsvakke en die opleiding van ongekwalifiseerde en onder-gekwalifiseerde onderwysers was ook prestasies in 2016.
Teen die agtergrond van die huidige verminderde begroting wil die minister die openbare uitgawes hersieningsoefening gebruik om meer met min te doen, het sy gesê.
Volgens haar is die EU en Unicef albei vriende van opvoeding in Namibië.
By dieselfde geleentheid het Marques de Sousa Namibië se finansiële toewyding aan opvoeding geprys.
“Die land het die derde hoogste openbare opvoedingsuitgawes in vergelyking met die hele regering se uitgawes tussen 115 lande, en die sewende hoogste openbare opvoedingsuitgawes vergeleke met die BBP,” het sy gesê.
Marques de Sousa het gewaarsku “dit gaan dikwels nie oor hoeveel ons bestee nie, maar hoe goed ons dit bestee”.
“Ek wil hê ons moet verseker al die skuiwergate is reg toegemaak. Geen snaakse dinge moet gebeur nie en projekte moet geïmplementeer word,” het sy gesê.
Hanse-Himarwa het saam met haar adjunk, me. Anna Nghipondoka, me. Micaela Marques de Sousa van Unicef en mnr. Markus Theobald van die EU, die amptelike opening van die vier dag lange jaarhersiening en -beplanningsessie van die ministerie bygewoon.
Teenwoordig was beplanners, ontleders, direkteure en senior bestuurders van streeks- en hoofkantore binne die ministerie.
Daar het sy gesê streeksrade sal vir die begroting vir funksies moet sorg.
Die minister het haar vererg oor die feit dat daar so min verteenwoordigers van streeksrade tussen die onderwysleiers was, ten spyte daarvan dat hulle genooi is.
“Ek het reeds vir een streek gesê ek sal onttrek, en ek oorweeg dit ernstig om dinge te vertraag as die neigings wat ek sien langer aangaan. Ontwikkeling is nie om korrupsie te bevorder nie. Ek sien die snaakse neigings en ek is glad nie beïndruk nie. Ek is baie bekommerd,” het Hanse-Himarwa gesê.
Sy het ook haar beamptes aangespreek oor prestasie-ooreenkomste wat nog nie geteken is nie, veral op die laer vlakke van die duurste ministerie se duisende werknemers.
Ander uitdagings sluit in beperkte finansiering, hoë staak- en herhaalsyfers, negatiewe kulturele praktyke, beperkte deelname van mans en ’n tekort aan ondersteuning vir die ouers van tieners, het die minister gesê.
Prestasies vir 2016 sluit in die jaarverslag van die kontinentale onderwysstrategie vir Afrika (CESA 16-25) wat Namibië vir die eerste keer in Oktober 2016 by die Afrika-Unie (AU) ingehandig het.
Die ministerie het ook wetsontwerpe vir ’n nuwe onderwyswet, skoolgroepsbeleid en ’n nuwe beleid vir kuns, kultuur en erfenis voltooi.
Die onderwysbestuursinligtingstelsel (EMIS) is na die streke verplaas om plaaslik inligting te versamel en te ontleed en die skoolvoedingprogram sluit nou plaaslike verskaffers in, het die minister genoem.
Hanse-Himarwa het gesê die voorstelling van voor-beroepsvakke en die opleiding van ongekwalifiseerde en onder-gekwalifiseerde onderwysers was ook prestasies in 2016.
Teen die agtergrond van die huidige verminderde begroting wil die minister die openbare uitgawes hersieningsoefening gebruik om meer met min te doen, het sy gesê.
Volgens haar is die EU en Unicef albei vriende van opvoeding in Namibië.
By dieselfde geleentheid het Marques de Sousa Namibië se finansiële toewyding aan opvoeding geprys.
“Die land het die derde hoogste openbare opvoedingsuitgawes in vergelyking met die hele regering se uitgawes tussen 115 lande, en die sewende hoogste openbare opvoedingsuitgawes vergeleke met die BBP,” het sy gesê.
Marques de Sousa het gewaarsku “dit gaan dikwels nie oor hoeveel ons bestee nie, maar hoe goed ons dit bestee”.
Kommentaar
Republikein
Geen kommentaar is op hierdie artikel gelaat nie