Miller wen veelsydige prys van Cycle Classic
Fietsry
Namibië se Alex Miller moes gister met die derde plek in die Namibian Pick n Pay Cycle Classic padfietsresies oor 100 km tevrede wees, maar het nietemin die meeste prysgeld verdien.
Die rede hiervoor was dat hy die ook vorige dag se 50 km bergfietswenner was en die gesamentlike beste tyd oor die twee items opgestel het. Die gesamentlike wenprys was ’n ekstra N$3 000.
Gister se padresies is deur ’n jong Suid-Afrikaanse besoeker in die gesogte BCX professionele span, Marc Pritzen, ingepalm. Gedurende die padresies het die Suid-Afrikaner lank in die voorste wegbreekgroep saam met André de Klerk en Ingram Cuff gery, voordat die res van die groep hulle ingehaal het.
Van daar het Braam Vermeulen die voortou geneem totdat hy sowat 500 meter van die eindstreep in die naelrit deur die wenner Pritzen verbygesteek is, met sy wentyd twee ure 07 minute 21 sekondes. Alex Miller was derde, net twee sekondes ná Pritzen en Vermeulen, met Cuff, Xavier Papo en Jacques Celliers kort op hul hakke.
In die vroue 100 km padresies het Genevieve Weber gister die aanslag van Irene Steyn en Anneke Steenkamp afgeweer.
Die vorige dag was Steyn baas van die 50 km bergfietsrit, met Hester Prins en Courtney Liebenberg haar naaste opposisie.
In ’n toevoeging wat redelik uniek op die plaaslike toneel is, is prysgeld ook vir die afsonderlike kategorie vir Paralimpiese rolstoelryers opsy gesit. Die wenner van dié 20 km afstand was Mitch Dewaldt in een uur 18 minute 20 sekondes, gevolg deur Ngaritangue Kesetura (1:41:17), Roodly Goswaseb en die eerste vrou Agnes Hausiku (2:10:30).
Gister se wenners van die ander kategorieë:
60 km mans: 1 Justin Vosloo 1:41:04, 2 Vianni Links 1:41:05; 3 Stefan van Doorn 1:41:05.
60 km vroue: 1 Mandy Juysamen 1:45:50, 2 Antje Tietz 1:51:23, 3 Tania Wiese 2:00:06.
30 km mans: 1 Kevin Lowe 46:13, 2 Benjamin Coury 46:14, 3 Chris Nero 46:14.
20 km mans: 1 Jurgen van Wyk 36:16, 2 Leandro Roux 36:16, 3 Pieter de la Rey 41:59.
20 km vroue: 1 Beata Uugwanga 41:03, 2 Simone Theron 45:52, 3 Hester Prins 48:15.
Die organiseerders het beide die bergfiets- en padfietsresiese se roetes sodanig opgestel dat dit vir enigeen toeganklik was, sonder te veel erge klimdele of tegniese dele.
Die rede hiervoor was dat hy die ook vorige dag se 50 km bergfietswenner was en die gesamentlike beste tyd oor die twee items opgestel het. Die gesamentlike wenprys was ’n ekstra N$3 000.
Gister se padresies is deur ’n jong Suid-Afrikaanse besoeker in die gesogte BCX professionele span, Marc Pritzen, ingepalm. Gedurende die padresies het die Suid-Afrikaner lank in die voorste wegbreekgroep saam met André de Klerk en Ingram Cuff gery, voordat die res van die groep hulle ingehaal het.
Van daar het Braam Vermeulen die voortou geneem totdat hy sowat 500 meter van die eindstreep in die naelrit deur die wenner Pritzen verbygesteek is, met sy wentyd twee ure 07 minute 21 sekondes. Alex Miller was derde, net twee sekondes ná Pritzen en Vermeulen, met Cuff, Xavier Papo en Jacques Celliers kort op hul hakke.
In die vroue 100 km padresies het Genevieve Weber gister die aanslag van Irene Steyn en Anneke Steenkamp afgeweer.
Die vorige dag was Steyn baas van die 50 km bergfietsrit, met Hester Prins en Courtney Liebenberg haar naaste opposisie.
In ’n toevoeging wat redelik uniek op die plaaslike toneel is, is prysgeld ook vir die afsonderlike kategorie vir Paralimpiese rolstoelryers opsy gesit. Die wenner van dié 20 km afstand was Mitch Dewaldt in een uur 18 minute 20 sekondes, gevolg deur Ngaritangue Kesetura (1:41:17), Roodly Goswaseb en die eerste vrou Agnes Hausiku (2:10:30).
Gister se wenners van die ander kategorieë:
60 km mans: 1 Justin Vosloo 1:41:04, 2 Vianni Links 1:41:05; 3 Stefan van Doorn 1:41:05.
60 km vroue: 1 Mandy Juysamen 1:45:50, 2 Antje Tietz 1:51:23, 3 Tania Wiese 2:00:06.
30 km mans: 1 Kevin Lowe 46:13, 2 Benjamin Coury 46:14, 3 Chris Nero 46:14.
20 km mans: 1 Jurgen van Wyk 36:16, 2 Leandro Roux 36:16, 3 Pieter de la Rey 41:59.
20 km vroue: 1 Beata Uugwanga 41:03, 2 Simone Theron 45:52, 3 Hester Prins 48:15.
Die organiseerders het beide die bergfiets- en padfietsresiese se roetes sodanig opgestel dat dit vir enigeen toeganklik was, sonder te veel erge klimdele of tegniese dele.
Kommentaar
Republikein
Geen kommentaar is op hierdie artikel gelaat nie