Miljarde in Chinese lenings aan Namibië

Henriette Lamprecht Meer as N$7 miljard se lenings uit China is oor 'n tydperk van 15 jaar tot 2019 ontvang en meer as N$4 miljard se konstruksieprojekte in Namibië is aan Chinese kontrakteurs toegeken. Dit sluit Chinese konsessie-lenings en wins van verskeie ander projekte in waarby Chinese oor die afgelope drie jaar tot vanjaar betrokke is.Volgens die tenderbulletin is die besonderhede van die twaalf lenings van verskeie Chinese leners sowel as die konstruksieprojekte wat aan Chinese maatskappye toegeken is en deur die land besit word, vervat in die “Chinese Loans to Africa Database”. Laasgenoemde is deur die China Africa Research Initiative (CARI) by die Johns Hopkins-universiteit se skool vir gevorderde internasionale studies (SAIS) saamgestel. Volgens die tenderbulletin is die “Chinese Loans to Africa” (CLA)-databasis 'n interaktiewe dataprojek wat verlede jaar deur SAIS-CARI begin is. In die bulletin word twaalf lenings aan Namibië op die SAIS-CARI-webtuiste tussen 2004 en 2018 gelys, met 'n totale waarde van N$7,35 miljard. Nie een hiervan is ooit in die regering se ontwikkelingsbegroting gelys nie.Die grootste enkele lening was in 2012 toe die staatsonderneming Epangelo Mining N$3,34 miljard van Swakop Uranium (wat in Chinese besit is) geleen het, vir 'n 10%-aandeel in die Husab-uraanmyn. Die bepalings en voorwaardes van dié lening is nie bekend nie.Die bulletin verwys na die tweede grootste lening van N$2 miljard met Eximbank teen 2% rente oor 15 jaar met vyf jaar grasie. Dié lening, ook in 2012, was vir die opgradering van die MR67 Omakange-Ruacana-pad, asook die Omafo-Outai-pad. Dié projek is afgehandel. Die oorblywende tien lenings sluit in:• 'n Rentevrye lening van N$75 miljoen in 2004 by die China International Development Cooperation Agency;• N$465 miljoen in 2005 by Eximbank vir 17 diesellokomotiewe en 200 waens;• N$660 miljoen vir skanderingsmasjiene vir doeane en aksyns;• N$60 miljoen vir die Groenskema-program en akwakultuurprojek;• N$60 miljoen vir sagteware, en• N$270 miljoen vir die Rietfontein Nasionale Jeugopleidingsentrum.Met verwysing na konstruksie het die Johns Hopkins-universiteit bevind dat SAIS-CARI kontrakte in dié sektor ter waarde van N$4 miljard tussen 1998 en 2019 aan Chinese maatskappye toegeken het. Dit sluit volgens die bulletin nie al die fases in van die hoofpad vanaf Windhoek na die Internasionale Lughawe Hosea Kutako nie. Ook uitgesluit is verskeie Namibiese ontwikkelingsprojekte ter waarde van miljoene Namibiese dollar vir die opgradering van spoorlyne en paaie, sowel as die Geïntegreerde Belasting-administrasiestelsel (ITAS) wat aan 'n Chinese maatskappy toegeken is. Tussen 1998 en 2008 het die jaarlikse waarde van konstruksieprojekte wat aan Chinese kontrakteurs toegeken is van N$19,3 miljoen tot N$74,8 miljoen gestyg. Tussen 2000 en 2019 het SAIS-CARI volgens die bulletin beraam Chinese finansiers het 1 141 leningsooreenkomste ter waarde van US$153 miljard aan Afrika-regerings en hul staatsondernemings toegeken. – henriette@republikein.com.na

Miljarde in Chinese lenings aan Namibië

Kommentaar

Republikein 2025-11-14

Meld asseblief aan om kommentaar te lewer

Miljarde in Chinese lenings aan Namibië

Kommentaar

Republikein 2025-11-14

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.