Minister berispe vissers wat nie wil saamwerk
Die arbeidsminister het vissermanne wat ná 'n staking weer in diens geneem is maar nié hul samewerking wil gee nie, gewaarsku hulle sal vervang word met ander werklose vissers wat wíl werk.
Walvisbaai-redaksie – Die vissermanne wat ná 'n staking weer in diens geneem is, maar nie bereid is om hul onderskeie werkgewers se instruksies te volg nie, sal vervang word deur ander werklose vissers wat wíl werk.
Dié waarskuwing is deur die minister van arbeid, nywerheidsbetrekkinge en werkskepping, mnr. Utoni Nujoma, gerig nadat hy en sy eweknie van visserye en mariene hulpbronne, mnr. Derek Klazen, onlangs met vakbondverteenwoordigers aan die kus vergader het.
Die doel van die vergaderings met verteenwoordigers van die Nasionale Unie vir Namibiese Werkers (NUNW), die Metaal- en Verwante Namibiese Werkersunie (Manwu), die Namibiese Unie vir See- en Verwante Werkers (Nasawu), die Namibiese Vervoer- en Verwante Werkersunie (Natau) en die Namibiese Vakbond vir Voedsel- en Verwante Werkers (Nafau) was om duidelikheid te kry oor die vordering wat gemaak is met die plasing van vissermanne wat afgelê is ná 'n onwettige staking in 2015, sowel as die uitdagings wat die visbedryf in die gesig staar.
Volgens Nujoma het sy ministerie kennis geneem van verskeie groeipyne tydens die heraanstellingsproses wat op verskeie vergaderings gevolg het.
“Sommige van die vissermanne wat weer in diens geneem is, weier om hul pligte volgens die instruksies van die onderskeie werkgewers uit te voer en sit by die huis terwyl hulle 'n inkomste verdien.”
Die minister het ook gesê die stigting van nuwe vakbonde wat nie in die belang van werkers of 'n spesifieke sektor in die streek optree nie, kan waarskynlik ook ontwrigting of 'n staking soos in 2015 veroorsaak.
Hy het die werknemers verder gewaarsku om nié ontwrigting in die sektor te veroorsaak nie, veral tydens 'n uitdagende ekonomiese klimaat en die Covid-19-pandemie.
Nujoma het die vissers herinner dit is nie maklik om mense wat langer as vyf jaar werkloos was weer in 'n werksomgewing te integreer nie.
Hy het 'n dringende beroep op die vakbonde gedoen om nié die vissermanne se benarde situasie en die proses om hulle weer in diens te neem, te verpolitiseer nie.
“Werknemers sal ly onder die verontagsaming van ooreenkomste en die verpolitisering van die heraanstellingsproses. Besluite is geneem gedurende die beraadslagingsproses tussen die regering, die werkgewers en die vakbonde en daar is ooreengekom in die gees van sosiale dialoog en enigheid tussen die drie partye.”
Die twee leiers het ook 'n beroep op die vakbonde gedoen om professionele leierskap te handhaaf en sielkundige ondersteuning aan die werknemers te verleen.
Hulle is van voorneme om die hawedorp mettertyd te besoek om leiers in die bedryf te ontmoet wat 'n kardinale rol gespeel het in die herindiensneming van die vissermanne, asook om erkenning te gee aan vismaatskappye in die streek wat die regering ondersteun het om die werklose vissers se nood te verlig.
– [email protected]
FOTO
Die minister van arbeid, nywerheidsbetrekkinge en werkskepping, mnr. Utoni Nujoma, en die minister van visserye en mariene hulpbronne, mnr. Derek Klazen, het onlangs met vakbondverteenwoordigers aan die kus vergader. Foto’s verskaf
Dié waarskuwing is deur die minister van arbeid, nywerheidsbetrekkinge en werkskepping, mnr. Utoni Nujoma, gerig nadat hy en sy eweknie van visserye en mariene hulpbronne, mnr. Derek Klazen, onlangs met vakbondverteenwoordigers aan die kus vergader het.
Die doel van die vergaderings met verteenwoordigers van die Nasionale Unie vir Namibiese Werkers (NUNW), die Metaal- en Verwante Namibiese Werkersunie (Manwu), die Namibiese Unie vir See- en Verwante Werkers (Nasawu), die Namibiese Vervoer- en Verwante Werkersunie (Natau) en die Namibiese Vakbond vir Voedsel- en Verwante Werkers (Nafau) was om duidelikheid te kry oor die vordering wat gemaak is met die plasing van vissermanne wat afgelê is ná 'n onwettige staking in 2015, sowel as die uitdagings wat die visbedryf in die gesig staar.
Volgens Nujoma het sy ministerie kennis geneem van verskeie groeipyne tydens die heraanstellingsproses wat op verskeie vergaderings gevolg het.
“Sommige van die vissermanne wat weer in diens geneem is, weier om hul pligte volgens die instruksies van die onderskeie werkgewers uit te voer en sit by die huis terwyl hulle 'n inkomste verdien.”
Die minister het ook gesê die stigting van nuwe vakbonde wat nie in die belang van werkers of 'n spesifieke sektor in die streek optree nie, kan waarskynlik ook ontwrigting of 'n staking soos in 2015 veroorsaak.
Hy het die werknemers verder gewaarsku om nié ontwrigting in die sektor te veroorsaak nie, veral tydens 'n uitdagende ekonomiese klimaat en die Covid-19-pandemie.
Nujoma het die vissers herinner dit is nie maklik om mense wat langer as vyf jaar werkloos was weer in 'n werksomgewing te integreer nie.
Hy het 'n dringende beroep op die vakbonde gedoen om nié die vissermanne se benarde situasie en die proses om hulle weer in diens te neem, te verpolitiseer nie.
“Werknemers sal ly onder die verontagsaming van ooreenkomste en die verpolitisering van die heraanstellingsproses. Besluite is geneem gedurende die beraadslagingsproses tussen die regering, die werkgewers en die vakbonde en daar is ooreengekom in die gees van sosiale dialoog en enigheid tussen die drie partye.”
Die twee leiers het ook 'n beroep op die vakbonde gedoen om professionele leierskap te handhaaf en sielkundige ondersteuning aan die werknemers te verleen.
Hulle is van voorneme om die hawedorp mettertyd te besoek om leiers in die bedryf te ontmoet wat 'n kardinale rol gespeel het in die herindiensneming van die vissermanne, asook om erkenning te gee aan vismaatskappye in die streek wat die regering ondersteun het om die werklose vissers se nood te verlig.
– [email protected]
FOTO
Die minister van arbeid, nywerheidsbetrekkinge en werkskepping, mnr. Utoni Nujoma, en die minister van visserye en mariene hulpbronne, mnr. Derek Klazen, het onlangs met vakbondverteenwoordigers aan die kus vergader. Foto’s verskaf
Kommentaar
Republikein
Geen kommentaar is op hierdie artikel gelaat nie