Mboma in aanloop vir gesogte titel

Tielman van Lill – Wêreldatletiek het sy vyf o.20-vroueatlete aangekondig wat vir die 2021 Opkomende Ster-toekenning van die jaar deur dié beheerliggaam benoem is en wat aanstaande maand aangekondig word.

Christine Mboma (200 meter) van Namibië word teen Athing Mu van die VSA (400 en 800 m), Keely Hodgkinson van Brittanje (800 m), Zerfe Wondemagegn van Ethiopië (3 000 m hindernis) asook Silja Kosonen van Finland (hamergooi) opgeweeg.

Die vyf sterre het almal merkwaardige vertonings die afgelope atletiekseisoen by die Olimpiese Spele in Tokio, die o.20-wêreldkampioenskap in Nairobi, Kenia, en ander internasionale byeenkomste gelewer

Die wenner word deur ’n internasionale paneel van kundiges gekies en sal regstreeks op 1 Desember by die Wêreldatletiektoekenningsaand aangekondig word.

Die vyf finaliste se getuigskrifte:

Christine Mboma (200 meter)

1 Olimpiese silwermedaljewenner, 2 o.20-wêreldkampioen en Diamantligakampioen, 3 o.20-wêreldrekords.

Athing Mu (400 en 800 m)

1 Olimpiese 800-kampioen en lid van 4x400 m-afloskampioenspan, 2 o.20-binnenshuise 800-wêreldrekord, 3 Noord-Amerikaanse o.20-rekords in 400 en 800 m.

Keely Hodgkinson (800 m)

1 Olimpiese silwermedaljewenner. 2 Diamantliga- en Europese binnenshuise kampioen. 3 Europese o.20-binnenshuise én buitenshuise rekords.

Zerfe Wondemagegn (3 000 m-hindernis)

1 O.20-wêreldkampioenskap silwermedaljewenner, 2 Nasionale o.20-rekord, Olimpiese finalis.

Silja Kosonen (hamergooi)

1 O.20-wêreldkampioen, 2 o.20-wêreldrekord, 3 o.20-Europese-kampioen,