Miljoene in Chinese yuan belê
Ekonomiese bande tussen Namibië en China wat al stewiger word, het die sentrale bank oortuig om in dié supermoondheid se geldeenheid te belê.
Jo-Maré Duddy
Die yuan speel toenemend 'n rol in Namibië se geldsake.
Die Chinese geldeenheid, of renminbi soos dit ook bekend staan, is verlede jaar vir die eerste in die Bank of Namibia (BoN) se mandjie van buitelandse reserwes ingesluit. Uit die N$24,7 miljard se buitelandse reserwes waaroor Namibië op 31 Desember 2016 beskik het, was sowat N$271,7 miljoen in yuan.
Die BoN spook reeds sedert 2014 om die yuan deel van Namibië se buitelandse reserwes te maak. Die sentrale bank meen Namibië se toenemende handel met China en skuldverpligtinge teenoor dié moondheid regverdig die insluiting van die yuan. Tot 10% van Namibië se buitelandse reserwes kan in yuan belê word, is aangedui.
Volgens die Namibië Statistiekagentskap (NSA) se handelsyfers vir 2016 was China verlede jaar Namibië se vierde vernaamste invoermark nadat dit in 2015 die tweede plek beklee het.
Bykans N$2,9 miljard is in 2016 in totaal van China ingevoer, amper N$3,5 miljard of 55% minder as die vorige jaar. Waar China in 2015 sowat 6,4% van totale invoere verteenwoordig het, was dit verlede jaar net 2,8%.
Namibië het in 2016 meer as N$2,4 miljard se goedere na China uitgevoer, sowat 21,1% meer as in 2015. Dié land was verlede jaar Namibië se agtste grootste uitvoerbestemming.
In dié proses het Namibië se handelsbalans met China aansienlik verbeter. Aan die einde van 2016 het Namibië 'n handelsbalanstekort van net N$433 miljoen teenoor China gehad, vergeleke met sowat N$4,3 miljard die vorige jaar.
Skuld
Teen die einde van 2016 was sowat N$2,38 miljard of 9,3% van die regering se totale buitelandse skuld van N$25,6 miljard in yuan verskuldig.
In 2015 was dit ongeveer N$2,83 miljard of 9%.
As 'n persentasie van die regering se totale buitelandse skuld wissel yuan-verpligtinge van 1999 tot 2016 tussen 5% en 14%, toon jaarverslae op die BoN se webwerf. Die piek was in 1999 toe 14,2% van buitelandse skuld in yuan was, terwyl 5,4% in 2012 die laagste vlak was.
Geldgewys het Namibië se yuan-skuld egter drasties gestyg. In 1999 was dit N$97,6 miljoen. Die hoogste kerf – N$2,56 miljard – is in 2015 bereik.
Die yuan is sedert 2015 by die Internasionale Monetêre Fonds (IMF) se mandjie van reserwegeldeenhede ingesluit en word - saam met Amerikaanse dollar, euro, pond en jen - beskou as 'n geldeenheid wat “vrylik bruikbaar” is.
Volgens die BoN se jongste jaarverslag het die regering se buitelandse skuld teen die einde van 2016 só daar uitgesien: 67% was in Amerikaanse dollar; 12,1% in rand en 8,4% in euro. Skuld in ander geldeenhede was jen (3,1%), frank (0,1%) en dinar (0,2%).
Die yuan speel toenemend 'n rol in Namibië se geldsake.
Die Chinese geldeenheid, of renminbi soos dit ook bekend staan, is verlede jaar vir die eerste in die Bank of Namibia (BoN) se mandjie van buitelandse reserwes ingesluit. Uit die N$24,7 miljard se buitelandse reserwes waaroor Namibië op 31 Desember 2016 beskik het, was sowat N$271,7 miljoen in yuan.
Die BoN spook reeds sedert 2014 om die yuan deel van Namibië se buitelandse reserwes te maak. Die sentrale bank meen Namibië se toenemende handel met China en skuldverpligtinge teenoor dié moondheid regverdig die insluiting van die yuan. Tot 10% van Namibië se buitelandse reserwes kan in yuan belê word, is aangedui.
Volgens die Namibië Statistiekagentskap (NSA) se handelsyfers vir 2016 was China verlede jaar Namibië se vierde vernaamste invoermark nadat dit in 2015 die tweede plek beklee het.
Bykans N$2,9 miljard is in 2016 in totaal van China ingevoer, amper N$3,5 miljard of 55% minder as die vorige jaar. Waar China in 2015 sowat 6,4% van totale invoere verteenwoordig het, was dit verlede jaar net 2,8%.
Namibië het in 2016 meer as N$2,4 miljard se goedere na China uitgevoer, sowat 21,1% meer as in 2015. Dié land was verlede jaar Namibië se agtste grootste uitvoerbestemming.
In dié proses het Namibië se handelsbalans met China aansienlik verbeter. Aan die einde van 2016 het Namibië 'n handelsbalanstekort van net N$433 miljoen teenoor China gehad, vergeleke met sowat N$4,3 miljard die vorige jaar.
Skuld
Teen die einde van 2016 was sowat N$2,38 miljard of 9,3% van die regering se totale buitelandse skuld van N$25,6 miljard in yuan verskuldig.
In 2015 was dit ongeveer N$2,83 miljard of 9%.
As 'n persentasie van die regering se totale buitelandse skuld wissel yuan-verpligtinge van 1999 tot 2016 tussen 5% en 14%, toon jaarverslae op die BoN se webwerf. Die piek was in 1999 toe 14,2% van buitelandse skuld in yuan was, terwyl 5,4% in 2012 die laagste vlak was.
Geldgewys het Namibië se yuan-skuld egter drasties gestyg. In 1999 was dit N$97,6 miljoen. Die hoogste kerf – N$2,56 miljard – is in 2015 bereik.
Die yuan is sedert 2015 by die Internasionale Monetêre Fonds (IMF) se mandjie van reserwegeldeenhede ingesluit en word - saam met Amerikaanse dollar, euro, pond en jen - beskou as 'n geldeenheid wat “vrylik bruikbaar” is.
Volgens die BoN se jongste jaarverslag het die regering se buitelandse skuld teen die einde van 2016 só daar uitgesien: 67% was in Amerikaanse dollar; 12,1% in rand en 8,4% in euro. Skuld in ander geldeenhede was jen (3,1%), frank (0,1%) en dinar (0,2%).
Kommentaar
Republikein
Geen kommentaar is op hierdie artikel gelaat nie