Mej. Turkye gestraf oor sy leier beledig
’n Voormalige Mej. Turkye is Dinsdag tot opgeskorte tronkstraf gevonnis omdat sy ’n gedig waarin pres. Tayyip Erdogan beledig word, op Instagram gedeel het.
In die gedig, getiteld The Master’s Poem, word verwys na ’n hoëvlak-korrupsieskandaal in 2014 in Turkye.
Merve Buyuksarac, wat in 2006 Mej. Turkye was, is gevonnis tot 14 maande tronkstraf wat vir vyf jaar opgeskort is op voorwaarde dat sy nie in dié tyd aan ’n soortgelyke oortreding skuldig bevind word nie.
Haar skuldigbevinding is die jongste van omtrent ’n dosyn soortgelyke gevalle in Turkye. In Turkye kan die belediging van ’n staatsamptenaar tot vyf jaar tronkstraf lei.
Die wet is vroeër selde toegepas, maar sedert Erdogan in 2014 president geword het, is 1 800 sulke sake al aangehoor.
Van die beskuldigdes was spotprenttekenaars, joernaliste en tieners. - Netwerk24/Nampa/Reuters
In die gedig, getiteld The Master’s Poem, word verwys na ’n hoëvlak-korrupsieskandaal in 2014 in Turkye.
Merve Buyuksarac, wat in 2006 Mej. Turkye was, is gevonnis tot 14 maande tronkstraf wat vir vyf jaar opgeskort is op voorwaarde dat sy nie in dié tyd aan ’n soortgelyke oortreding skuldig bevind word nie.
Haar skuldigbevinding is die jongste van omtrent ’n dosyn soortgelyke gevalle in Turkye. In Turkye kan die belediging van ’n staatsamptenaar tot vyf jaar tronkstraf lei.
Die wet is vroeër selde toegepas, maar sedert Erdogan in 2014 president geword het, is 1 800 sulke sake al aangehoor.
Van die beskuldigdes was spotprenttekenaars, joernaliste en tieners. - Netwerk24/Nampa/Reuters
Kommentaar
Republikein
Geen kommentaar is op hierdie artikel gelaat nie