Mboma en Masilingi geseën
Atletiek
Die tienerjarige naellopers op wie se Olimpiese debuut die land vasgenael wag, Christine Mboma en Beatrice Masilingi, het onlangs 'n donasie voor die Tokio-spele van die Kavango-Oos streekraad ontvang.
Mnr. Henk Botha, die twee se afrigter, sê die N$52 000 sal vir hul persoonlike uitgawes en reiskoste aangewend word.
“Hulle voel geseën en geëerd deur hierdie skenking, want sportdeelname is duur en vat aan jou beursie. Die meisies moet reis en terselfdertyd na hul persoonlike lewens omsien,” het Botha gesê.
Verlede maand het die streeksleierskap N$20 000 bewillig, terwyl 'n tegniese komitee onder voorsitterskap van mnr. Fanuel Kaparero, die opvoedingsdirekteur, geld van individue en besighede in die gemeenskap ontvang het.
Altesaam N$52 470 is nou deur die komitee ingesamel, terwyl Namibia Wildlife Resorts (NWR) N$30 000 in akkommodasie aan elk van die atlete geborg het om enige NWR-oord in Namibië te besoek.
Botha het ook 'n koopbewys vir N$15 000 van NWR ontvang.
UITDUN OP 2 AUGUSTUS
Mnr. Bonny Wakudumo, goewerneur van Kavango-Oos, het Vrydag die donasies in die afwesigheid van Botha en die atlete oorhandig.
Botha sê beide atlete was amptelik na die oorhandiging van Wakudumo genooi, maar kon weens ander verpligtinge in die hoofstad nie die geleentheid bywoon nie.
Masilingi, Mboma en Botha sal waarskynlik Donderdag na Tokio, Japan, vertrek. Hul eerste uitdunwedlope in die 200 meter lê op Maandag 2 Augustus voor.– Nampa
Mnr. Henk Botha, die twee se afrigter, sê die N$52 000 sal vir hul persoonlike uitgawes en reiskoste aangewend word.
“Hulle voel geseën en geëerd deur hierdie skenking, want sportdeelname is duur en vat aan jou beursie. Die meisies moet reis en terselfdertyd na hul persoonlike lewens omsien,” het Botha gesê.
Verlede maand het die streeksleierskap N$20 000 bewillig, terwyl 'n tegniese komitee onder voorsitterskap van mnr. Fanuel Kaparero, die opvoedingsdirekteur, geld van individue en besighede in die gemeenskap ontvang het.
Altesaam N$52 470 is nou deur die komitee ingesamel, terwyl Namibia Wildlife Resorts (NWR) N$30 000 in akkommodasie aan elk van die atlete geborg het om enige NWR-oord in Namibië te besoek.
Botha het ook 'n koopbewys vir N$15 000 van NWR ontvang.
UITDUN OP 2 AUGUSTUS
Mnr. Bonny Wakudumo, goewerneur van Kavango-Oos, het Vrydag die donasies in die afwesigheid van Botha en die atlete oorhandig.
Botha sê beide atlete was amptelik na die oorhandiging van Wakudumo genooi, maar kon weens ander verpligtinge in die hoofstad nie die geleentheid bywoon nie.
Masilingi, Mboma en Botha sal waarskynlik Donderdag na Tokio, Japan, vertrek. Hul eerste uitdunwedlope in die 200 meter lê op Maandag 2 Augustus voor.– Nampa
Kommentaar
Republikein
Geen kommentaar is op hierdie artikel gelaat nie