Mariental se skaapabattoir sluit deure

Elvira Hattingh - Die Farmer’s Meat Market abattoir op Mariental (FMM), wat deur Hartlief besit word, sal op 31 Augustus sy deure sluit.Die Hartlief-groep se besturende direkteur, mnr. Günther Ling, het gister in ‘n brief aan die Lewendehaweprodusente-organisasie (LPO) gesê die besluit kom weens swak ekomiese omstandighede, wat deur die voortdurende droogte en ongunstige handelstoestande vir die kleinveebedryf in Namibië veroorsaak is. Die abattoir sê terwyl dit tussen 2009 en 2014 gemiddeld 20 000 stuks kleinvee per maand geslag het, het die getal intussen tot onder 2 000 per maand gedaal. Dit is veel minder as die 7 000 stuks kleinvee wat nodig is om hul basiese onkoste te dek.Die FMM sê dit het reeds en hou aan om aansienlike finansiële verliese maandeliks te ly en kan nie hiermee volhou nie. In die brief word genoem dat lam- en skaapvleis landswyd onkonsekwent en in te klein hoeveelhede aan alle bemarkingskanale verskaf word. Redes wat hiervoor gegee word, sluit in dat talle kleinveeboere in die Suide van die land jarelange droogtes ervaar. Dit het daartoe gelei dat nasionale kuddegetalle die laagste punt in dekades bereik het, buiten daarvoor dat die regering regering se gewraakte kleinveebemarkingskema ook reeds sy merk gelaat het. Kleinveeboere het hulle intussen al meer tot die grootvee-, toerisme- en jagbedryf gewend, sê Ling.FMM sê hul langtermynvisie is om die abattoir slegs vir 24 maande te sluit, terwyl hulle met die bedryf in gesprek sal tree oor hoe om die onderskeie uitdagings die hoof te bied.

Mariental se skaapabattoir sluit deure

Kommentaar

Republikein 2026-05-18

Meld asseblief aan om kommentaar te lewer

Mariental se skaapabattoir sluit deure

Kommentaar

Republikein 2026-05-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.