Mense keer op keer uit riviere verskuif

Tanja Bause – Talle huise aan weerskante van 'n rivier wat parallel met Istanbulstraat in Otjomuise loop, het Sondagnamiddag oorstroom. Baie van die betrokke mense kla dat hulle al jare lank op 'n waglys van die munisipaliteit van Windhoek is en wag om verskuif te word.Harold Akwenye, woordvoerder van die munisipaliteit, sê die munisipaliteit het drie jaar gelede begin met stappe om almal wat te riskant naby aan 'n rivier woon, te verskuif. “Drie jaar gelede het 'n kind in die informele nedersetting Havana verdrink toe die rivier deur hul sinkhuis gevloei en die kind meegesleur het. Ons wil sulke tragedies en skade ten alle koste vermy; ons het al tevore die mense verskuif.”Die 21 huishoudings in Otjomuise wat Sondag verspoel het, is volgens hom ook almal na hoër grond verskuif. “Ek kan 'n tipiese situasie só verduidelik. 'n Broer en 'n suster woon met hul familie op een plot in die rivier. Ons verskuif hulle as 'n eenheid na een plot toe. Hulle word as die eienaars van die plot geregistreer. Terselfdertyd is die munisipale raad besig met besluite, maar gestel ná 'n jaar word die plot hulle s'n en nou kan hulle daarop 'n steenhuis bou. Nou trek die broer terug na hul ou plot by die rivier en die suster bly op die hoë grond in die hoop dat beide van hulle eienaars van een van die verskillende plotte word.”Talle mense in Otjomuise wou nie skuif nie en die munisipaliteit is dan magteloos. “Ons kan niks doen as hulle nie wil skuif nie, of as hulle terugkeer. Huise word oornag opgeslaan en die reël is dat ons nie 'n huis wat beddens in het en waar mense in slaap, mag afbreek nie. Ons kan net vra dat hulle skuif.”Volgens hom het dieselfde rivier laas jaar ook so sterk afgekom en is geen huise oorstroom nie, omdat al die mense verskuif was. “Mense kom dan en gee die munisipaliteit die skuld dat hulle oorstroom het; dan verwag hulle dat ons hul beddens en meubels vervang, maar ons kan dit nie doen nie, want ons het hulle mos juis verskuif. “Ons het na al die riviere in die informele nedersettings gaan kyk en mense geskuif wat in die rivier was. Aan diegene wat buite gevaar was, het ons nog steeds sandsakke gegee vir ingeval die watervlak so hoog opkom.“Namibiërs is baie bedorwe en hulle kla net, maar ons kan mekaar help as jy jouself help.” – tanja@republikein.com.naFOTODie 21 families wie se huise Sondag langs die rivier oorstroom het, is reeds verlede jaar na hoër grond verskuif. Foto Tanja Bause

Mense keer op keer uit riviere verskuif

Kommentaar

Republikein 2025-11-06

Meld asseblief aan om kommentaar te lewer

Mense keer op keer uit riviere verskuif

Kommentaar

Republikein 2025-11-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.