Miljoene vir vervalste maskers

Jana-Mari Smith – ‘n Chinese tabakmaatskappy met Swapo-bande eis N$6,5 miljoen van ‘n vennoot nadat ‘n ooreenkoms oor die invoer van gesigmaskers op die vooraand van die Covid-19 pandemie op ‘n bloutjie uitgeloop het.Namibia Oriental Tobacco het reeds in November vir Mickir Supplies gedagvaar oor die voorsiening van 440 000 maskers.Namibia Oriental Tobacco wou voorheen ‘n tabakplantasie in die Zambezistreek begin het, maar was ontevrede met die grootte van die grond wat die kabinet bereid was om hiervoor toe te ken.Mickir se verweer is dat ‘n Suid-Afrikaanse besigheid 30 000 vervalste gesigmaskers aan hul verkoop het. Volgens Mickir het hulle in Junie 2020 meer as N$4 miljoen aan Mining World Investments oorbetaal vir 70 000 maskers.Aan die einde van Augustus is 29 360 maskers volgens Mickir ontvang en N$600 000 is aan Oriental Tobacco betaal. Eers in Januarie is besef die maskers is vervals. Mickir het regstappe teen hierdie verskaffer gedoen en ontken kontrakbreuk. Die respondente voer aan vennote het die risiko gelyk gedeel.Oriental Tobacco se mnr. Lou Ming het op 10 Februarie 2020 ‘n ooreenkoms met mnr. Trevor Petersen aangegaan; deels skriftelik en deels mondeling. Die aanvanklike bestelling was vir 420 000 maskers ten bedrae van byna N$9 miljoen. Nog 20 000 maskers is bygevoeg teen die koste van ‘n bykomende N$423 000.Die maskers moes op 24 Februarie 2020 in China afgelewer word vir versending na Namibië. Oriental Tobacco sou N$500 000 as deposito betaal en het ook N$6 miljoen aan Mickir voorgeskiet. Volgens die eisers is geen maskers egter uiteindelik ontvang nie.Volgens Mickir kon hul aanvanklike leweransier in Suid-Afrika nie die bestelling eerbiedig nie en het die geld aan Mickir terugbetaal. Weens die “groot aanvraag” na maskers in Namibië het Oriental Tobacco glo ooreengekom dat ‘n ander verskaffer gebruik moet word. Mickir is ook versoek om die maskers in Namibië te help verkoop.Die ooreenkoms is volgens Mickir teen Junie verlede jaar gewysig omdat pryse die hoogte in geskiet het. Hiervolgens sou Oriental Tobacco die kapitaal vir die transaksie voorsien.Hier het Mining World Investments toe in die prentjie gekom.Die saak is weer vir 10 Mei op die rol.Mnr. Francois Erasmus tree namens Mickir op en me. Astrid Feris van Sisa Namandje en Vennote verteenwoordig Oriental Tobacco.– jana@namibiansun.com

Miljoene vir vervalste maskers

Kommentaar

Republikein 2026-03-20

Meld asseblief aan om kommentaar te lewer

Miljoene vir vervalste maskers

Kommentaar

Republikein 2026-03-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.