Meer as 100 Covid-19-gevalle in twee dae

Altesaam 68 is van Walvisbaai

13 July 2020 | Gesondheid
Henriette Lamprecht – Walvisbaai het op Saterdag en Sondag 110 nuwe gevalle van Covid-19-aangeteken en Swakopmund drie oor dieselfde tydperk.

Die totale aantal gevalle vir die land het oor die naweek met 117 tot 785 gestyg.

Van gister se 72 nuwe gevalle was 71 Namibiërs en een 'n Suid-Afrikaanse burger. Altesaam 68 is van Walvisbaai, een van Swakopmund, een van Engela in die Ohangwenastreek, een van Keetmanshoop in die ||Kharasstreek en een van Oshakati in die Oshanastreek.

Die geval in Keetmanshoop is ‘n Suid-Afrikaanse vroulike vragmotorbestuurder wat die land op 8 Julie vanaf Kaapstad by die Noordoewer-grenspos binnegekom het. Sy is deur die Grünau-Keetmanshoop-padblokkade op pad na Oranjemund om vrag te gaan aflaai. Volgens Shangula het sy op 10 Julie uit Oranjemund teruggekeer en is op dieselfde dag by dieselfde padblokkade getoets. Sy het Namibië op 11 Julie deur die Noordoewer-grenspos verlaat.

Die geval op Oshakati het op 22 Junie uit Walvisbaai gereis en is op die dorp onder kwarantyn geplaas. ‘n Weefselmonster is op 3 Julie geneem wat positief getoets het.

Die geval op Engela is in Junie deur ‘n kennis uit Walvisbaai besoek wat weer op 17 Junie na die hawedorp teruggekeer het. Met sy terugkeer het hy Covid-19-verwante simptome ontwikkel en later positief getoets. Die vrou het haarself op 1 Julie laat toets en is aangesê om in selfkwarantyn te gaan totdat sy haar uitslae ontvang.

Volgens Shangula bestaan Sondag se gevalle uit 41 mans en 31 vroue. Die jongste geval is een jaar oud en die oudste 58. Geval 17 wat op Keetmanshoop aangeteken is, het volgens die minister intussen herstel. Dit bring die totaal op 26 mense wat van Covid-19 herstel het.

Namibië het tans 785 Covid-19-gevalle en 13 999 weefselmonsters is tot op hede getoets. Tans is 759 mense in kwarantyn in geriewe oraloor die land.
[email protected]

Soortgelyk

 

Covid-19: Verkiesings ‘kompleks, intens’

41 minute gelede | Politiek

Denver Kisting en Kristien Kruger – Die hoofkiesbeampte van die Verkiesingskommissie van Namibië (ECN), mnr. Theo Mujoro, sê om die plaaslike owerheid- en streekraadsverkiesings later...

Eina, jou doring

41 minute gelede | In beeld

Kristien Kruger het die foto van die geelvink wat op ’n doringdraad hardloop in haar tuin in Klein Windhoek geneem.

‘Kommerwekkende styging’ in Windhoek-gevalle

41 minute gelede | Gesondheid

Henriette Lamprecht – Die aantal Covid-19-gevalle in Windhoek is besig om vinnig te styg, ‘n situasie wat deur die minister van gesondheid en maatskaplike dienste,...

Sluit van howe in openbare belang- Dausab

41 minute gelede | Howe

Denver Kisting – Me. Yvonne Dausab, die minister van justisie, sê hoewel hofdienste, wat ’n integrale deel van geregtigheid vorm, beperk sal wees vanweë beskikbaarheid...

Weer vir 12 Augustus 2020

41 minute gelede | Weer

WEERWAAK: Koue toestande sal in die Suide voorkom. BINNELAND: Sonnig en matig in die Suide. Elders sal dit sonnig en warm tot baie warm wees....

Uitlewerings op ys weens virus

41 minute gelede | Misdaad

“Daar is individue van belang, wat vermoedelik in ons buurlande is; sommige is opgespoor en (ons) wag op die afhandeling van die vereiste administratiewe prosesse.”...

Eros se aanloopbaan opgeknap

41 minute gelede | Vervoer

Ronelle RademeyerOfskoon daar nie geld is vir omvattende rehabilitasie van die aanloopbaan by die ­Eros-lughawe in Windhoek, gaan tussentydse herstelwerk oor die volgende drie maande...

Trane loop nog steeds oor Frieda Ndatipo

41 minute gelede | Mense

Jana-Mari SmithSes jaar nadat die ­ongewapende protesteerder me. Frieda Ndatipo gedurende 'n geveg tussen die Swapo-strydkinders en die Namibiese polisie voor Swapo se hoofkantoor doodgeskiet...

Lesersfoto's 12 Augustus 2020

41 minute gelede | Lesersfoto's

Gelukkige varkie: “Dit is soos dit hoort,” sê Björn Basler. Familie: AK van Donkerhoek het die foto van die wilde perde by Aus geneem. Mooi:...