Maritz Country Lodge sprankel

Augetto Graig Die spoggerige Maritz Country Lodge net buite Keetmanshoop, is soos ’n oase wat lafenis bied teen die versengende Suideson.Hier kan gaste afkoel in die groot swembad, ’n ete geniet, in die kroeg uitspan en in ’n ruim, gemaklike kamer gaan rus.Die Maritz-gesin, wat op dieselfde eiendom woon, het die afgelope ses jaar passie, energie en geld in die opknapping van die ou Lafenis Ruskamp belê.Volgens die eienaar mnr. Willem Maritz, het hulle geverf, gebou en reggemaak om die bestaande infrastruktuur ’n nuwe voorkoms te gee. Dié planne spruit reeds uit 2002, toe die gesin by die Engen-vulstasie en Wimpy betrokke geraak het wat voor die destydse ruskamp se hek geleë is.Maritz se idee was – en is – om een-stop-geriewe te ontwikkel waar kliënte vir brandstof, kos en verblyf kan aandoen.“Ons verwelkom nou baie oorsese gaste en toergroepe aangesien ons glad nie ver van die Visrivier en die Kokerboomwoud geleë is nie,” het Maritz gesê.Onlangse ontwikkeling sluit in die bou van twee nuwe kamers asook twee nuwe luukse rondawels, wat as voorbeeld dien van waarmee die bestaande ouer rushuisies mettertyd vervang gaan word. Nog twee gaan hierdie jaar voltooi wees.Op die oomblik bestaan Maritz Country Lodge uit 20 rondawels wat elk toegerus is met lugversorging, ’n TV en braaigeriewe, terwyl ’n selfsorgeenheid beskikbaar is vir gaste wat privaatheid verkies. Daar is ook kampplekke (met ablusiegeriewe) beskikbaar.Intussen word aan ’n reuselapa gebou waar spesiale geleenthede soos troues en verjaardagpartytjies asook konferensies en jaareindfunksies gehou kan word.

Maritz Country Lodge sprankel

Kommentaar

Republikein 2025-07-18

Meld asseblief aan om kommentaar te lewer

Maritz Country Lodge sprankel

Kommentaar

Republikein 2025-07-18

Meld asseblief aan om kommentaar te lewer

MELD AAN

Advertensie