May se plan wensdenkery, sê Ierland

Ierland het die Britse premier, Theresa May, van wensdenkery beskuldig omdat sy weer met die Europese Unie wil onderhandel oor die Ierse agterdeur.Ander Europese leiers het hulle Woensdag ook uitgespreek teen die moontlikheid dat daar weer oor die Ierse agterdeur onderhandel sal word.Met minder as twee maande oor voor Brittanje die Europese Unie op 29 Maart moet verlaat, is die toekoms duister of Brittanje die EU met of sonder ’n ooreenkoms sal verlaat.Die Ierse premier, Simon Coveney, het Woensdag gesê Brittanje het geen ander werkbare plan op die tafel om ’n harde grens tussen Ierland en Noord-Ierland te verhoed nie.Die Ierse ekonomie gaan die die ergste geraak word indien Brittanje sonder ’n ooreenkoms van die EU af wegbreek.“Ons word gevra om te skik oor ’n oplossing wat reeds werk en dit te vervang deur wensdenkery,” het Coveney gesê.Ook die president van die Europese Kommissie, Jean-Claude Junkcer, het Woensdag gesê die EU weet nie wat Brittanje wil hê nie en dat die kanse op ’n harde Brexit al hoe groter word.Die Britse laerhuis het Dinsdagaand gestem oor sewe wysigings oor Brexit. Hoewel die wysigings nie afdwingbaar is nie, was die laerhuis se boodskap duidelik: May moet weer met die EU onderhandel oor die Ierse agterdeur.May moet op 13 Februarie haar hervormde Brexit-plan aan die laerhuis voorlê. Indien die laerhuis haar plan afkeur, sal die parlement op 14 Februarie oor die volgende stappe besluit. – Netwerk24/Reuters

May se plan wensdenkery, sê Ierland

Kommentaar

Republikein 2026-02-05

Meld asseblief aan om kommentaar te lewer

May se plan wensdenkery, sê Ierland

Kommentaar

Republikein 2026-02-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.