Minder eise gee Santam se wins hupstoot
Hanlie Stadler – Santam se aandeelprys het Maandagmiddag in ’n stadium meer as 3% hoër vir die dag op R314,55 verhandel nadat die versekeraar stewige winssyfers uitgereik het.
Santam het aangekondig sy wesensverdienste per aandeel vir die halfjaar tot einde Junie sal tussen 69% en 75% hoër wees as in dieselfde helfte van 2017.
Verdienste per aandeel gaan ook tussen 46% en 52% hoër wees.
Santam sê ook sy netto onderskrywingswins gaan hoër wees as sy langtermynteiken van tussen 4% en 8%. Hy dui egter nog nie aan wat dit kan wees nie.
Die netto onderskrywingswins was in die voljaar tot einde 2017 6%, wat beteken Santam het 6c in sy sak gesteek uit elke R1 se premies wat hy ingevorder het nadat eise en alle koste afgetrek is.
Die stewige stygings word daaraan toegeskryf dat Santam in die halfjaar heelwat minder eise gehad het in verhouding tot sy premies.
Vir die volle 2017 moes Santam R19 miljard uitbetaal weens brande en storms. Erge reën- en weerligskade in die Wes-Kaap en brande in Knysna en omgewing in die eerste helfte van die boekjaar is opgevolg deur storms en vloede in Oktober wat in Durban begin en na Gauteng uitgebrei het.
Santam reik sy halfjaarresultate op 30 Augustus uit. – Netwerk24
Santam het aangekondig sy wesensverdienste per aandeel vir die halfjaar tot einde Junie sal tussen 69% en 75% hoër wees as in dieselfde helfte van 2017.
Verdienste per aandeel gaan ook tussen 46% en 52% hoër wees.
Santam sê ook sy netto onderskrywingswins gaan hoër wees as sy langtermynteiken van tussen 4% en 8%. Hy dui egter nog nie aan wat dit kan wees nie.
Die netto onderskrywingswins was in die voljaar tot einde 2017 6%, wat beteken Santam het 6c in sy sak gesteek uit elke R1 se premies wat hy ingevorder het nadat eise en alle koste afgetrek is.
Die stewige stygings word daaraan toegeskryf dat Santam in die halfjaar heelwat minder eise gehad het in verhouding tot sy premies.
Vir die volle 2017 moes Santam R19 miljard uitbetaal weens brande en storms. Erge reën- en weerligskade in die Wes-Kaap en brande in Knysna en omgewing in die eerste helfte van die boekjaar is opgevolg deur storms en vloede in Oktober wat in Durban begin en na Gauteng uitgebrei het.
Santam reik sy halfjaarresultate op 30 Augustus uit. – Netwerk24
Kommentaar
Republikein
Geen kommentaar is op hierdie artikel gelaat nie