Maryna se haai hap aan mans

Des Erasmus - Meer as 150 hengelaars het drie dae lank by die viswaters gestaan, maar uiteindelik was daar net een prestasie wat bo alles uitgestaan het. Dit was die bronshaai van 104 kg wat deur 'n lid van Steenbras se vrouespan, Maryna Viljoen, gevang is.

Nie een van die mans kon haar hierdie kuns tydens die Namibiese nasionale kampioenskap van verlede week nadoen nie, op die vangdae wat gewissel het van die wrak van die Winston op die eerste dag, Myl 6 die tweede dag en Myl 30 die derde dag.

Penguin se 62 haaie was wel die meeste wat van dié spesie gevang is. Maar net Maryna het 'n honderdtal gehaal.

Die kampioenspan onder die vyftiental wat deelgeneem met, was Penguin (737,8 kg) van Swakopmund met Mako (476,3 kg) tweede en Orca (357,2 kg) derde.

Die kampioenhengelaar oor die tydperk van drie dae was Johan van Wyk van Mako.

Die beste vangdag was by die Winston. Daarna was dit maar 'n gesukkel om die grotes by Myl 6 en Myl 30 op die strand te kry.

Die belangrikste ander uitslae van die kampioenskap was:

Swaarste spikkelhaai: André van Zyl (Seagulls Kus) 28,4 kg.

Hengelaar met die meeste visse: Grant Knight en Emil Prinsloo van Penguin, elkeen met 14 visse.

Beste spanbestuurder: Henry Snyman van Penguin.

Beste assistent-spanbestuurder: Murray Lewis van Mako.

Span met die beste vordering: Penguin (8ste in 2017, eerste in 2018).

Onder 16-kampioenskap: 1. André-Louis Stipp van Benguella met tien visse (194,5 kg); 2. Kevin Page van Penguin met vier visse (84,7 kg); 3. Henko Snyman van Penguin met sewe visse (43,5 kg).

O.16, swaarste oneetbare vis: André-Louis Stipp van Benguella met 'n bronshaai van 85,6 kg.

O.16, swaarste eetbare vis: Henko Snyman van Penguin, kabeljou van 3 kg.

O.16, meeste visse: André-Louis Stipp met tien visse.

Onder 21 kampioenhengelaar: 1. Gerhard Hough van Mako met agt visse (81,1 kg); 2. Brandon Grane van Skeleton Coast met agt visse (79,7 kg), 3. Martin Gouws van Seagulls Binneland met vyf visse (61,9 kg).

O.21, swaarste oneetbare vis: Jean Visser van Benguella met 'n spikkelhaai van 23,9 kg.

O.21, swaarste eetbare vis: Rohan Blaauw van Skeleton Coast met 'n kabeljou van 2 kg.

O.21, meeste visse: Gerhard Hough van Mako en Brandon Grane van Skeleton Coast met agt visse.

Vroue kampioenhengelaar: 1. Maryna Viljoen van Steenbras met 2 visse (114,1 kg); 2. Lydia Cilliers van Benguella met sewe visse (50kg); 3. Nedjilka Kohlner van Hentiesbaai met vier visse (32,5 kg).

Vroue, swaarste oneetbare vis: Maryna Viljoen van Steenbras met 'n bronshaai van 104 kg.

Vroue, swaarste eetbare vis: Megan Connoway en Sue Drake van Mako met kabeljoue van 900 g.

Vroue, meeste visse: Megan Connoway en Angelique de Klerk van Mako met nege visse.

Mans kampioenhengelaar: 1. Johan van Wyk van Mako met tien visse (213 kg); 2. Grant Knight van Penguin met 14 visse (199 kg); 3. Emil Prinsloo van Penguin met 14 visse (145,1 kg).

Swaarste oneetbare vis: Johan van Wyk van Mako met 'n bronshaai van 74,1 kg.

Mans, swaarste eetbare vis: Jörg Walter van Atlantic met 'n kabeljou van 11,2 kg.

Mans, meeste visse: Grant Knight en Emil Prinsloo van Penguin met 14 visse elk.

Mans, jongste junior kwalifiserende hengelaar: Rudy Swarts van Mako (elf jaar).

Beste meester: Ettiene Stipp van Benguella.

Beste binnelandse span: Benguella.