Meyerton-hervestigdes voel verontreg

font face="Verdana" >Catherine Sasman - Plaaswerkers wat al vir sewe geslagte lank op eenheid B van die plaas Meyerton 175 werk en daar hervestig is, beweer pogings word aangewend om hulle, ten gunste van hooggeplaastes, van dié grond af te dryf.Die Kunene-streekskantoor se grondafdeling het dié boere onlangs op die vingers getik omdat hulle glo die plaas van 1 790 hektaar se drakrag met 434 beeste oorskry het.Hulle is beveel om die getal vee te verminder óf hulle verloor die plaas. Die streekskantoor beskuldig hulle ook daarvan dat hulle die eenheid sonder die minister van grondhervorming, mnr. Utoni Nujoma, se goedkeuring onderverhuur. Waarnemings van die streek se grondafdeling is glo gebaseer op ‘n inspeksie wat in Oktober verlede jaar gedoen is, en vyf maande later is dié boere tereggewys.AGTERGRONDWyle mnr. Carl List het in 2002 die plase Meyerton 175, Langeleë 363 en Nissen 358 aan die Namibiese regering geskenk.Die plase is toe in verskillende eenhede opgedeel - van A tot J. Eenheid B is aan die oudplaaswekers op grond van gelyke onverdeelde aandele toegeken. Aangrensende eenhede is aan mnr. Jona Nelumbu en me. Anastasia Neumbo toegeken. Vroeg in 2015 het die grondministerie ’n geskil tussen die oudplaaswerkers op eenheid B en Nelumbu ondersoek oor die 2 185 hektaar van eenheid F op plaas Langeleë Pos 2 wat aan Nelumbu toegeken is.Die geskil spruit uit Nelumbu se klagte dat die oudplaaswerkers sy kampe onwettig betree het, waar hulle glo hul vee laat wei het en strukture opgerig het. Die ondersoekverslag het aanbeveel dat die plaaswerkers eenheid F verlaat.NIE WAAR NIE, Sê PLAASWERKERSDie plaaswerkers betwis die bevindinge en beskuldig Nelumbu en mense van aangrensende plase daarvan dat hulle in die stilligheid op húl eenheid inbeweeg het. Hulle sê Nelumbu versoek al sedert 2005 om eenheid B se water te gebruik en dat hy sy grense sedertdien verskuif het en hul grond betree. Die plaaswerkers het oor die jare heen hul klagtes by die grondministerie ingedien waarin hulle beweer die afmetings vir hul grond weerspieël nie waarop hulle in werklikheid geregtig is nie.Hulle beweer verder dat hulle op sewe verskillende poste op eenheid B hervestig moes word in behuising waarvoor hulle met vroeëre salarisaftrekkings reeds betaal het. In plaas daarvan is hulle deur “politici” in ’n hoekie gedruk, wat sedertdien die oorblywende grond in hul vrouens se name geregistreer het, terwyl hul huise vervalle geraak het, sê hulle."Ons is uit ons huise geskop. Ons is baie ongelukkig oor die omstandighede. Ons sou nie so gesukkel het as die regering ingegryp het nie. Ons is erg bekommerd," het mnr. Arnold Gaeseb gesê, wie se oorlede pa, mnr. Ruben Gaeseb, ’n begunstigde vir hervestiging was. Die plaaswerkers sê hulle het die kwessie sedert 2003 al herhaaldelik aan die polisie en ander regeringsinstellings gerapporteer - tevergeefs. Voorts beweer hulle dat die Kunenestreek se grondafdeling weier om vir hulle ’n kaart van die boerdery-eenhede in die gebied te gee. Hulle sê hulle het ook met ’n beampte van die ombudsman se kantoor gepraat, maar ’n lêer oor hul benarde toestand het glo weggeraak. Die ombudsman se kantoor in Windhoek is nie bewus van die saak nie, omdat ’n dossiernommer nie voorsien kon word om vas te stel wat die saak se status is nie. “Hulle speel kat-en-muis-speletjies met ons," het mnr. Salmon Awarab namens die plaaswerkers gesê. “Is daar twee regerings in Namibië? Een ken grond toe en die ander een vat dit weg. Watter een is die ware regering?” het mnr. Elias Khaiseb gevra.Eenheid B se begunstigdes betwis die onlangse beweringe dat hulle die grond oorlaai het en dat hulle dele van die grond onwettig onderverhuur. Volgens hulle is die beweerde onderhuurders familielede.“Dít is hoe hulle ons van die plaas af probeer kry,” het mnr. Claudius Hunibeb, ’n familielid van een van die oorspronklike hervestigde begunstigdes, mnr. Frederick Hunibeb, gesê.DIE MINISTERIEMnr. Gary Nekongo, die grondministerie se adjunkdirekteur in die Kunenestreek, wat ook een van die skrywers van 2015 se ondersoekverslag was, het verlede week gesê “sommige” van die oudplaaswerkers se beweringe is nie waar nie.Hy het daarop aangedring dat die vermeende onwettige onderhuurders, selfs al is hulle familie van die begunstigdes, nie op die plaas kan aanbly nie, omdat die minister nie vooraf hiervoor toestemming gegee het nie.Hy het ook geëis die plaaswerkers moet die “minimum vee” aanhou en die oorblywende vee behoort aan die mense aan wie hulle die grond onderverhuur.“Die probleem met die sewe (geslagte) is dat hulle ander mense betrek het,” het Nekongo gesê.

Meyerton-hervestigdes voel verontreg

Kommentaar

Republikein 2025-08-01

Meld asseblief aan om kommentaar te lewer

Meyerton-hervestigdes voel verontreg

Kommentaar

Republikein 2025-08-01

Meld asseblief aan om kommentaar te lewer

MELD AAN

Advertensie