'Mens speel rol in bewaring'
Dit is slegs die tweede keer dat Pathways buite Amerika op Afrikabodem aangebied word.
Die minister van die omgewing en toerisme, mnr. Pohamba Shifeta, sê dit is gepas dat Namibië die gasheerland vir die Pathways Afrika-konferensie is, want die regering omhels natuurbewaring ten volle.
Dit is slegs die tweede keer dat Pathways buite Amerika op Afrikabodem aangebied word, waar 200 afgevaardigdes van 20 lande in Windhoek byeenkom. Die minister het Pathways Afrika 2018 gister amptelik geopen waartydens wildbestuurders en bewaringsbeleidleiers saam met internasionale navorsers en akademici tot Vrydag die tema “Living with Wildlife” sal bespreek.
“Pathways Afrika ondersoek die menslike dimensies van wildlewebestuur. Namibië het lankal besef mense speel ‘n belangrike rol in bewaring en natuurlike hulpbronnebestuur,” het Shifeta gesê.
“Boere in Namibië boer met hul beeste en kleinvee tussen wild, wat karnivore insluit. Om ’n habitat met wild te deel, is nie ‘n maklike lewenstyl nie.
“Ons gemeenskappe dra daagliks die las van konflik met wilde diere en daarom is Pathways Afrika so belangrik.”
Wildkenners van regerings- en nieregeringsorganisasies wêreldwyd kan tydens die konferensie bespreek hoe om menslike dimensies van wildlewe en natuurlike hulpbronnebestuur in hul verskillende gebiede te takel.
Shifeta sê die tema van die konferensie is die Namibiese filosofie vir wildbestuur: "Die bewaringsgebiedmodel word internasionaal erken en lê 'n sterk grondslag vir gemeenskappe om met wild saam te leef. Ons bewaringsgebiede verdeel regte en betrek gemeenskappe by wildbestuur en -bewaring."
Hy meen daar is meer as 100 programme vir gemeenskapsgebaseerde natuurlike hulpbronnebestuur in Namibië wat meer as 16 miljoen hektaar beslaan. Dit is 20% van die grondmassa in Namibië met ten minste 44% van die land wat aan verskillende vorms van natuurbewaring onderworpe is.
"Tog word 80% van Namibië se wild buite staatsbeskermde gebiede gevind wat in mense se hande is. Die goeie bewaring van Namibië se natuurlike hulpbronne is 'n bron van nasionale trots en dit ondersteun Namibië se ekonomie."
Shifeta sê groeiende wildbevolkings, soos die olifantbevolking, wat van 7 500 olifante in 1995 tot 23 000 olifante tans gegroei het, is een van die hoofredes waarom toeriste Namibië besoek.
"Toerisme is die tweede grootste bedryf, het 'n impak op almal in die land en dra by tot die welstand van alle Namibiërs. Toerisme dra 15% tot die bruto binnelandse produk by en verskaf werk aan meer as 100 (??) mense."
Hy sê as minister van die omgewing en toerisme is dit vir hom 'n eer om die bewaringsbeleide wat groei steun, te bestuur en te lei.
“Die aarde is nie ons s’n nie; dit is ‘n skat wat ons vir toekomstige geslagte bewaar. Om daarin te slaag, moet ons voortgaan om te soek vir volhoubare maniere waar mens en natuur in vrede kan saamleef."
Die minister beaam die leuse van die Jagluiperdbewaringsfonds (CCF), Pathways Afrika se mede-organiseerders: "Ons kan saamleef."
Die konferensie word deur die Colorado-staatsuniversiteit se Warner-kollege van natuurlike hulpbronnebestuur en die CCF georganiseer, in samewerking met die Groot Karnivoor-bestuursvereniging van Namibië (LCMAN), die Namibië Natuurstigting (NNF) en die ministerie van die omgewing en toerisme.
Dit is slegs die tweede keer dat Pathways buite Amerika op Afrikabodem aangebied word, waar 200 afgevaardigdes van 20 lande in Windhoek byeenkom. Die minister het Pathways Afrika 2018 gister amptelik geopen waartydens wildbestuurders en bewaringsbeleidleiers saam met internasionale navorsers en akademici tot Vrydag die tema “Living with Wildlife” sal bespreek.
“Pathways Afrika ondersoek die menslike dimensies van wildlewebestuur. Namibië het lankal besef mense speel ‘n belangrike rol in bewaring en natuurlike hulpbronnebestuur,” het Shifeta gesê.
“Boere in Namibië boer met hul beeste en kleinvee tussen wild, wat karnivore insluit. Om ’n habitat met wild te deel, is nie ‘n maklike lewenstyl nie.
“Ons gemeenskappe dra daagliks die las van konflik met wilde diere en daarom is Pathways Afrika so belangrik.”
Wildkenners van regerings- en nieregeringsorganisasies wêreldwyd kan tydens die konferensie bespreek hoe om menslike dimensies van wildlewe en natuurlike hulpbronnebestuur in hul verskillende gebiede te takel.
Shifeta sê die tema van die konferensie is die Namibiese filosofie vir wildbestuur: "Die bewaringsgebiedmodel word internasionaal erken en lê 'n sterk grondslag vir gemeenskappe om met wild saam te leef. Ons bewaringsgebiede verdeel regte en betrek gemeenskappe by wildbestuur en -bewaring."
Hy meen daar is meer as 100 programme vir gemeenskapsgebaseerde natuurlike hulpbronnebestuur in Namibië wat meer as 16 miljoen hektaar beslaan. Dit is 20% van die grondmassa in Namibië met ten minste 44% van die land wat aan verskillende vorms van natuurbewaring onderworpe is.
"Tog word 80% van Namibië se wild buite staatsbeskermde gebiede gevind wat in mense se hande is. Die goeie bewaring van Namibië se natuurlike hulpbronne is 'n bron van nasionale trots en dit ondersteun Namibië se ekonomie."
Shifeta sê groeiende wildbevolkings, soos die olifantbevolking, wat van 7 500 olifante in 1995 tot 23 000 olifante tans gegroei het, is een van die hoofredes waarom toeriste Namibië besoek.
"Toerisme is die tweede grootste bedryf, het 'n impak op almal in die land en dra by tot die welstand van alle Namibiërs. Toerisme dra 15% tot die bruto binnelandse produk by en verskaf werk aan meer as 100 (??) mense."
Hy sê as minister van die omgewing en toerisme is dit vir hom 'n eer om die bewaringsbeleide wat groei steun, te bestuur en te lei.
“Die aarde is nie ons s’n nie; dit is ‘n skat wat ons vir toekomstige geslagte bewaar. Om daarin te slaag, moet ons voortgaan om te soek vir volhoubare maniere waar mens en natuur in vrede kan saamleef."
Die minister beaam die leuse van die Jagluiperdbewaringsfonds (CCF), Pathways Afrika se mede-organiseerders: "Ons kan saamleef."
Die konferensie word deur die Colorado-staatsuniversiteit se Warner-kollege van natuurlike hulpbronnebestuur en die CCF georganiseer, in samewerking met die Groot Karnivoor-bestuursvereniging van Namibië (LCMAN), die Namibië Natuurstigting (NNF) en die ministerie van die omgewing en toerisme.
Kommentaar
Republikein
Geen kommentaar is op hierdie artikel gelaat nie