Mbumba môre as Unam se kanselier ingehuldig

Die Universiteit van Namibië (Unam) huldig môre (Donderdag) vir mnr. Nangolo Mbumba, visepresident van Namibië, as sy derde kanselier in.
Hy volg oudpres. Hifikepunye Pohamba op wie se termyn in November 2017 verstryk het.
Mbumba sal ook môre 'n eredoktorsgraad in openbare administrasie van dié universiteit ontvang - 'n besluit wat verlede Dinsdag tydens 'n spesiale sitting van die universiteitsraad geneem is.