Medalje was vir 'verenigde Namibië', sê Henk Botha
Die afrigter Henk Botha was gister vol lof vir die ondersteuning van vele rolspelers in die opbou na Tokio 2020.
Andrew Poolman – Van dag een af het hy as afrigter nooit druk op sy twee talentvolle en nou gevierde naellopers geplaas, dat hulle veronderstel is om rekords te breek of medaljes te wen nie.
In hul spanpraatjie voor laas Dinsdag se Olimpiese 200-meter vrouefinaal het Henk Botha egter 'n uitsondering gemaak en Christine Mboma en Beatrice Masilingi vir die eerste keer “aangemoedig” om vir die medaljes te hardloop – vir die onthalwe van die Namibiese nasie wat hulle so sterk ondersteun het.
Botha het gister sy in spreekbeurt tydens die amptelike verwelkoming van die span ná die Olimpiese Spele in Tokio hulde gebring aan sy twee gevierde atlete wat Grootfontein, die Kavango-streek en die ganse Namibië verenig en op die wêreldkaart van atletiek gevestig het.
Die land se mees gevierde atletiekafrigter het gesê Olimpiese medaljes is lekker om te hê, maar die land behoort al sy mededingers in elke sportkode die erkenning te gee wat hul toekom – die roeiers, swemmers, fietsryers, almal was werklik kompeterend.
“Die hitte in Japan was van die ergste wat ek nog ondervind het. Vir Helalia Johannes en Rainhold Tomas om vyf dae voor die marathons daar aan te kom en met 'n minimale ondersteuningspan – een of twee, in vergelyking met sommige ander lande met tot tien mense – hulle 42 kilometer so ongelooflik goed klaar te maak, was 'n briljante prestasie.”
Botha het ander rolspelers agter die skerms soos Dawie Augustyn (missiehoof), dr. David Weber (spandokter) en Anna-Mart Kruger (fisioterapeut) vir hul belangrike bydrae geloof, maar gesê elke Olimpiese spanlid sou nooit so ver kon kom sonder die steun van hul families nie, wat nooit op televisie verskyn nie.
Volgens Botha was die media se steun ook 'n riem onder die hart om die atlete op hul pad boontoe te dra.
“Deur sport het ons die hele land verenig. Mag God ons wonderlike nasie seën.”
Sportminister Agnes Tjongarero het ook hulde gebring aan elke rolspeler wat tot die Olimpiese medalje-sukses bygedra het.
“Die sportministerie en die Namibiese Skolesportunie (NSSU) was op elke tree van Mboma en Masilingi se skouspelagtige reis betrokke – sedert daardie byeenkoms in 2018 op Rundu waar hulle kaalvoet gehardloop en die eerste keer raakgesien is.
“Op die pad wat hulle saam met afrigter Henk Botha gestap het, was die regering ook behulpsaam. Ek is dus uitgeboul oor waar die konstante kritiek vandaan kom dat die Namibiese regering nie sy kant bring om tot die bevordering van sport by te dra nie?”
Mboma, Masilingi en Botha saam met ander NSSU-spanlede vertrek reeds einde vandeesweek weer na Kenia vir deelname aan die o.20-wêreldkampioenskap. In September stuur die NSSU 'n o.15-span (atletiek en skaak) na Serwië; sportspanne gaan ook in Desember na Lesotho en volgende jaar na Malawi – om nie van die 2022 Statebondspele in Birmingham te praat nie, het Tjongarero uitgewys toe sy oor die omvang van die regering se bydrae in die opbou na die volgende Olimpiese Spele (Parys 2024) uitgevra is.
Die president van Atletiek Namibië, mnr. Erwin Naimhwaka, het gesê die atlete het die land met trots en eer verteenwoordig en was waarlik kompeterend.
“Helalia en Rainhold se moedige geveg tot die einde was 'n vreugde om te aanskou. Vir my was dit onmoontlik om stil te sit terwyl ons Namibiese atlete gehardloop het.
“Ek is trots op die hele span. Die hulpbronne wat maatskappye beskikbaar gestel het, het 'n verskil gemaak in ons voorbereiding.”
FOTO’s Tielman van Lill
Afrigter Henk Botha en die atlete erken die verwelkoming van die triomfantelike Namibiese span met hul terugkoms in Windhoek.
Van links: Beatrice Masilingi, Christine Mboma en die fisioterapeut Anna-Mart Kruger wuif Namibiese vlaggies tydens gister se parade deur die middestad. Skermgreep ministerie van inligting en kommunikasie
In hul spanpraatjie voor laas Dinsdag se Olimpiese 200-meter vrouefinaal het Henk Botha egter 'n uitsondering gemaak en Christine Mboma en Beatrice Masilingi vir die eerste keer “aangemoedig” om vir die medaljes te hardloop – vir die onthalwe van die Namibiese nasie wat hulle so sterk ondersteun het.
Botha het gister sy in spreekbeurt tydens die amptelike verwelkoming van die span ná die Olimpiese Spele in Tokio hulde gebring aan sy twee gevierde atlete wat Grootfontein, die Kavango-streek en die ganse Namibië verenig en op die wêreldkaart van atletiek gevestig het.
Die land se mees gevierde atletiekafrigter het gesê Olimpiese medaljes is lekker om te hê, maar die land behoort al sy mededingers in elke sportkode die erkenning te gee wat hul toekom – die roeiers, swemmers, fietsryers, almal was werklik kompeterend.
“Die hitte in Japan was van die ergste wat ek nog ondervind het. Vir Helalia Johannes en Rainhold Tomas om vyf dae voor die marathons daar aan te kom en met 'n minimale ondersteuningspan – een of twee, in vergelyking met sommige ander lande met tot tien mense – hulle 42 kilometer so ongelooflik goed klaar te maak, was 'n briljante prestasie.”
Botha het ander rolspelers agter die skerms soos Dawie Augustyn (missiehoof), dr. David Weber (spandokter) en Anna-Mart Kruger (fisioterapeut) vir hul belangrike bydrae geloof, maar gesê elke Olimpiese spanlid sou nooit so ver kon kom sonder die steun van hul families nie, wat nooit op televisie verskyn nie.
Volgens Botha was die media se steun ook 'n riem onder die hart om die atlete op hul pad boontoe te dra.
“Deur sport het ons die hele land verenig. Mag God ons wonderlike nasie seën.”
Sportminister Agnes Tjongarero het ook hulde gebring aan elke rolspeler wat tot die Olimpiese medalje-sukses bygedra het.
“Die sportministerie en die Namibiese Skolesportunie (NSSU) was op elke tree van Mboma en Masilingi se skouspelagtige reis betrokke – sedert daardie byeenkoms in 2018 op Rundu waar hulle kaalvoet gehardloop en die eerste keer raakgesien is.
“Op die pad wat hulle saam met afrigter Henk Botha gestap het, was die regering ook behulpsaam. Ek is dus uitgeboul oor waar die konstante kritiek vandaan kom dat die Namibiese regering nie sy kant bring om tot die bevordering van sport by te dra nie?”
Mboma, Masilingi en Botha saam met ander NSSU-spanlede vertrek reeds einde vandeesweek weer na Kenia vir deelname aan die o.20-wêreldkampioenskap. In September stuur die NSSU 'n o.15-span (atletiek en skaak) na Serwië; sportspanne gaan ook in Desember na Lesotho en volgende jaar na Malawi – om nie van die 2022 Statebondspele in Birmingham te praat nie, het Tjongarero uitgewys toe sy oor die omvang van die regering se bydrae in die opbou na die volgende Olimpiese Spele (Parys 2024) uitgevra is.
Die president van Atletiek Namibië, mnr. Erwin Naimhwaka, het gesê die atlete het die land met trots en eer verteenwoordig en was waarlik kompeterend.
“Helalia en Rainhold se moedige geveg tot die einde was 'n vreugde om te aanskou. Vir my was dit onmoontlik om stil te sit terwyl ons Namibiese atlete gehardloop het.
“Ek is trots op die hele span. Die hulpbronne wat maatskappye beskikbaar gestel het, het 'n verskil gemaak in ons voorbereiding.”
FOTO’s Tielman van Lill
Afrigter Henk Botha en die atlete erken die verwelkoming van die triomfantelike Namibiese span met hul terugkoms in Windhoek.
Van links: Beatrice Masilingi, Christine Mboma en die fisioterapeut Anna-Mart Kruger wuif Namibiese vlaggies tydens gister se parade deur die middestad. Skermgreep ministerie van inligting en kommunikasie
Kommentaar
Republikein
Geen kommentaar is op hierdie artikel gelaat nie