Meer jonger kiesers verwag
Die ECN sal na raming nog 300 000 kiesers vir die komende verkiesings laat registreer, waarvan die meeste na verwagting jonger Namibiërs is.
Augetto Graig - Jonger burgers kan die meerderheid kiesers in vanjaar se verkiesings wees, mits die Verkiesingskommissie van Namibië (ECN) 90% van sy doel bereik om 300 000 aanvullende kiesers te registreer.
Voorspellings deur die ECN wat op die Namibië Statistiekagentskap (NSA) se bevolkingsyfers gebaseer is, dui aan kiesers jonger as 35 jaar kan vanjaar vir die eerste keer 56,11% van die totale kiesersyfer uitmaak.
Die aanvullende registrasieproses skop eerskomende Maandag af en duur tot 27 Julie.
Teen Woensdag was daar 1, 2 miljoen geregistreerde kiesers op die nasionale kiesersrol.
Adv. Notemba Tjipueja, voorsitter van die ECN, het gister meer lig op voorbereidings vir die aanvullende registrasieproses gewerp.
Sy het ook inligting oor die komende presidensiële en Nasionale Vergadering-verkiesing gedeel.
Die verkiesings vind op 17 November vanjaar plaas.
Die ECN het op 17 Mei ’n veldtog van stapel gestuur om Namibiërs op hoogte van die verkiesings en demokrasie in die land te bring.
Die kommissie werk saam met onder meer nieregeringsorganisasies en die private media om van die veldtog ’n sukses te maak.
Tjipueja sê staatsinstansies is ook genader om hierby betrokke te wees.
Die ECN wend onder meer radiostasies en gemeenskapskoerante aan om plattelandse gemeenskappe te bereik.
Sosiale media en die internet word ingespan om die jonger garde te betrek, sê sy.
Die kommissie het 94 jeugambassadeurs aangestel om die belang van jonger Namibiërs se stemme uit te lig.
Sedert Februarie, toe die verkiesingskalender amptelik goedgekeur is, het die ECN reeds in totaal 4 488 registrasiebeamptes aangestel wat in 671 spanne ingedeel is vir 4 069 registrasiepunte oor die 14 landstreke.
Werklose jongmense en mense met ervaring of verkiesingskenners is tydelik aangestel om met die registrasieproses te help.
“Ek is bly om te sê vir die eerste keer in ons geskiedenis is geen enkele regeringsbeampte hiervoor gewerf nie, afgesien van buitelandse ambassadebeamptes, wat volgens wet diens by Namibiese ambassades in die registrasieproses moet doen,” sê Tjipueja.
Alle beamptes is opgelei en 3 345 registrasiebeamptes sal van Saterdag af ontplooi word, terwyl toesighouers en logistiekbeamptes al sedert laas maand werksaam is, sê sy.
Registrasiemateriaal is ook reeds versprei.
Een uitdaging wat die proses in die gesig staar, is die beskikbaarheid van voertuie. Die ECN benodig 856 voertuie, terwyl die regering net 712 kan verskaf.
’n Tekort van 145 voertuie sal opgelos word deur voertuie by burgers te huur.
Mnr. Theo Mujoro, hoof- kiesbeampte, sê 4X4-voertuie sal teen N$1 200 per dag uitverhuur word, terwyl sedanvoertuie teen N$1 000 ’n dag verhuur sal word.
“Ons ontvang reeds oproepe van lede van die publiek wat hul voertuie hiervoor beskikbaar stel,” sê hy.
Die ECN benodig ook nog N$80 miljoen om alle beoogde planne te kan uitvoer.
Mujoro sê hy glo die regering sal dié tekort in Augustus tydens die halftermyn-begrotingshersiening aanspreek.
“Ek twyfel nie dat die staat die nodige hulpbronne vir ons gebruik sal voorsien nie,” sê hy.
Politieke partye en belanghebbende organisasies sal die lys van kwalifiserende kiesers ná 28 Augustus kan nagaan.
Besware teen die insluiting van individue op die lys sal voor ’n verkiesingstribunaal gebring moet word vir beslissing voor 1 Oktober.
Die finale volledige kieserslys sal op 25 Oktober in die Staatskoerant aangeteken word.
Nominasies vir presidensiële en Nasionale Vergadering-kandidate moet teen 18 Oktober ingedien word.
Nominasies vir onafhanklike kandidate vir die amp van president moet voor 16 Oktober ingedien word.
Ambassades in die buiteland en kiesers ter see sal op 13 November stem.
Voorspellings deur die ECN wat op die Namibië Statistiekagentskap (NSA) se bevolkingsyfers gebaseer is, dui aan kiesers jonger as 35 jaar kan vanjaar vir die eerste keer 56,11% van die totale kiesersyfer uitmaak.
Die aanvullende registrasieproses skop eerskomende Maandag af en duur tot 27 Julie.
Teen Woensdag was daar 1, 2 miljoen geregistreerde kiesers op die nasionale kiesersrol.
Adv. Notemba Tjipueja, voorsitter van die ECN, het gister meer lig op voorbereidings vir die aanvullende registrasieproses gewerp.
Sy het ook inligting oor die komende presidensiële en Nasionale Vergadering-verkiesing gedeel.
Die verkiesings vind op 17 November vanjaar plaas.
Die ECN het op 17 Mei ’n veldtog van stapel gestuur om Namibiërs op hoogte van die verkiesings en demokrasie in die land te bring.
Die kommissie werk saam met onder meer nieregeringsorganisasies en die private media om van die veldtog ’n sukses te maak.
Tjipueja sê staatsinstansies is ook genader om hierby betrokke te wees.
Die ECN wend onder meer radiostasies en gemeenskapskoerante aan om plattelandse gemeenskappe te bereik.
Sosiale media en die internet word ingespan om die jonger garde te betrek, sê sy.
Die kommissie het 94 jeugambassadeurs aangestel om die belang van jonger Namibiërs se stemme uit te lig.
Sedert Februarie, toe die verkiesingskalender amptelik goedgekeur is, het die ECN reeds in totaal 4 488 registrasiebeamptes aangestel wat in 671 spanne ingedeel is vir 4 069 registrasiepunte oor die 14 landstreke.
Werklose jongmense en mense met ervaring of verkiesingskenners is tydelik aangestel om met die registrasieproses te help.
“Ek is bly om te sê vir die eerste keer in ons geskiedenis is geen enkele regeringsbeampte hiervoor gewerf nie, afgesien van buitelandse ambassadebeamptes, wat volgens wet diens by Namibiese ambassades in die registrasieproses moet doen,” sê Tjipueja.
Alle beamptes is opgelei en 3 345 registrasiebeamptes sal van Saterdag af ontplooi word, terwyl toesighouers en logistiekbeamptes al sedert laas maand werksaam is, sê sy.
Registrasiemateriaal is ook reeds versprei.
Een uitdaging wat die proses in die gesig staar, is die beskikbaarheid van voertuie. Die ECN benodig 856 voertuie, terwyl die regering net 712 kan verskaf.
’n Tekort van 145 voertuie sal opgelos word deur voertuie by burgers te huur.
Mnr. Theo Mujoro, hoof- kiesbeampte, sê 4X4-voertuie sal teen N$1 200 per dag uitverhuur word, terwyl sedanvoertuie teen N$1 000 ’n dag verhuur sal word.
“Ons ontvang reeds oproepe van lede van die publiek wat hul voertuie hiervoor beskikbaar stel,” sê hy.
Die ECN benodig ook nog N$80 miljoen om alle beoogde planne te kan uitvoer.
Mujoro sê hy glo die regering sal dié tekort in Augustus tydens die halftermyn-begrotingshersiening aanspreek.
“Ek twyfel nie dat die staat die nodige hulpbronne vir ons gebruik sal voorsien nie,” sê hy.
Politieke partye en belanghebbende organisasies sal die lys van kwalifiserende kiesers ná 28 Augustus kan nagaan.
Besware teen die insluiting van individue op die lys sal voor ’n verkiesingstribunaal gebring moet word vir beslissing voor 1 Oktober.
Die finale volledige kieserslys sal op 25 Oktober in die Staatskoerant aangeteken word.
Nominasies vir presidensiële en Nasionale Vergadering-kandidate moet teen 18 Oktober ingedien word.
Nominasies vir onafhanklike kandidate vir die amp van president moet voor 16 Oktober ingedien word.
Ambassades in die buiteland en kiesers ter see sal op 13 November stem.
Kommentaar
Republikein
Geen kommentaar is op hierdie artikel gelaat nie