‘Mean Machine’ Green vereer

Andrew Poolman- ’n Tiende bestaansjaar van harde werk wat bygedra het dat WHS Old Boys krieketklub floreer, is Woensdagaand gedenk toe hul jaarafsluiting vir die 2019-2020 seisoen by hul klubhuis gehou is.Die Namibiese paaltjiewagter Zane Green is as speler van die seisoen bekroon. Die deurslaggewende faktor was sy honderdtal in Krieket Namibië se premierliga oor 50 boulbeurte per span, wat die ligbloues in staat gestel het om Samsung FNB Wanderers te klop. Hierdie triomf het inderdaad bygedra dat die klub se bankrekening met ’n stewige prysgeld van die nasionale beheerliggaam versterk is.“Zane Green, die Mean Machine, is ook een van die fiksste spelers wat jy kan kry en het met sy kolfwerk (376 lopies) en agter die paaltjies goeie werk verrig,” het Old Boys se voorsitter, mnr. Francois Erasmus, tydens die bekendmaking gesê.Die nasionale span se kaptein, Gerhard Erasmus, is aangewys as die speler wat die beste prestasie van die seisoen gelewer het. Erasmus bevind hom in die 22ste posisie op die wêreldranglys van veelsydige spelers in T20-krieket en sy leierskap vir sy klub en vir die Eagles was goud werd. Die 24-jarige Erasmus is verlede jaar as speler van die toernooi aangewys tydens Namibië se suksesvolle kwalifisering vir die T20 Wêreldbeker in Australië, wat vir Oktober vanjaar bestem is.Die veteraan Craig Williams is as die klub se voorste veelsydige speler in die premierliga (T20 en eendagkrieket) bekroon. Erasmus was die topbouler met 21 paaltjies in beide formate.Ander trofeewenners Woensdagaand was (T20- en 40-beurtligas gekombineer):Tweedespan (eerste liga) beste kolwer: Wesley Anderson (183 lopies).Tweedespan beste bouler: Daneel van der Walt junior (15 paaltjies).Tweedespan beste veelsydige speler: Uli Fortuin.Old Boys Vintage (eerste liga) beste kolwer: Nicky Buys (311 lopies).Old Boys Vintage beste bouler: Christo Greeff (15 paaltjies).Derde span (tweede liga, T20- en 30-beurtliga) beste kolwer: Leon Fleming (212 lopies).Derde span beste bouler: Wicus van Wyk (18 paaltjies).Span van die jaar: eerste span (premierliga-kampioen).• Windhoek Old Boys het die afgelope seisoen verskeie nasionale spelers op senior en junior vlak opgelewer. Vir die Eagles was dit Erasmus, Green, Craig Williams, Zhivago Groenewald en Tangeni Lungameni.Divan la Cock was die nasionale o.19-kaptein na die Coke-week in Suid-Afrika, terwyl André Siepker (o.17 en o.19) en Gerhard Janse van Rensburg (o.15 en o.19) ook puik vordering toon.Alexander Volschenk (Namibië o.15A), Zacheo van Vuuren (o.15B), Wicus van Wyk, Pieter Kotze en Henry van Wyk (almal o.15C), asook Adriaan Louw (o.13-span, kaptein) en Francois du Plessis (o.13B) het ook blootstelling in toerspanne buite die landsgrense gekry.

‘Mean Machine’ Green vereer

Kommentaar

Republikein 2025-11-05

Meld asseblief aan om kommentaar te lewer

‘Mean Machine’ Green vereer

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.