Meer as 30 dood in aanval in Libië
Betreklike vrede wat die afgelope tyd geheer het, is verpletter in Benghazi.
Minstens 33 mense is dood toe twee motorbomme Dinsdag kort ná mekaar in die Libiese stad Benghazi afgegaan het. Talle ander is gewond, wat senior veiligheidspersoneel en burgerlikes insluit, luidens amptenare.
Die aanval het die betreklike vrede verpletter wat die afgelope tyd in die land se tweede grootste stad heers. Tot en met laat verlede jaar was gevegte nog aan die orde van die dag weens die burgeroorlog tussen die weermag en die Libya Dawn Coalition wat steeds weier om ná die moord in 2011 op Moeammar Ghaddafi, Libiese diktator, met die nuwe bedeling saam te werk.
Die eerste bom het buite ’n moskee in die sentrale Al-Salmani-gebied van die stad afgegaan terwyl lidmate op pad uit was ná afloop van hulle aandgebede.
Sowat ’n kwartier later, nadat reddingswerkers en die polisie reeds op die toneel aangekom het, het ’n tweede, groter bom afgegaan wat in ’n Mercedes op die toneel oorkant die pad gestaan het.
Een van die mense wat dood is, is Ahmed al-Feitouri, ’n senior polisielid. Mahdi al-Fellah, ’n senior intelligensiebeampte, is een van die 50 mense wat gewond is. – Netwerk24/Nampa/Reuters
Die aanval het die betreklike vrede verpletter wat die afgelope tyd in die land se tweede grootste stad heers. Tot en met laat verlede jaar was gevegte nog aan die orde van die dag weens die burgeroorlog tussen die weermag en die Libya Dawn Coalition wat steeds weier om ná die moord in 2011 op Moeammar Ghaddafi, Libiese diktator, met die nuwe bedeling saam te werk.
Die eerste bom het buite ’n moskee in die sentrale Al-Salmani-gebied van die stad afgegaan terwyl lidmate op pad uit was ná afloop van hulle aandgebede.
Sowat ’n kwartier later, nadat reddingswerkers en die polisie reeds op die toneel aangekom het, het ’n tweede, groter bom afgegaan wat in ’n Mercedes op die toneel oorkant die pad gestaan het.
Een van die mense wat dood is, is Ahmed al-Feitouri, ’n senior polisielid. Mahdi al-Fellah, ’n senior intelligensiebeampte, is een van die 50 mense wat gewond is. – Netwerk24/Nampa/Reuters
Kommentaar
Republikein
Geen kommentaar is op hierdie artikel gelaat nie