Merc gee oopdak-S nog meer weelde

Jy gaan nie sommer een op die pad sien nie, maar as 'n vlagskipmodel met net die beste afwerkings moontlik het 'n koets op wiele soos Mercedes se S-klas Coupe en Cabriolet wel hul plek in die portefeulje.Die twee modelle is pas opgeknap – net soos wat Merc vroeër met die sedan gedoen het – om die jongste tegnologie in die binneruim, die nuutste bestuurderhulpmiddels en 'n enjinaanpassing te ontvang.Die reeks bestaan steeds uit die S450 en die S560 met twee AMG-modelle (S63 en S65) boaan die leer. Die S450 behou die turbogedrewe 3.0-liter-V6, maar die S560 kry 'n 4.0-liter-V8, toegerus met twee turbo's.Buite is die aanpassings maar gering. Die sierrooster kry breë dwarslatte terwyl die opsionele AMG Line-pakket ekstra luginlate laag op die hoeke kry.Die agterligte is nou ook met spesiale LED-lampies toegerus, wat 'n flonker-effek skep saans.Binne is die afwerking nou in drie pakkette saamgestel. Dit kombineer onder meer houtpanele met geborselde-aluminiumstroke en sagte leer. Die leer en hout se kleur kan onderling gewissel word. Die opmerklikste opknapping is egter die groot instrumentpaneel wat nou tot in die middel van die voorpaneel strek. 'n Groot, breë glasskerm bedek die voorkant waaragter twee inligtingskerms gehuisves word.Al die inligting op die skerms is digitaal. Die beeld kan gewissel word om 'n klassieke analoogvoorkoms na te boots, of 'n sportiewe en moderne beeld. Talle inligtingskassies is ook onderling verstelbaar om rit- en enjininligting te bied.Die stuurwiel het voortaan ook 'n klein raakpaneel op die twee- en tienuur-posisie, binne bereik van jou duim. Dit werk soos 'n slimfoon se raakoppervlak. Vee jy met jou vinger daaroor, manipuleer dit die inligtingkassies op jou instrumentpaneel. Jy kan ook die volgafstandbeheer hiermee reguleer vir 'n korter of verder volgafstand.Die kajuit is inderdaad 'n weeldekokon. Talle van die geriefstelsels is nou in bondels gegroepeer. So kan jy nou sekere stelsels saamvoeg, soos 'n sitplekmasseerder, 'n sagte agtergrondbeligting en matige verhitting van die lugversorging, sodat jy net een knoppie vir ál dié funksies hoef te druk om dit te aktiveer.Die AMG-modelle draf met hul oorspronklike enjins, die 4.0-liter-biturbo in 'n kragtiger weergawe vir die S63 en die 6.0-liter-V12 (ook met twee turbo's) vir die S65. Die Coupe en Cabriolet is met Mercedes se negegang outomatiese ratkas toegerus, maar die S65 kry 'n sewegangratkas. Die enjins beskik oor silinderafsluiting en 'n vryloopfunksie om brandstof te help bespaar.TegnotruuksWat geriefs- en hulpmiddels betref, is die outo-kantelfunksie nou bygewerk om tot by 180 km/h te werk. As jy om 'n draai ry, laat sak die lugvering die binneste twee wiele met twee grade sodat jy “na binne leun” om die draai.'n Stereokamera, bo in die voorruit, monitor ook die pad voortdurend om die vering outomaties by toestande aan te pas. Byvoorbeeld, as daar 'n spoedwal is, sal die blikbrein self die vering op sy sagste stel sodat jy skaars die boggel voel as jy daaroor ry. Die Coupe en Cabriolet kan hul volgafstand in verkeer handhaaf, self om draaie ry en ook in hul baan bly. 'n Verdere funksie is dat die motor, in hierdie selfstuurmodus, self sal rem as 'n draai of verkeersirkel in die pad opduik.En natuurlik kan jou slimfoon koordloos herlaai word as jy dit in die spesiale holte in die middelkonsole laat lê.Die opgeknapte modelle word vandeesweek by die Frankfurtse skou gewys, waarna dit vroeg aanstaande jaar na Suid-Afrika sal kom. - Netwerk24

Merc gee oopdak-S nog meer weelde

Kommentaar

Republikein 2025-12-17

Meld asseblief aan om kommentaar te lewer

Merc gee oopdak-S nog meer weelde

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.