Middestad gaan wakker skrik
Windhoek se munisipaliteit wil, in samewerking met eienaars, dienste in die sentrale sake-gebied verbeter.
Augetto Graig - Windhoek se middestad toon snags maar min tekens van lewe.
Mnr. Derek Bock, hoof uitvoerende beampte van die Voortrekkerstraat-korridor Verbeteringsdistrik (VRCID) sê hy is bekommerd hieroor, maar dit is ook 'n groot geleentheid.
Bock was Dinsdag 'n gasspreker by die verkiesing van die eerste raad van die Windhoek Middestad-vennootskap.
Hierdie vennootskap het ten doel om eienaars van eiendom in Windhoek te verteenwoordig in 'n poging om die middestad op te kikker.
Die raad bestaan uit mnr. Brian Roos van Brian Roos Properties, mnr. Marco Wenk van Broll Namibia (vir die Ohlthaver & List-groep van maatskappye), mnr. Matthews Hamutenya van die Millennium Investment Group, wat as voorsitter sal optree, me. Rachel Kalipi van Debmarine Namibië, en Rynand Mudge van Rynand Mudge-argitekte.
Windhoek se sentrale sakegebied strek van Lazarettstraat tot by Robert Mugaberylaan. Dit sluit ook Bahnhofstraat, die gebied langs die spoorlyn agter Wernhil-sentrum, Bismarck-, Voigts- en Edisonstraat in.
Dié geleentheid is moontlik gemaak deur Windhoek se stadsbestuur.
Mnr. Robert Kahimise, hoof uitvoerende beampte van die stadsbestuur, het gesê goeie verhoudings met eienaars in die stad is die kern van goeie besigheid.
Kahimise het gesê die stad is beperk wanneer dit by dienslewering kom - gedeeltelik omdat die regering se begroting vir Windhoek nie voldoende is nie.
Hy sê soortgelyke vennootskappe, soos die River Walk-projek, sal al meer voorkom in die volgende vyf jaar.
“Vennootskappe is noodsaaklik,” sê hy.
Die middestad-vennootskap beoog om 'n belastingmodel in Windhoek in te stel waardeur die standaard van dienslewering in die sentrale sakegebied verbeter kan word. Dit sal ook die waarde van eiendom laat toeneem en ekonomiese verkeer aanmoedig.
Kahimise sê die proses om die middestad-vennootkap op die been te bring gaan 'n lang een wees, maar “vandag neem ons 'n duidelike tree”.
Bock is 'n kenner op die gebied van middestad-hernuwing en werk al sedert 2002 daaraan om te verseker dat Kaapstad, Suid-Afrika se “moederstad”, nie agteruitgaan nie.
Hy sê die organisasies onder sy beheer lewer openbare veiligheid- en reinigingsdienste, maatskaplike dienste en ook kommunikasiedienste.
Bock se projek word gefinansier deur 'n addisionele bydrae van eiendomseienaars, en hulle verseker só dat elke sent terug in die ontwikkeling van 'n spesifieke gebied geploeg word.
“In 2002 was 60% van Kaapstad se sentrale besigheidsgebied leeg, eiendomswaardes het gedaal en die stadsraad se inkomste het verminder. Daar was net 360 woonstelle in die middestad. Vandag is daar meer as 4 000 woonstelle.
“Julle moet mense na die sentrale sakegebied terugbring,” het hy gesê.
Volgens Bock kan dit tot vier jaar neem voordat eienaars die opbrengste van hul beleggings sal sien. Hy sê deur soortgelyke organisasies het die waarde van eiendomme al voorheen met tussen 8% en 16% verhoog.
“Hierdie is 'n gulde geleentheid,” het hy gesê.
Mnr. Matthews Hamutenya, plaaslike sakeman en eienaar, het sy medebesluitnemers aangemoedig om die vennootskap te ondersteun.
“Ek is seker eienaars van eiendom in Windhoek se middestad sal saamstem dat ons 'n skoon, aantreklike en veilige plek met genoeg parkering wil hê.
“Kom ons maak Windhoek se middestad die hartklop van die stad en die land,” het hy gesê.
Mnr. Derek Bock, hoof uitvoerende beampte van die Voortrekkerstraat-korridor Verbeteringsdistrik (VRCID) sê hy is bekommerd hieroor, maar dit is ook 'n groot geleentheid.
Bock was Dinsdag 'n gasspreker by die verkiesing van die eerste raad van die Windhoek Middestad-vennootskap.
Hierdie vennootskap het ten doel om eienaars van eiendom in Windhoek te verteenwoordig in 'n poging om die middestad op te kikker.
Die raad bestaan uit mnr. Brian Roos van Brian Roos Properties, mnr. Marco Wenk van Broll Namibia (vir die Ohlthaver & List-groep van maatskappye), mnr. Matthews Hamutenya van die Millennium Investment Group, wat as voorsitter sal optree, me. Rachel Kalipi van Debmarine Namibië, en Rynand Mudge van Rynand Mudge-argitekte.
Windhoek se sentrale sakegebied strek van Lazarettstraat tot by Robert Mugaberylaan. Dit sluit ook Bahnhofstraat, die gebied langs die spoorlyn agter Wernhil-sentrum, Bismarck-, Voigts- en Edisonstraat in.
Dié geleentheid is moontlik gemaak deur Windhoek se stadsbestuur.
Mnr. Robert Kahimise, hoof uitvoerende beampte van die stadsbestuur, het gesê goeie verhoudings met eienaars in die stad is die kern van goeie besigheid.
Kahimise het gesê die stad is beperk wanneer dit by dienslewering kom - gedeeltelik omdat die regering se begroting vir Windhoek nie voldoende is nie.
Hy sê soortgelyke vennootskappe, soos die River Walk-projek, sal al meer voorkom in die volgende vyf jaar.
“Vennootskappe is noodsaaklik,” sê hy.
Die middestad-vennootskap beoog om 'n belastingmodel in Windhoek in te stel waardeur die standaard van dienslewering in die sentrale sakegebied verbeter kan word. Dit sal ook die waarde van eiendom laat toeneem en ekonomiese verkeer aanmoedig.
Kahimise sê die proses om die middestad-vennootkap op die been te bring gaan 'n lang een wees, maar “vandag neem ons 'n duidelike tree”.
Bock is 'n kenner op die gebied van middestad-hernuwing en werk al sedert 2002 daaraan om te verseker dat Kaapstad, Suid-Afrika se “moederstad”, nie agteruitgaan nie.
Hy sê die organisasies onder sy beheer lewer openbare veiligheid- en reinigingsdienste, maatskaplike dienste en ook kommunikasiedienste.
Bock se projek word gefinansier deur 'n addisionele bydrae van eiendomseienaars, en hulle verseker só dat elke sent terug in die ontwikkeling van 'n spesifieke gebied geploeg word.
“In 2002 was 60% van Kaapstad se sentrale besigheidsgebied leeg, eiendomswaardes het gedaal en die stadsraad se inkomste het verminder. Daar was net 360 woonstelle in die middestad. Vandag is daar meer as 4 000 woonstelle.
“Julle moet mense na die sentrale sakegebied terugbring,” het hy gesê.
Volgens Bock kan dit tot vier jaar neem voordat eienaars die opbrengste van hul beleggings sal sien. Hy sê deur soortgelyke organisasies het die waarde van eiendomme al voorheen met tussen 8% en 16% verhoog.
“Hierdie is 'n gulde geleentheid,” het hy gesê.
Mnr. Matthews Hamutenya, plaaslike sakeman en eienaar, het sy medebesluitnemers aangemoedig om die vennootskap te ondersteun.
“Ek is seker eienaars van eiendom in Windhoek se middestad sal saamstem dat ons 'n skoon, aantreklike en veilige plek met genoeg parkering wil hê.
“Kom ons maak Windhoek se middestad die hartklop van die stad en die land,” het hy gesê.
Kommentaar
Republikein
Geen kommentaar is op hierdie artikel gelaat nie