MEFT: Situasie met seekoeie nie so kritiek

Volgens die ministerie van die omgewing, bosbou en toerisme is die situasie met die seekoeie in ‘n modderpoel in die Linyanti-gebied in die Noordooste nie so kritiek nie. Dit volg na beamptes van die ministerie die modderpoel in die Wuparo-bewaringsgebied in die Zambezistreek besoek het om die kondisie van die seekoeie vas te stel. “Die situasie met die seekoeie is nie so kritiek nie, maar het wel aandag nodig,” het die woordvoerder van die ministerie, mnr. Romeo Muyunda, vandag gesê.“Volgens ons beamptes is daar 32 seekoeie in die modderpoel en geen sterfgevalle het plaasgevind nie,” het hy gesê.Dit volg ná berigte van Livingstone’s Camp dat 44 seekoeie in die modderpoel vassit en ‘n seekoeikalf gevrek het. “Die ministerie het aanvanklik sonpanele aan die bewaringsgebied geskenk om water in die poel te pomp. Ons het vasgestel dat ‘n nuwe boorgat onlangs deur die bewaringsgebied geboor is wat tans water in die poel pomp om die watervlak aansienlik te verhoog.” Muyunda sê die ministerie sal ‘n groter waterpomp installeer en brandstof verskaf om die watertoevoer na die pomp te verhoog. “Neem kennis dat die ministerie verbind bly aan die oorlewing van die seekoeie. Ons sal voortgaan om die situasie te monitor totdat dit weer normaal is.” Die woordvoerder doen ‘n beroep op private rolspelers om saam met die ministerie te werk “en nie pleidooie vir finansiële steun te vra voor met die relevante owerhede gekommunikeer is nie”. -francoise@republikein.com.naFoto Facebook/Livingstone's Camp

MEFT: Situasie met seekoeie nie so kritiek

Kommentaar

Republikein 2025-12-17

Meld asseblief aan om kommentaar te lewer

MEFT: Situasie met seekoeie nie so kritiek

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.