Meer oor ons helde en die positiewe

ERNST HASHAGEN SKRYF: Die goeie nuus in ons land word steeds te dikwels deur die slegte oorheers. Dit moet ons seker aanvaar, maar daar is dinge wat gebeur wat vir ons onverstaanbaar is. Daarom is dit belangrik dat die positiewe dinge nog meer beklemtoon word.Ek dink hier onder meer veral aan die werk van ons dokters, gesondheidspersoneel, onderwysers en die vragmotorbestuurders.Besef ons leiers wat in ons land aangaan? 'n Ouma maak ou bene op vullishope bymekaar om haar 21 kleinkinders te versorg – en dit is nie die enigste geval van verskriklike armoede nie – terwyl ander, soos van ons leiers en hul vriende en familie in rykdom lewe. Geensins wil ek beweer dat al ons leiers diewe is nie! Daar is onder hulle 'n paar wat regtig vir die gewone, Namibiese burger omgee.Gelukkig kan ons daagliks lees van mense wat alles doen om arm mense te help.Die Olimpiese Spele begin binnekort. Gister (13/7) het 'n baie goeie artikel oor Phillip Seidler verskyn en daar is seker geen Namibiër wat nie trots is nie op ons twee diamante, Christine en Beatrice, sowel as hul afrigter Henk Botha. Hierdie prestasies is 'n voorbeeld vir ons jong mense. Hoeveel ongeslypte diamante is daar nog in ons land?Ons Skepper het Christene en Beatrice met talente voorsien. Harde werk en talle opofferings het hulle gebring waar hulle vandag is. Dit is onaanvaarbaar dat sekere mense 'n streep deur hul prestasies trek. Die idiotiese, rassistiese besluit om hulle van sekere items te skors, is onaanvaarbaar en 'n reuseteleurstelling, nie net vir ons land nie maar die hele Afrika.Nog meer teleurstellend is dat ons leiers nie op die skandalige besluit gereageer het nie. Die finansiële bydrae deur die staat om hulle te ondersteun, is belaglik. As dit nie vir die private sektor was nie, sou dit vir hulle feitlik onmoontlik gewees het om die fantastiese hoogtepunte te behaal.Hulle is nie die enigste vroue uit Afrika wat onder hierdie blatante diskriminasie deurloop nie. Selfs Frank Fredericks, ten alle tye 'n voorbeeldige mens en atleet, word nog deur ongegronde beskuldigings geteister.'n Mens dink terug aan die Spele van 1936 in Berlyn. Jesse Owens wen die 100 m en die 200 m, maar die rassistiese leier van Nazi-Duitsland weier om hom geluk te wens, omdat hy swart is!Ons wil graag meer oor Maike Diekmann weet. Sy kom uit een van die droogste lande in die wêreld en kwalifiseer as kanovaarder vir die Spele. En van al die ander deelnemers.Lesers wil graag in hierdie moeilike tye een maal per week op 'n prominente plek in die koerant oor 'n positiewe bydrae lees. Goeie voorbeelde is die artikels oor Marelee Ferreira en Mashare se bessie-oes.In laasgenoemde geval vra 'n mens jou af hoekom is hierdie projek suksesvol en ander groenskemas misluk hopeloos.

Meer oor ons helde en die positiewe

Kommentaar

Republikein 2026-02-05

Meld asseblief aan om kommentaar te lewer

Meer oor ons helde en die positiewe

Kommentaar

Republikein 2026-02-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.