Miljardêr vra R1 m. per twiet!

Die omstrede programmeerder en sakeman John McAfee is gretig om jou nuwe kriptogeldee++nheid of ICO (initial coin offering) op Twitter te bemark, mits jy gewillig is om daarvoor op te dok.Dié miljardêr, die eertydse skepper van die McAfee-antivirussagteware en 'n voorstander van kriptogeld, vra nou sowat R1,2 miljoen per twiet wat hy namens 'n maatskappy hieroor uitstuur.Volgens 'n inskrywing op McAfee se blog kan “niks die mag van 'n McAfee-twiet in die kriptogeldbedryf ewenaar nie”.“ 'n Enkele twiet lei dikwels tot 'n belegging van meer as 'n US$1 miljoen in 'n ICO, en verskeie geldeenhede (se waarde) het met meer as 100% gestyg ná 'n enkele twiet.”'n ICO is 'n manier vir beleggers om in 'n nuwe kriptogeldeenheid te belê nog voordat dit amptelik beskikbaar gestel word.McAfee het net meer as 811 000 volgelinge op Twitter. Volgens 'n ontleding op sy blog het 737 000 van dié volgelinge in die laaste maand in 'n stadium kriptogeld gekoop of verkoop, en 154 000 van sy volgelinge verhandel daagliks daarin.“John McAfee se twiets is verreweg die mees invloedryke op die gebied van kriptogeld,” staan op die blok geskryf. “Daar is letterlik niks soortgelyk daaraan in die kriptowêreld nie.”McAfee se sogenaamde “crypto team” verduidelik dat hulle namens 'n maatskappy of 'n nuwe kriptogeldeenheid 'n artikel sal skryf, waarna 'n skakel op McAfee se “invloedryke” Twitter-rekening gedeel sal word.Net produkte wat McAfee persoonlik gekoop het of mee tevrede is, of wat in pas met sy visie is, sal bemark word.Tog sal die span net 'n produk of diens bemark waarin McAfee “glo”, en 90% van maatskappye wat op dié wyse wil adverteer, word derhalwe afgekeur.“Net produkte wat McAfee persoonlik gekoop het of mee tevrede is, of wat in pas met sy visie is, sal bemark word,” verduidelik sy span.GEEN VOORSKRIFTEKliënte mag geensins vir McAfee voorskryf wat om in sy twiet te sê nie; kwansuis om die integriteit daarvan te handhaaf. Sou die kliënt egter daarop aandring om hul eie twiet te skryf, moet hulle dit laat klink of McAfee dit self kon gesê het.Motherboard, 'n Amerikaanse nuusblad, het onlangs ondersoek ingestel of McAfee se uitlatings op Twitter oor 'n spesifieke kriptogeldeenheid werklik 'n uitwerking op die waarde daarvan het.Nadat McAfee in Desember oor 'n nuwe kriptogeldeenheid, Burstcoin, getwiet het, het die waarde daarvan met minstens 350% gestyg, het Motherboard bevind. Terwyl McAfee in 2012 in Belize in Sentraal-Amerika gewoon het, is hy deur die owerhede van die moord op sy buurman sowel as vir die vervaardiging van dwelmmiddels aangekla. Die eksentrieke sakeman het toe na Guatemala gevlug waar hy in hegtenis geneem en na Amerika gedeporteer is.Die moordsaak in Belize word nog ondersoek, maar die polisie het reeds beslag gelê op McAfee se bates daar. Sy huis het onder verdagte omstandighede afgebrand.McAfee is sedert 1994 nie meer betrokke by die sagtewaremaatskappy wat sy naam dra nie. – Netwerk24/Bronne: The Verge, Motherboard, CNET

Miljardêr vra R1 m. per twiet!

Kommentaar

Republikein 2026-05-06

Meld asseblief aan om kommentaar te lewer

Miljardêr vra R1 m. per twiet!

Kommentaar

Republikein 2026-05-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.