Meer as 90 000 ha verwoes in brande
Wes-Kaapse premier het gesê berekenings word gedoen om te bepaal of die gebied tot rampgebied verklaar moet word.
Jackie Kruger - Minstens 91 000 ha is verwoes in brande wat reeds meer as ’n week lank in die Tuinroete-gebied in die Suid-Kaap woed.
Helen Zille, Wes-Kaapse premier, het Maandag die gebied besoek. “Geografies is dit ’n veel groter gebied as die 22 000 ha wat verlede jaar in die Knysna-brande verwoes is,” het sy op ’n kort mediakonferensie by die Garden Route-distriksmunisipaliteit in George gesê.
Volgens dié distriksmunisipaliteit was daar teen Maandagmiddag steeds vyf brandgebiede in die Suid-Kaap – by Grootvadersbosch naby Heidelberg, die Garciapas tussen Riversdal en Ladismith, Herbertsdale naby Mosselbaai, die groter George-gebied wat Jonkersberg, Knysna en De Vlugt insluit en Soetkraal tussen Plettenbergbaai en Uniondale. Alle paaie is oop behalwe die R339 tussen Knysna en Uniondale.
BRANDBESTRYDERS
Zille het gesê berekenings word gedoen om te bepaal of die gebied tot rampgebied verklaar moet word. Sy het haar simpatie uitgespreek teenoor die familie van die agt mense wat verlede week in die brand in die Karatara-gebied gesterf het. Verskeie strukture waaronder die Geelhoutvlei Timbers-saagmeul naby Karatara het ook afgebrand.
500 brandbestryders is ontplooi. Zille het gesê sy is dankbaar vir die Suid-Afrikaanse weermag se hulp met lugbystand.
Sy het gesê die situasie is onder beheer. Die brand het in die rigting van Plettenbergbaai beweeg en gemeenskappe wat in die vlamme se pad was, is na veiligheid geneem.
Zille, vergesel van burgemeesters van dorpe wat deur die brande beskadig is, het ook in reënweer die tolhuis in die Montagupas besoek wat in puin gelê is asook inwoners wat nou tydelik in Sedgefield gehuisves word. – Netwerk24
Helen Zille, Wes-Kaapse premier, het Maandag die gebied besoek. “Geografies is dit ’n veel groter gebied as die 22 000 ha wat verlede jaar in die Knysna-brande verwoes is,” het sy op ’n kort mediakonferensie by die Garden Route-distriksmunisipaliteit in George gesê.
Volgens dié distriksmunisipaliteit was daar teen Maandagmiddag steeds vyf brandgebiede in die Suid-Kaap – by Grootvadersbosch naby Heidelberg, die Garciapas tussen Riversdal en Ladismith, Herbertsdale naby Mosselbaai, die groter George-gebied wat Jonkersberg, Knysna en De Vlugt insluit en Soetkraal tussen Plettenbergbaai en Uniondale. Alle paaie is oop behalwe die R339 tussen Knysna en Uniondale.
BRANDBESTRYDERS
Zille het gesê berekenings word gedoen om te bepaal of die gebied tot rampgebied verklaar moet word. Sy het haar simpatie uitgespreek teenoor die familie van die agt mense wat verlede week in die brand in die Karatara-gebied gesterf het. Verskeie strukture waaronder die Geelhoutvlei Timbers-saagmeul naby Karatara het ook afgebrand.
500 brandbestryders is ontplooi. Zille het gesê sy is dankbaar vir die Suid-Afrikaanse weermag se hulp met lugbystand.
Sy het gesê die situasie is onder beheer. Die brand het in die rigting van Plettenbergbaai beweeg en gemeenskappe wat in die vlamme se pad was, is na veiligheid geneem.
Zille, vergesel van burgemeesters van dorpe wat deur die brande beskadig is, het ook in reënweer die tolhuis in die Montagupas besoek wat in puin gelê is asook inwoners wat nou tydelik in Sedgefield gehuisves word. – Netwerk24
Kommentaar
Republikein
Geen kommentaar is op hierdie artikel gelaat nie