Mej. Mavis maak weer haar buiging
Die gewilde mej. Mavis-kompetisie vir fopdossers - mans wat soos vroue aantrek en omgekeerd - word aanstaande naweek weer in Windhoek gehou.
Die kompetisie vind op 8 Oktober by die Khomas Grove-inkoopsentrum in Khomasdal plaas met 16 finaliste van so ver as Rosh Pinah en Swakopmund wat om die kroon vir 2016 gaan meeding.
Deelnemers sal in swemdrag sowel as skemerkelkie- en aanddrag beoordeel word. Volgens die organiseerder, mnr. Vincent Elton, word die kompetisie ten bate van die “WeCareTrust” aangebied. Die kompetisie se hoofborg is Woermann Hyper, met me. Karen Woermann wat baie nou by die trust betrokke is.
“Die hoop is om op die perseel van die trust langs die Tony Rust-renbaan buite Windhoek ’n skoonheidskool en -salon op te rig. So baie skoolverlaters beland op straat omdat hulle gedruip het of nie aan toelatingsvereistes van universiteite voldoen nie. Hier kan hulle kennis en vaardighede opdoen om te gaan werk of selfs hul eie ondernemings te open.”
Die verrigtinge skop om 20:00 by die inkoopsentrum af, met kaartjies wat tot Vrydag 7 Oktober teen N$100 per persoon by die hoofingang beskikbaar sal wees. ’n Kaartjie van N$250 per persoon sluit benewens die kroningsplegtigheid ook ’n partytjie daarna in.
Volgens Elton sluit van die verwagte gaste vir die aand die Big Brother-deelnemer Dillish en vanjaar se Mej. Namibië, Lizelle Esterhuizen, in.
Die kroningsaand word Vrydag voorafgegaan deur ’n straatoptog van die finaliste in motors.
Die optog begin by die Snyman-sirkel, beweeg van daar tot by die Soweto-mark in Katutura en eindig by die Khomas Grove-inkoopsentrum.
Die kompetisie vind op 8 Oktober by die Khomas Grove-inkoopsentrum in Khomasdal plaas met 16 finaliste van so ver as Rosh Pinah en Swakopmund wat om die kroon vir 2016 gaan meeding.
Deelnemers sal in swemdrag sowel as skemerkelkie- en aanddrag beoordeel word. Volgens die organiseerder, mnr. Vincent Elton, word die kompetisie ten bate van die “WeCareTrust” aangebied. Die kompetisie se hoofborg is Woermann Hyper, met me. Karen Woermann wat baie nou by die trust betrokke is.
“Die hoop is om op die perseel van die trust langs die Tony Rust-renbaan buite Windhoek ’n skoonheidskool en -salon op te rig. So baie skoolverlaters beland op straat omdat hulle gedruip het of nie aan toelatingsvereistes van universiteite voldoen nie. Hier kan hulle kennis en vaardighede opdoen om te gaan werk of selfs hul eie ondernemings te open.”
Die verrigtinge skop om 20:00 by die inkoopsentrum af, met kaartjies wat tot Vrydag 7 Oktober teen N$100 per persoon by die hoofingang beskikbaar sal wees. ’n Kaartjie van N$250 per persoon sluit benewens die kroningsplegtigheid ook ’n partytjie daarna in.
Volgens Elton sluit van die verwagte gaste vir die aand die Big Brother-deelnemer Dillish en vanjaar se Mej. Namibië, Lizelle Esterhuizen, in.
Die kroningsaand word Vrydag voorafgegaan deur ’n straatoptog van die finaliste in motors.
Die optog begin by die Snyman-sirkel, beweeg van daar tot by die Soweto-mark in Katutura en eindig by die Khomas Grove-inkoopsentrum.
Kommentaar
Republikein
Geen kommentaar is op hierdie artikel gelaat nie