'Medisyne begin inkom'
'n Farmaseutiese groothandelaar hoop die lewering van medisynevoorrade sal begin stabiliseer.
Henriette Lamprecht
Medisyne het begin inkom. Dit was gister die versekering van die farmaseutiese groothandelaar Geka Pharma, nadat Namibië die afgelope tyd kritieke tekorte aan medikasie ervaar het.
Volgens mnr. Jan-Christo Coetzer, direkteur by Geka Pharma, het die groothandelaar 'n “konstante stroom wat begin inbeweeg”.
“Ek glo en hoop ons sal binne 'n week begin stabiliseer en nader aan normaal begin beweeg,” het Coetzer gesê.
Die grootste stok in die wiel in die verskaffingsnetwerk aan Namibië is die kommissie vir internasionale handelsadministrasie (Itac) se regulasies wat in Maart in Suid-Afrika uitgereik is. Daarmee saam vereis die buurland se inkomstediens (SARS) ook 'n permit vir uitvoere.
Mnr. Uli Ritter, visepresident van die Aptekersvereniging van Namibië (PSN), het vroeër die “burokratiese oponthoud” deur SARS die skuld vir die vertraging in die lewering van noodsaaklike medisyne aan Namibië gegee.
Ritter het verlede Vrydag gesê die Itac-regulasies is verlede week gedeeltelik omgekeer en reggestel, maar dat die grootste struikelblok steeds SARS se aandrang op 'n permit vir uitvoere was.
Geka Pharma se besturende direkteur, mnr. Willie van Wyk, het vroeër gesê daar is omtrent nie 'n kwaal wat nie deur die landswye tekort aan medikasie geraak word nie.
Dit sluit die volle spektrum en alle terapeutiese klasse van medikasie in. Veral in chroniese medikasie word reusetekorte ondervind, insluitend medikasie vir hoë bloeddruk, skildklier en diabetes in.
Ook is daar tekorte aan sekere voorbehoedmiddels, entstowwe en middels vir chemoterapeutiese behandeling.
Ook die staat se sentrale mediese store (CMS) se rakke is leeg en volgens die hoofapteker, me. Seija Nakamhela, is die totale verskaffingsproses omver gewerp. Dit het daartoe gelei dat die lae voorraadstapels vinnig uitgeput is sonder dat dit met nuwe voorrade aangevul is.
– [email protected]
Medisyne het begin inkom. Dit was gister die versekering van die farmaseutiese groothandelaar Geka Pharma, nadat Namibië die afgelope tyd kritieke tekorte aan medikasie ervaar het.
Volgens mnr. Jan-Christo Coetzer, direkteur by Geka Pharma, het die groothandelaar 'n “konstante stroom wat begin inbeweeg”.
“Ek glo en hoop ons sal binne 'n week begin stabiliseer en nader aan normaal begin beweeg,” het Coetzer gesê.
Die grootste stok in die wiel in die verskaffingsnetwerk aan Namibië is die kommissie vir internasionale handelsadministrasie (Itac) se regulasies wat in Maart in Suid-Afrika uitgereik is. Daarmee saam vereis die buurland se inkomstediens (SARS) ook 'n permit vir uitvoere.
Mnr. Uli Ritter, visepresident van die Aptekersvereniging van Namibië (PSN), het vroeër die “burokratiese oponthoud” deur SARS die skuld vir die vertraging in die lewering van noodsaaklike medisyne aan Namibië gegee.
Ritter het verlede Vrydag gesê die Itac-regulasies is verlede week gedeeltelik omgekeer en reggestel, maar dat die grootste struikelblok steeds SARS se aandrang op 'n permit vir uitvoere was.
Geka Pharma se besturende direkteur, mnr. Willie van Wyk, het vroeër gesê daar is omtrent nie 'n kwaal wat nie deur die landswye tekort aan medikasie geraak word nie.
Dit sluit die volle spektrum en alle terapeutiese klasse van medikasie in. Veral in chroniese medikasie word reusetekorte ondervind, insluitend medikasie vir hoë bloeddruk, skildklier en diabetes in.
Ook is daar tekorte aan sekere voorbehoedmiddels, entstowwe en middels vir chemoterapeutiese behandeling.
Ook die staat se sentrale mediese store (CMS) se rakke is leeg en volgens die hoofapteker, me. Seija Nakamhela, is die totale verskaffingsproses omver gewerp. Dit het daartoe gelei dat die lae voorraadstapels vinnig uitgeput is sonder dat dit met nuwe voorrade aangevul is.
– [email protected]
Kommentaar
Republikein
Geen kommentaar is op hierdie artikel gelaat nie