Media gaan vry bly, sê Geingob

Wetsontwerp by skrywers

18 September 2019 | Ministeries
Denver Kisting



Pres. Hage Geingob het Maandag by Staatshuis die versekering gegee die media gaan vry bly.

Dit was sy onderneming selfs voor hy staatshoof geword het dat die vryheid van die media en die vrye vloei van inligting gewaarborg sal wees, sê hy. “Dit is baie belangrik vir demokrasie.”

Volgens Geingob is dit 'n basiese reg waarvoor daar tydens die stryd om onafhanklikheid geveg is.

“Ten minste waar moont­lik, sou ons daardie regte wil beskerm.”

Die president het terselfdertyd gesê die waarborg staan hoewel die media nie altyd professioneel optree en goed nagevorsde berigte lewer nie. In sommige gevalle word gerugte selfs as die waarheid aangebied,

sê Geingob.

“Die waarheid sal altyd uitkom. Ons sê ons raak nie aan die media nie,” het hy gesê.

Mnr. Engel Nawatiseb, adjunkminister van inligting en kommunikasietegnologie, het gesê die wetsontwerp op toegang tot inligting is in die pylvak.

Volgens hom is die voorgenome wet tans by die wetskrywers.

Hy het voorts gesê die uitnodiging aan die media bly om hulleself te reguleer “sodat ons as die regering nie gedwing word om te reguleer nie”.

Dié opmerkings is tydens 'n besoek deur die Afrikakommissie vir Menseregte se spesiale gesant op vryheid van uitdrukking en toegang tot inligting, komm. Lawrence Mute, gemaak.

Mute het Namibië as die land met die vryste media in Afrika geloof.

“Maar daar is altyd meer wat gedoen kan word.”

Hy het hom beroep op die spoedige inwerkingstelling van die voorgenome wet op toegang tot inligting.

Mute het gevra Namibië se regering moet nie die voorbeeld van sommige van sy eweknieë volg en sosialemediaplatforms voor die verkiesing later vanjaar sluit nie.

Volgens hom is die rasio­naal dat dit help om die verspreiding van fopnuus teen te werk teenproduktief.

“Ons moenie 'n hamer gebruik om 'n muskiet dood te maak nie.”

- [email protected]

Soortgelyk

 

B-dag: Maak of breek

7 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

7 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

7 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

7 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

7 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

7 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

7 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...

Etosha Sondagmiddag deur aardbewing geskud

7 ure gelede | Ongelukke

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Medelye stroom in vir man wat aan Covid-19 sterf

7 ure gelede | Gesondheid

Ronelle Rademeyer – Medelye stroom glo in vir die familie van die Namibiër wat Saterdag in Nottingham, ­Engeland, aan die coronavirussiekte (Covid-19) dood is.Die minister...