Mesmoordenaar skuldig bevind

Jacqueline Louw – Met sake van geslagsgeweld wat skynbaar sonder onderbreking in die Windhoek-hoërhof aangehoor word, was die 28-jarige Edmund Jagger Vrydag die jongste persoon wat skuldig bevind is aan moord op ’n persoon met wie hy in ’n romantiese verhouding betrokke was.Jagger, wat sy voormalige meisie, die 22-jarige Renelda Hoeses, 18 keer met ’n mes gesteek het en daarna probeer het om homself om die lewe te bring, het aan die begin van sy verhoor skuld ontken op die moordklag teen hom.Regter Alfred Siboleka het egter bevind daar is bo enige redelike twyfel bewys dat Jagger vir Hoeses vermoor het. Gedurende die verhoor het ’n ooggetuie getuig dat hy gesien het hoe Jagger op die oorledene sit en haar herhaaldelik met ’n mes steek. Jagger het van die toneel gevlug, met sy kind in sy arms.In sy uitspraak het regter Siboleka genoem die aanval op Hoeses het plaasgevind omdat sy geweier het om die kind wat uit die verhouding gebore is, aan Jagger te gee. Sy het die baba nog geborsvoed. Jagger het homself later in sy kamer opgehang, waar ’n polisiereservis op hom afgekom en hom gered het.Jagger is op 2 Maart 2013 in hegtenis geneem kort nadat Hoeses in ’n plas bloed in die agterplaas van haar vader se huis in die Orwetoveni-woonbuurt op Otjiwarongo gevind is.Die polisie het ’n bloedbevlekte sakmes in Jagger se kamer gevind en daar was ook bloed aan die kortbroek wat hy aangehad het, sowel as aan sy bene en regterhand. Op die tafel waar die bebloede mes gevind is, het die polisie ook ’n leerlingbestuurder-handleiding met notas gevind. Dit was ’n liefdesgedig deur Jagger. Mnr. Joshua Kaumbi, Jagger se regsverteenwoordiger, het die hof meegedeel dat Jagger die gedig vir sy seun geskryf het.Adjunk-aanklaer-generaal Karin Esterhuizen het namens die staat opgetree.

Mesmoordenaar skuldig bevind

Kommentaar

Republikein 2026-02-03

Meld asseblief aan om kommentaar te lewer

Mesmoordenaar skuldig bevind

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.