Melkbaard vroeg-vroeg al kampioenboer

Ronelle Rademeyer - Die 18-jarige Jürgen-Leigh Human, boerseun van Gobabis en ’n graad 12-leerling aan die Windhoek Afrikaanse Privaatskool, het vir die tweede keer in drie jaar ’n gesogte titel met sy Limousin-stoet ingepalm. Sy koei, Penny (byna 19 jaar oud), is tydens die afgelope Bloemskou in Bloemfontein met die titel Limousin-koei van die Jaar bekroon.Dié titel word aan koeie toegeken wat uitsonderlike vrugbaarheidsprestasies in hul leeftyd behaal het. “Sy is nog op die plaas – amptelik die oudste bees – maar is nog soos ‘n kind op die werf,” vertel sy pa, dr. Hannes Human.Jürgen-Leigh kon egter nie die plegtigheid self bywoon nie, aangesien hy in Ierland was waar sy skool dieselfde aand ’n rugbywedstryd teen die Cill Dara-rugbyklub gespeel het.In 2015 is sy koei, Tracey, gekies as die Suid-Afrikaanse Landbounavorsingsraad se Beste Elite Limousin-koei uit ongeveer 7 500 vroulike diere op grond van haar uitsonderlike prestasiesyfers, veral reproduksie.Benewens reproduksie moes sy ook 'n uitstaande rekord hê betreffende die groei van haar nageslag. Die ouderdom met eerste kalf, tussenkalfperiode, datum van laaste kalwing, volledigheid van haar nageslag se speenrekords en fisieke gewigte, teelwaardes soos direkte geboorte- en speenwaardes is in aanmerking geneem.Penny is in 2000 ingevoer na Namibië as deel van ’n groep van vyf verse wat by Mike Fitzhenry van Indwe in Suid-Afrika gekoop is.Haar vaar was die bekende Limousin-bul, Vergesigte Villy Genoeg 92-195.Sy het in haar leeftyd al die volgende vrugbaarheidstitels verower:· Limousin Superkoei by die Windhoek Skou· Select Cow by die Gobabis Skou· Select Cow en wenner van Queen’s Cup by die Windhoek SkouHaar inligting is as volg:Naam: Penmick MR 99.47 (Penny)DOB: 31/10/1999TKP: 339 daeDLK: 114 daeAantal kalwers: 18 (13 bulkalwers en 5 verskalwers)

Melkbaard vroeg-vroeg al kampioenboer

Kommentaar

Republikein 2025-05-01

Meld asseblief aan om kommentaar te lewer

Melkbaard vroeg-vroeg al kampioenboer

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie