Min geesdrif op JSE oor AECI se beter syfers

Francois Williams - Die chemiese groep AECI verwag sy verdienste in die halfjaar tot einde Junie sal tussen 30% en 35% hoër wees as ’n jaar gelede, het hy op die JSE se Sens-nuusdiens laat weet.AECI maak op 26 Julie sy halfjaarsyfers bekend.Beleggers was in oggendverhandeling nie so erg geesdriftig oor die handelsopdatering nie, en die aandeelprys was ná 10:00 Suid-Afrikaanse tyd net effens hoër op R110,78.AECI sê hy verwag sy wesensverdienste per aandeel sal tussen R3,81 en R3,96 wees vergeleke met die R2,93 ’n jaar gelede. Sy verdienste per aandeel sal na verwagting tussen R3,80 en R3,94 wees, wat ook tussen 30% en 35% meer is as die R2,92 van ’n jaar gelede.Die vorige syfers is egter negatief geraak deur vereffeningskoste van AECI se mediesefondsverpligting ná aftrede, wat R98 miljoen beloop het, of 93c per aandeel.AECI het in die boekjaar tot einde Desember ’n daling in wins gerapporteer. Sy wins was R812 miljoen teenoor R1,029 miljard in 2015. Die maatskappy het in Februarie gesê hy verwag vanjaar beter chemiese pryse asook beter groei in die mynbousektor.OpbrengsAECI se aandeelprys het oor die afgelope 12 maande ’n stewige opbrengs van 30% gelewer, en tot dusver in die kalenderjaar was die opbrengs 9%.AECI verhandel tans teen ’n prysverdiensteverhouding van 13,54. Dit beteken eenvoudig beleggers is bereid om R13,54 te betaal vir elke R1-verdienste van AECI.Op ’n onlangse episode van CNBC Africa se Hot-or-Not het Paul Theron van Vestact gemeen AECI is nie tans “hot” nie, bloot omdat hy in twee sektore sake doen wat onder druk is, naamlik die landbou- en die mynboubedryf.Hy lewer chemiese produkte en dienste aan veral die goud- en platinummynbedryf, en chemikalieë aan die landboubedryf.Grant Gilburt van Nedbank Private Wealth het in dieselfde episode wel gesê AECI het die afgelope tyd gediversifiseer na waterbehandeling, byvoorbeeld om munisipaliteite te help om hul watersuiweringsaanlegte beter te bestuur. Gilburt sê die waterbehandelingsbedryf is egter ’n nissektor met taai mededinging.AECI het in Junie in ’n voorlegging gesê die mark vir watersuiwering in Afrika suid van die Sahara is R15 miljard werd.AECI het saam met die mynbedryf gekrimp oor die jare. In 1976 was hy die grootste maatskappy op die JSE met ’n markwaarde van sowat R300 miljoen. Tans is sy markwaarde rondom R13,4 miljard, maar hy is nie meer onder die grotes op die beurs nie. – Netwerk24

Min geesdrif op JSE oor AECI se beter syfers

Kommentaar

Republikein 2025-11-05

Meld asseblief aan om kommentaar te lewer

Min geesdrif op JSE oor AECI se beter syfers

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.