Meer olifante, minder konflik

Francoise SteynbergNamibië het die derde grootste olifantbevolking in Afrika, met sowat 22 754 olifante. “Wanneer mens die data van die olifantbevolking met voorvalle van olifantkonflik oor dié tydperk kombineer, sou mens verwag dat die hoë olifantsyfers meer voorvalle sou veroorsaak, maar is dit die geval?” het die hoofbewaringswetenskaplike van die Etosha Nasionale Park, mnr. Werner Killian, gevra. Hy was een van die sprekers by verlede week se nasionale konferensie oor mens-dier-konflik wat deur die ministerie van die omgewing en toerisme in die hoofstad aangebied is.Die antwoord op Killian se vraag word deur statistieke bewys: Hoewel die olifantbevolking groei, het voorvalle van olifantkonflik verminder.Die sowat 22 754 olifante in Namibië kom oor 'n gebied van 164 069 vierkante kilometer voor. Namibië se olifante is sowat 12% van suidelike Afrika se olifantbevolking. Die meerderheid olifante in die land kom in die Zambezistreek voor waar sowat 13 116 olifante is en waar die meerderheid olifantkonflik plaasvind. Sowat 11 372 gevalle is oor 'n tydperk van 15 jaar aangemeld. In die Khaudum Nasionale Park en die Kavango is sowat 4 149 olifante, gevolg deur sowat 2 911 olifante in die Etosha Nasionale Park. In die Nyae Nyae-kommunale bewaringsgebied is sowat 2 264 olifante met sowat 314 olifante in die Kunenestreek. Die minderheid olifante kom in die Mangetti-gebied voor. Slegs sowat 90 olifante is deur die observasie-metode in 2016 daar waargeneem.Die ander olifantsyfers is deur lugopnames in 2015 gedoen, behalwe dié in die Kunenestreek in 2011. Volgens Killian het die olifantbevolking in Namibië stadig maar seker gegroei. Die minister van die omgewing en toerisme, mnr. Pohamba Shifeta, sê die olifantbevolking was in 1995 sowat 7 600 en staan tans op 22 000.“Dit is presies die teenoorgestelde tendens as in die meerderheid lande van Afrika,” het hy op 3 Maart tydens die vieringe van Wêreldwildlewedag gesê.Data wat oor die afgelope 15 jaar ingesamel is, wys dat die Zambezistreek die gevaararea vir mens-olifant-konflik is. Die Kunenestreek, met 3 113 gevalle wat tussen 2001 en 2016 aangemeld is, is tweede op die lys vir mens-olifant-konflik.Die Omusatistreek is derde op die lys met 777 gevalle wat in 15 jaar aangemeld is, en die Kavangostreek vierde met 304 gevalle van 2007 tot 2014.In die Otjozondjupastreek is 183 gevalle van olifantkonflik in twee jaar (2013 tot 2015) aangemeld en in die Oshikotostreek is 142 voorvalle vanaf 2010 tot 2014 aangemeld.In die Erongostreek is in 15 jaar net 84 voorvalle aangemeld met die minderheid voorvalle in die Omahekestreek, waar net ses voorvalle in twee jaar tussen 2010 en 2012 aangemeld is.“Wanneer die data van die olifantbevolking en die voorvalle oor 'n tydperk gekombineer word, sou mens verwag dat die hoë olifantsyfers meer konflik sou veroorsaak,” het Killian gesê.“Maar tendense in die Zambezistreek dui aan dat die olifantbevoling gegroei het, maar voorvalle van konflik het verminder.”Volgens Killian kan dit wees omdat alle konffik nie gerapporteer word nie, of omdat die opnames van olifantbevolking oor- of onderskat word.Dit kan ook wees dat die maatreëls om konflik te verminder werk.

Meer olifante, minder konflik

Kommentaar

Republikein 2025-05-02

Meld asseblief aan om kommentaar te lewer

Meer olifante, minder konflik

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie