Masilingi onstuitbaar teen bestes op aarde
Duidelik is die 100 meter geensins 'n swak punt vir die ewe blitsige 400- en 200-atleet nie.
Tielman van Lill – 'n Medalje wink vandag bykans vir seker vir Namibië se Beatrice Masilingi in die 100 meter by die o.20-wêreldatletiekkampioenskap in Nairobi, Kenia.
Die 18-jarige blits het gister ondubbelsinnig haar klas in beide die uitdun en semifinaal teen die room van die wêreld se tienerjariges onderstreep.
Masilingi het in die Kasarani-stadion in haar uitdun indrukwekkend versnel na die vinnigste tyd van die dag (11.20 sekondes) en dit in die semifinaal met 'n effe rustiger wentyd van 11.35 opgevolg.
Sonder dat sy hard gejaag is, het sy haar eie nasionale Namibiese senior rekord van 11.38 onseremonieel met 'n wettige wind van agter uitgewis.
Hoewel Masilingi redelik lanklaas behoorlik in die 100 gekompeteer het, was die vooraf aanduidings in die kol dat haar 200-tye by die Olimpiese Spele in Tokio 'n positiewe aanduiding van haar vooruitsigte in die kort naelloop sou wees.
Sy het inderdaad selfs beter gevaar as wat die sieners ooit kon droom. Indien Masilingi se drie tye (uitdunne, semifinaal en finaal) vir die 200 in Tokio gehalveer word, is dit 'n goeie aanduiding wat sy tans in dié item kan vermag.
In die Olimpiese 200-uitdun het sy 22.63 (11.32 vir 100), semifinaal 22.40 (11.20) en finaal 22.28 (11.14) aangeteken. Dus is haar 11.20 gister g'n vloekskoot nie en die finaal om 16:30 vandag kan vir groot vuurwerke sorg.
Die naasbestes aan die vlugvoetige Namibiër in die uitdunrondes was Tina Clayton van Jamaika (11.50), Camille Rutherford van Bahamas (11.59) en Tima Godbless van Nigerië (11.59) en Praise Ofoku van Nigerië (11.65).
In die semi's was Melissa Gutschmidt tweede ná Masilingi in 11.50.
Clayton wen haar halfeindwedloop met 11.34, gevolg deur Ivana Ilic wat haar 11.75 van die oggend tot 11.50 verbeter. Praise Ofoku oorheers haar semifinaal met 11.57, terwyl Eva Kubícková tweede met 11.64 is.
Die agttal vir die finaal (16:30 vandag): Tina Clayton (Jamaika), Beatrice Masilingi (Namibië), Melissa Gutschmidt (Switserland), Ivana Ilic (Serwië), Viktória Forster (Slovakye), Praise Ofoku (Nigerië), Kerrica Hill (Jamaika), Eva Kubícková (Tsjeggië).
• Murielle Ahouré en Marie-Josée Ta Lou van die Ivoorkus, kan vir 'n wyle nog hul gesamentlike senior Afrika-rekord van 10.78 koester alvorens Masilingi dit teen haar huidige koers dalk binne die volgende jaar gaan troef. Dié tye is onderskeidelik in Junie 2016 en Julie 2021 (Olimpiese Spele) behaal.
• Namibië se Elvis Gaseb se veldtog in die 100 vir mans is vroeg kortgeknip toe hy met 10.87 slegs 'n sesde posisie in sy uitdun kon behaal.
Gaseb het goeid weggespring, maar is deur die versnelling van Oliwer Wdowik van Pole (10.44), Matteo Melluzzo van Italië (10.46) en Nazzio John van Grenada (10.59) oorskadu. Die Namibiër sou wel 'n kans kon staan om die semifinaal te haal indien hy sy persoonlike beste (10.52) kon ewenaar of verbeter.
Die kwalifiseerders vir die mans 100-finaal is Letsile Tebogo (10.11, Botswana), Oliwer Wdowik van Pole (10.37). Ali Anwar Al Balushi van Oman (10.27), Matteo Melluzzo van Italië (10.27), Godson Oke Oghenebrume van Nigerië (10.22), Shainer Montoya van Kuba (10.29), Benjamin Richardson van Suid-Afrika (10.30), Nazzio John van Grenada (10.32).
• Christine Mboma, Namibië se onbetwiste 200-wêreldkoningin, sak môreoggend tienuur vir haar 200-uitdun. Die semifinale vind teen 15:40 op dieselfde dag plaas.
• Die senior Wêreldatletiekkampioenskap vind oor 329 dae van nou plaas (15 tot 24 Julie 2022) by die historiese 102-jaaroue Hayward-stadion van die Universiteit van Oregon in Eugene, VSA.
– [email protected]
Die 18-jarige blits het gister ondubbelsinnig haar klas in beide die uitdun en semifinaal teen die room van die wêreld se tienerjariges onderstreep.
Masilingi het in die Kasarani-stadion in haar uitdun indrukwekkend versnel na die vinnigste tyd van die dag (11.20 sekondes) en dit in die semifinaal met 'n effe rustiger wentyd van 11.35 opgevolg.
Sonder dat sy hard gejaag is, het sy haar eie nasionale Namibiese senior rekord van 11.38 onseremonieel met 'n wettige wind van agter uitgewis.
Hoewel Masilingi redelik lanklaas behoorlik in die 100 gekompeteer het, was die vooraf aanduidings in die kol dat haar 200-tye by die Olimpiese Spele in Tokio 'n positiewe aanduiding van haar vooruitsigte in die kort naelloop sou wees.
Sy het inderdaad selfs beter gevaar as wat die sieners ooit kon droom. Indien Masilingi se drie tye (uitdunne, semifinaal en finaal) vir die 200 in Tokio gehalveer word, is dit 'n goeie aanduiding wat sy tans in dié item kan vermag.
In die Olimpiese 200-uitdun het sy 22.63 (11.32 vir 100), semifinaal 22.40 (11.20) en finaal 22.28 (11.14) aangeteken. Dus is haar 11.20 gister g'n vloekskoot nie en die finaal om 16:30 vandag kan vir groot vuurwerke sorg.
Die naasbestes aan die vlugvoetige Namibiër in die uitdunrondes was Tina Clayton van Jamaika (11.50), Camille Rutherford van Bahamas (11.59) en Tima Godbless van Nigerië (11.59) en Praise Ofoku van Nigerië (11.65).
In die semi's was Melissa Gutschmidt tweede ná Masilingi in 11.50.
Clayton wen haar halfeindwedloop met 11.34, gevolg deur Ivana Ilic wat haar 11.75 van die oggend tot 11.50 verbeter. Praise Ofoku oorheers haar semifinaal met 11.57, terwyl Eva Kubícková tweede met 11.64 is.
Die agttal vir die finaal (16:30 vandag): Tina Clayton (Jamaika), Beatrice Masilingi (Namibië), Melissa Gutschmidt (Switserland), Ivana Ilic (Serwië), Viktória Forster (Slovakye), Praise Ofoku (Nigerië), Kerrica Hill (Jamaika), Eva Kubícková (Tsjeggië).
• Murielle Ahouré en Marie-Josée Ta Lou van die Ivoorkus, kan vir 'n wyle nog hul gesamentlike senior Afrika-rekord van 10.78 koester alvorens Masilingi dit teen haar huidige koers dalk binne die volgende jaar gaan troef. Dié tye is onderskeidelik in Junie 2016 en Julie 2021 (Olimpiese Spele) behaal.
• Namibië se Elvis Gaseb se veldtog in die 100 vir mans is vroeg kortgeknip toe hy met 10.87 slegs 'n sesde posisie in sy uitdun kon behaal.
Gaseb het goeid weggespring, maar is deur die versnelling van Oliwer Wdowik van Pole (10.44), Matteo Melluzzo van Italië (10.46) en Nazzio John van Grenada (10.59) oorskadu. Die Namibiër sou wel 'n kans kon staan om die semifinaal te haal indien hy sy persoonlike beste (10.52) kon ewenaar of verbeter.
Die kwalifiseerders vir die mans 100-finaal is Letsile Tebogo (10.11, Botswana), Oliwer Wdowik van Pole (10.37). Ali Anwar Al Balushi van Oman (10.27), Matteo Melluzzo van Italië (10.27), Godson Oke Oghenebrume van Nigerië (10.22), Shainer Montoya van Kuba (10.29), Benjamin Richardson van Suid-Afrika (10.30), Nazzio John van Grenada (10.32).
• Christine Mboma, Namibië se onbetwiste 200-wêreldkoningin, sak môreoggend tienuur vir haar 200-uitdun. Die semifinale vind teen 15:40 op dieselfde dag plaas.
• Die senior Wêreldatletiekkampioenskap vind oor 329 dae van nou plaas (15 tot 24 Julie 2022) by die historiese 102-jaaroue Hayward-stadion van die Universiteit van Oregon in Eugene, VSA.
– [email protected]
Kommentaar
Republikein
Geen kommentaar is op hierdie artikel gelaat nie