Meer as 500 verlede jaar op paaie dood
Altesaam 3 022 ongelukke is in 2021 deur die Padongelukfonds aangeteken, vergeleke met die 2 815 in 2020.
Jana-Mari Smith – Verlede jaar is 532 mense landwyd in motorongelukke dood.
Dis ’n toename van 14% in padsterftes teenoor die 466 in 2020. Verlede jaar se syfers toon nie net ’n toename in padsterftes in vergelyking met die vorige jaar nie, maar ook in die totale aantal ongelukke en beserings wat die Namibiese Padongelukfonds (MVAF) aangeteken het.
In 2020 is 2 815 ongelukke by die MVAF aangemeld, terwyl 3 022 – ’n toename van 7% – in 2021 aangeteken is.
Altesaam 5 067 beserings as gevolg van motorongelukke is in 2020 aangemeld en 5 302 in 2021 – ’n styging van 5%.
Die MVAF het bevestig die streek wat die hoogste aantal padverwante sterftes in 2021 aangeteken het, was Otjozondjupa met 72, gevolg deur 64 sterftes in die Khomasstreek en meer as 40 sterftes elk in Oshikoto (48), Ohangwena (45), Erongo (42) en Omusati (42).
Khomas en Hardap het elk ’n styging van 68% in padsterftes tussen 2020 en 2021 aangeteken. In 2020 is 38 sterftes in die Khomasstreek aangemeld, teenoor die 64 sterftes in 2021.
In die Hardapstreek is 22 mense in 2020 op die paaie dood, teenoor 37 verlede jaar.
Die MVAF het die hoogste aantal motorongelukke, altesaam 1 016, in die Khomasstreek aangeteken.
Die Erongostreek het 304 ongelukke wat tot beserings en/of sterftes gelei het aangemeld, vergeleke met 266 ongelukke in Otjozondjupa en 224 in Oshikoto.
VOETGANGERS
BOAAN STERFTELYS
Ongelukke waarin voetgangers betrokke was, het tot die meeste sterftes gelei, met 167 voetgangers wat in 2021 dood is.
Dit uit ’n totaal van 881 motorongelukke waar voetgangers betrokke was.
In 2020 het die MVAF 756 van dié ongelukke en 129 voetgangersterftes aangeteken. Dis ’n toename van 29% in voetgangersterftes in 2021 vergeleke met die vorige jaar.
Botsings en voertuie wat gerol het, was volgende, met 862 botsings wat in 2021 aangeteken is en 725 voertuie wat gerol het.
Ongelukke waarby fietsryers betrokke was, was verantwoordelik vir 64 van die aangemelde ongelukke in 2021, met twee fietsryers wat verlede jaar dood is in vergelyking met 66 ongelukke en vyf sterftes in 2020.
In nagenoeg 100 ongelukke is mense uit voertuie geslinger óf hulle het gespring, wat tot 16 sterftes gelei het.
In 2021 was 4 082 voertuie betrokke by die totaal van 3 022 ongelukke wat aangemeld is, terwyl 3 762 voertuie in 2020 betrokke was by die totaal van 2 815 ongelukke wat die MVAF daardie jaar gelys het.
Die meerderheid voertuie wat in ongelukke betrokke was, was sedanvoertuie en bakkies (onderskeidelik 2 067 en 1 217).
Busse en vragmotors was onderskeidelik in 137 en 173 ongelukke betrokke.
– [email protected]
FOTO
In September 2021 is ‘n 35-jarige voetganger dood nadat hy op die B8-pad buite Grootfontein in die Otjozondjupastreek deur ‘n voertuig getref is. Foto Nampa
Dis ’n toename van 14% in padsterftes teenoor die 466 in 2020. Verlede jaar se syfers toon nie net ’n toename in padsterftes in vergelyking met die vorige jaar nie, maar ook in die totale aantal ongelukke en beserings wat die Namibiese Padongelukfonds (MVAF) aangeteken het.
In 2020 is 2 815 ongelukke by die MVAF aangemeld, terwyl 3 022 – ’n toename van 7% – in 2021 aangeteken is.
Altesaam 5 067 beserings as gevolg van motorongelukke is in 2020 aangemeld en 5 302 in 2021 – ’n styging van 5%.
Die MVAF het bevestig die streek wat die hoogste aantal padverwante sterftes in 2021 aangeteken het, was Otjozondjupa met 72, gevolg deur 64 sterftes in die Khomasstreek en meer as 40 sterftes elk in Oshikoto (48), Ohangwena (45), Erongo (42) en Omusati (42).
Khomas en Hardap het elk ’n styging van 68% in padsterftes tussen 2020 en 2021 aangeteken. In 2020 is 38 sterftes in die Khomasstreek aangemeld, teenoor die 64 sterftes in 2021.
In die Hardapstreek is 22 mense in 2020 op die paaie dood, teenoor 37 verlede jaar.
Die MVAF het die hoogste aantal motorongelukke, altesaam 1 016, in die Khomasstreek aangeteken.
Die Erongostreek het 304 ongelukke wat tot beserings en/of sterftes gelei het aangemeld, vergeleke met 266 ongelukke in Otjozondjupa en 224 in Oshikoto.
VOETGANGERS
BOAAN STERFTELYS
Ongelukke waarin voetgangers betrokke was, het tot die meeste sterftes gelei, met 167 voetgangers wat in 2021 dood is.
Dit uit ’n totaal van 881 motorongelukke waar voetgangers betrokke was.
In 2020 het die MVAF 756 van dié ongelukke en 129 voetgangersterftes aangeteken. Dis ’n toename van 29% in voetgangersterftes in 2021 vergeleke met die vorige jaar.
Botsings en voertuie wat gerol het, was volgende, met 862 botsings wat in 2021 aangeteken is en 725 voertuie wat gerol het.
Ongelukke waarby fietsryers betrokke was, was verantwoordelik vir 64 van die aangemelde ongelukke in 2021, met twee fietsryers wat verlede jaar dood is in vergelyking met 66 ongelukke en vyf sterftes in 2020.
In nagenoeg 100 ongelukke is mense uit voertuie geslinger óf hulle het gespring, wat tot 16 sterftes gelei het.
In 2021 was 4 082 voertuie betrokke by die totaal van 3 022 ongelukke wat aangemeld is, terwyl 3 762 voertuie in 2020 betrokke was by die totaal van 2 815 ongelukke wat die MVAF daardie jaar gelys het.
Die meerderheid voertuie wat in ongelukke betrokke was, was sedanvoertuie en bakkies (onderskeidelik 2 067 en 1 217).
Busse en vragmotors was onderskeidelik in 137 en 173 ongelukke betrokke.
– [email protected]
FOTO
In September 2021 is ‘n 35-jarige voetganger dood nadat hy op die B8-pad buite Grootfontein in die Otjozondjupastreek deur ‘n voertuig getref is. Foto Nampa
Kommentaar
Republikein
Geen kommentaar is op hierdie artikel gelaat nie