Mauritiër storm na Namibiese Ope-triomf
Gholf
'n Vierman-span van Mauritius se reis na die Rössmund gholfbaan by Swakopmund het laas naweek vrugte afgewerp toe Pierre Pellegrin as die 2019 FNB Namibiese Ope-kampioen na vore getree het.
Die toernooi oor 54 putjies het die deelname van 60 spelers gelok. Klubs van oral in Namibië was verteenwoordig, maar die wentrofee is uiteindelik deur een van Mauritius se vier besoekende spelers ingepalm.
Pierre Pellegrin (voorgee 3) was reeds ná die eerste rondte die voorloper met 'n briljante bruto telling van 66 houe. In die tweede rondte het hy dit met 72 opgevolg, wat hom ná die eerste dag 'n voorsprong van ses houe bo sy landgenoot Florent Toulet met 150 besorg het.
Walter Heibeb was in daardie stadium derde met 151, gevolg deur Grant Mather (153) en die verdedigende kampioen Likius Nande op 155.
In die B-afdeling was Mario Polster (bruto 154) die voorloper ná die eerste dag, sewe houe voor Theo Haimbondi (161), terwyl Athol McLean in die C-afdeling die pas aangegee het.
Pellegrin het in sy finale rondte kopgehou met nog 'n puik telling van 68 houe, om die kampioenskap met 'n totaal van 206 te beklink – 14 houe voor enigiemand anders.
FNB se verteenwoordiger, Samuel Franz, het al die deelnemende spelers bedank en bevestig dat die bank volgende jaar weer die toernooi sal borg.
Die voorsitter van Rössmund gholfklub en president van die Namibiese Amateur Gholfunie (Nagu), Marco Swarts, het FNB bedank vir sy lojaliteit teenoor die sport in Namibië en volgehou steun vir die toernooi.
Swarts het ook Rössmund se personeel en die toernooikomitee bedank vir die seepgladde reëlings, asook die besoekende span van Mauritius.
Die voorste uitslae:
Bruto wenner: Pierre Pellegrin (Mauritius) 206; Florent Toulet (Mauritius) 220.
Netto wenner: Theo Haimbondi 215; Mario Polster 216 .
A-afdeling beste bruto: Grant Mather 223; Likius Nande 224.
A-afdeling beste netto: Andrew van Schalkwyk 228; Walter Heibeb 231.
B-afdeling beste bruto: Jonathan Mather 239 ; Gert Breedt 241.
A-afdeling beste netto: Helmut Njendja 216; J. Martin 219.
C-afdeling beste bruto: Athol McLean 260; Bertie Saunderson 279.
C-afdeling beste netto: Achmet Abrahams 223; Warren Theron 234.
Die toernooi oor 54 putjies het die deelname van 60 spelers gelok. Klubs van oral in Namibië was verteenwoordig, maar die wentrofee is uiteindelik deur een van Mauritius se vier besoekende spelers ingepalm.
Pierre Pellegrin (voorgee 3) was reeds ná die eerste rondte die voorloper met 'n briljante bruto telling van 66 houe. In die tweede rondte het hy dit met 72 opgevolg, wat hom ná die eerste dag 'n voorsprong van ses houe bo sy landgenoot Florent Toulet met 150 besorg het.
Walter Heibeb was in daardie stadium derde met 151, gevolg deur Grant Mather (153) en die verdedigende kampioen Likius Nande op 155.
In die B-afdeling was Mario Polster (bruto 154) die voorloper ná die eerste dag, sewe houe voor Theo Haimbondi (161), terwyl Athol McLean in die C-afdeling die pas aangegee het.
Pellegrin het in sy finale rondte kopgehou met nog 'n puik telling van 68 houe, om die kampioenskap met 'n totaal van 206 te beklink – 14 houe voor enigiemand anders.
FNB se verteenwoordiger, Samuel Franz, het al die deelnemende spelers bedank en bevestig dat die bank volgende jaar weer die toernooi sal borg.
Die voorsitter van Rössmund gholfklub en president van die Namibiese Amateur Gholfunie (Nagu), Marco Swarts, het FNB bedank vir sy lojaliteit teenoor die sport in Namibië en volgehou steun vir die toernooi.
Swarts het ook Rössmund se personeel en die toernooikomitee bedank vir die seepgladde reëlings, asook die besoekende span van Mauritius.
Die voorste uitslae:
Bruto wenner: Pierre Pellegrin (Mauritius) 206; Florent Toulet (Mauritius) 220.
Netto wenner: Theo Haimbondi 215; Mario Polster 216 .
A-afdeling beste bruto: Grant Mather 223; Likius Nande 224.
A-afdeling beste netto: Andrew van Schalkwyk 228; Walter Heibeb 231.
B-afdeling beste bruto: Jonathan Mather 239 ; Gert Breedt 241.
A-afdeling beste netto: Helmut Njendja 216; J. Martin 219.
C-afdeling beste bruto: Athol McLean 260; Bertie Saunderson 279.
C-afdeling beste netto: Achmet Abrahams 223; Warren Theron 234.
Kommentaar
Republikein
Geen kommentaar is op hierdie artikel gelaat nie