Meer as 30 000 leerlinge nie terug skool toe

14 January 2021 | Onderwys
Henriette Lamprecht – Meer as 30 000 leerlinge het verlede jaar ná die heropening van skole vir aangesig-tot-aangesig-onderrig nie weer na die skoolbanke teruggekeer nie.

“Hulle het deur die krake geval en kon nie opgespoor word nie. Ons het hulle verloor,” het die minister van onderwys, kuns en kultuur, me. Anna Nghipondoka, by Staatshuis gesê in reaksie op skole wat midde van die Covid-pandemie steeds op 26 Januarie heropen.

Volgens haar het die aantal skoolmeisies wat tydens die sluiting van die skole swanger geraak het, ook verdubbel. Van Maart tot September het 3 600 skoolmeisies swanger geraak. Volgens Nghipondoka wissel laasgenoemde getal in 'n hele skooljaar tussen 900 tot 1 200 meisies.

Met verwysing na verskeie onderrigmetodes wat verlede jaar gebruik is toe skole vir aangesig-tot-aangesig-onderrig gesluit was, het Nghipondoka gesê: “Ons het verskillende metodes gebruik, maar dit is as eksklusief bewys.

“Navorsing het gewys dit is meer nadelig om skole te sluit en dit is beter om die risiko's en die situasie te bestuur.”

Met verwysing na skole waar wel Covid-19-gevalle onder onderwysers en leerlinge was, sê Nghipondoka geen kind was ernstig siek of is gehospitaliseer nie.

“Ons het vyf skole waar sporadiese gevalle was, maar die kinders was asimptomaties. Natuurlik kan hulle steeds die virus oordra, daarom dat higiëne by die huis so belangrik is.”

Verlede jaar het pre-primêre tot graad 3-leerlinge 104 skooldae gemis; graad 4, 5 en 6-leerlinge 119 dae; graad 7 en 9-leerlinge 109 dae; graad 8-leerlinge 104 dae; graad 10-leerlinge 78 dae; graad 11 en 12-leerlinge 53 skooldae.

Intussen berig Mariselle Stofberg die ministerie se uitvoerende direkteur, me. Sanet Steenkamp, het bevestig alle grade keer op 26 Januarie terug skool toe.

“Die uitstel van die skole se heropening word slegs as die laaste uitweg beskou. Onderrig en onderwys moet voortgaan en toeganklike, gelyke en gehalte onderrig vir elke Namibiese kind bly die ministerie se grootste prioriteit in 2021,” het Steenkamp tydens gister se virtuele vergadering met rolspelers gesê.

“Met die regte voorsorg, maatreëls en regulasies is dit moontlik om met aangesig-tot-aangesig onderrig voort te gaan terwyl ons steeds die veiligheid en gesondheid van onderwysers en leerlinge verseker,” sê sy.

Steenkamp sê verder geen bewyse dui aan skole en onderriginstellings is die primêre aandrywers van Covid-19 verspreiding nie.

“Onderwysers en personeel by skole is nie in groter gevaar as enige ander beroep om blootgestel te word aan Covid-19 nie. Ná die heropening van skole tussen Augustus en September verlede jaar is geen toename in infeksies aangemeld wat hieraan toegeskryf kan word nie.”

Die ministerie het ook N$56 miljoen aan die streke beskikbaar gestel vir skole om ontsmettingsmiddels, seep en ander voorsorgmaatreëls in plek te kry vir leerlinge wat terugkeer.

Die ministerie wil ook 'n basislyn-diagnostiese evaluering van elke leerling onderneem wanneer klasse hervat word, om die vaardigheidsvlak en standaard van elke leerling vas te stel. 'n Herstelraamwerk van vyf weke word ook voorgestel om die geletterdheidsvaardighede van leerlinge te versterk.

“Die ministerie wil ook steun aan leerlinge bied wat inklusief is vir alle leerlinge, sodat geen leerling agtergelaat sal word nie. Dit is spesifiek gemik op behoeftige leerlinge en leerlinge met gestremdhede of spesiale behoeftes,” sê Steenkamp verder. – [email protected]

– ­[email protected]

Soortgelyk

 

Oliesoektog: D-dag vir besware om die draai

9 ure gelede | Omgewing

Ronelle Rademeyer – Die olie- en gasmaatskappy Reconnaissance Energy Namibia (ReconAfrica) moet teen Vrydag 5 Februarie sy aansoek vir ’n omgewingsklaringsertifikaat (ECC) by die ministerie...

Inhaal deel van leerplan

9 ure gelede | Onderwys

Henriette Lamprecht – Die nasionale leerplan is tot 70% gerasionaliseer en ’n herstelperiode is ingebou wat vandeesmaand met die opening van skole vir die nuwe...

Haihambo terug in hof

9 ure gelede | Howe

Kristien Kruger – Die moordbeskuldige mnr. Philipus Hafeni Haihambo (55) se verhoor het hierdie week in die hoërhof in Windhoek hervat.Die verhoor was verlede jaar...

Weer vir 20 Januarie 2021

9 ure gelede | Weer

WEERWAAK: Swaar reënneerslae met kitsvloede sal waarskynlik by Tsumkwe en die streke van die Kavango, Zambezi, Oshikoto, Ohangwena en Oshana voorkom en na die Omusati-...

Die Neckartaldam se 'beker loop oor'

9 ure gelede | Weer

Elvira Hattingh – Terwyl 'n weerkenner meen swaar reën is moontlik in die tweede deel van Februarie en Maart vir Namibië op pad, het Neckartal...

Vuilspel in Shoprite/Nafau-staking beweer

9 ure gelede | Arbeid

Augetto Graig – Beskuldigings van vuilspel aan beide kante sal volgende Dinsdag in die hof draai, wanneer prokureurs vir Shoprite en die Namibiese Unie...

Lesersfoto's 20 Januarie 2021

9 ure gelede | Lesersfoto's

Sterkerig: Elize het die foto in haar tuin geneem. Water: Johané Boshoff het die foto by Aussenkehr geneem.Groete: “Ek het die sonsondergang buite Tsumeb geneem....

3 sterftes, 242 nuwe gevalle

17 ure gelede | Gesondheid

Drie nuwe Covid-19-verwante sterftes, een elk van Eenhana, Oshakati en Oshikuku, het die totaal vir die land op 296 te staan gebring. Vandag is 242...

Neckartaldam: Tot oorlopens toe vol

1 dag gelede | Weer

Elvira Hattingh – Teen saktyd gisteraand is verwag dat die Neckartaldam vanaf middernag sou begin oorloop en tot 1 100 m³ water per sekonde sou...