Meer in kwarantyn

Die afgelope weke se toename in nuwe gevalle van Covid-19 in Namibië veroorsaak ook 'n hernude toename in die aantal persone wat in die staat se kwarantyngeriewe gehuisves word.Gister het die syfer effens tot 1656 afgeneem, na 137 opnames en 198 persone wat ontslaan is die vorige dag.Maandag was die nasionale totaal op 1 717 die hoogste sedert 15 April; net meer as 'n maand gelede.Ons grafika wys die totale per streek soos dit Maandag daaruitgesien het. Dinsdag se streekgetalle sal eers vandag bekendgemaak word.In die Erongostreek is Woensdag 'n groep van 122 ingeneem, terwyl in die Omusati-streek, waar geriewe lank leeg was, Sondag 119 en Maandag nog 110 individue met kwarantyn begin het. Ander groot veranderinge geskied in streke wat aan buurlande grens waar grense oop is.In die //Kharasstreek is gedurende die sewe dae wat Maandag ten einde geloop het 270 persone ingeneem en 116 ontslaan. Die grootste groep, 181, het Woensdag hul intrek geneem.In die Omahekestreek was daar tydens dieselfde periode 423 innames en 243 persone kon huis toe terugkeer of hul reis voortsit.In die Oshikoto-streek is 309 persone in kwarantyngeriewe ingeneem en effens meer, 343, is ontslaan.Getalle in die Otjozondjupa- en Zambezi-streke was al vir onderskeidelik 30 en 25 dae onveranderd. Een moontlike rede is dat nuwe data nie na Windhoek gestuur word nie. Syfers sluit mense uit wat tuis selfkwarantyn toepas.Teen gister het die totale aantal gevalle in die land met 171 tot 53 603 gestyg. Van die gevalle is 3 207 aktief.Nog tien sterftes is aan die virus toegeskryf, wat die dodetol op 789 te staan bring.Tot die helfte minder toetse as gewoonlik is Dinsdag op die openbare vakansiedag verwerk.

Meer in kwarantyn

Kommentaar

Republikein 2025-12-19

Meld asseblief aan om kommentaar te lewer

Meer in kwarantyn

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.