Mark ‘het SA reeds na rommelstatus afgegradeer’

William Horne En Bloomberg – Moody’s Investors Service het dit nog nie gesê nie, maar beleggers dink dit reeds: Suid-Afrika se krediet het rommelstatus bereik.Nadat Moody’s einde Julie gewaarsku het dat die regering se bykomende reddingsboei van R59 miljard aan Eskom “kredietnegatief” is, prys die mark dit nou in dat Moody’s Suid-Afrika se staatskuld tot onder beleggingsgraad sal afgradeer.Hy hersien die land se kredietgradering in November.Moody’s is die enigste van die drie belangrikste kredietgraderingsagentskappe wat Suid-Afrika se staatskuld nog op beleggingsgraad waardeer. Indien hy die staatskuld tot onder beleggingsgraad – die sogenaamde rommelstatus – afgradeer, sal daar ’n groot uitvloei van beleggingsgeld uit die land wees omdat groot risiko-averse buitelandse fondse, soos pensioenfondse, volgens hul beleggingsreëls nie in ’n land mag belê wat deur al drie groot kredietgradeerders as niebeleggingsgraad beskou word nie.Die twee ander groot kredietgraderingsagentskappe – Fitch Ratings en Standard & Poor’s – het Suid-Afrika al twee jaar gelede na rommelstatus afgegradeer, terwyl selfs Moody’s se vooruitsig vir Suid-Afrika se staatskuld nog nie eens amptelik negatief is nie.Moody’s gradeer Suid-Afrika se staatskuld tans op Baa3 – die laagste beleggingsgraad.Volgens Win Thin, hoof van valutastrategie by Brown Brothers Harriman & Co., is Moody’s “te vriendelik” met Suid-Afrika. Hy verwag dat Moody’s Suid-Afrika se staatskuld aan die einde van die jaar met drie vlakke tot diep in die rommel-kategorie sal verlaag.Maar beleggers tree op asof al drie kredietgraderingsagentskappe reeds Suid-Afrikaanse staatseffekte tot rommelstatus afgegradeer het.Dieselfde opbrengs en rentekoerse word nou vereis as wat nodig sou wees indien die land reeds volslae rommelstatus bereik het ten einde spekulatiewe beleggings te lok wanneer groter fondse nie meer mag belê nie.Beleggers vereis nou selfs ’n groter premie op Suid-Afrikaanse staatseffekte as op dié van Brasilië, wat wel op algehele rommelstatus gegradeer word.Hierdie risiko-premie styg sedert die middel van Julie skerp, presies toe die regering bykomende finansiële ondersteuning vir Eskom aangekondig het.Die premie op die langtermynopbrengs op Suid-Afrikaanse staatseffekte is op die hoogste sedert Februarie in ’n tyd dat ander ontluikende markte s’n daal. Dit dui daarop dat beleggers ’n fiskale agteruitgang en ’n waarskynlike afgradering verwag. Hoë meer die risiko op lang termyn, hoe groter moet die opbrengs wees om daarvoor op te maak.Versekering teen wanbetaling op Suid-Afrikaanse staatseffekte is baie hoër as dié van Rusland, wat dieselfde Baa3-gradering by Moody’s het. Dit is ook die geval teenoor Brasilië wat twee vlakke laer gradeer word, op Ba2.Die tesourie het einde Julie aangekondig dat hy van Augustus af R1,5 miljard meer effekte per week gaan uitreik. – Bloomberg, verwerk/Netwerk24

Mark ‘het SA reeds na rommelstatus afgegradeer’

Kommentaar

Republikein 2025-05-01

Meld asseblief aan om kommentaar te lewer

Mark ‘het SA reeds na rommelstatus afgegradeer’

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie