Maree glo meester van manipulasie
Gister was dag 3 van die beskuldigde se formele aansoek om borgtog en die staat se tweede getuie was in die bank.
Kristien Kruger
’n Polisie-inspekteur het getuig dat die vermeende pedofiel mnr. Johann Maree ’n “meestermanipuleerder” is wat sy jong slagoffers én hul ouers oortuig het om hom te vertrou.
“Hy het vir hul geld gegee, duur geskenke soos selfone gekoop en in een geval vir een van die seuns se swemlesse betaal.
“Hy het ook daarin geslaag om die kinders se ouers te manipuleer. Hulle het hom vertrou,” het insp. Christiana Simaho gister in die Windhoekse landdroshof getuig.
Simaho is verbonde aan die polisie se eenheid vir die beskerming van vroue en kinders en het gister in Maree se formele aansoek om borgtog getuig. Maree staan daarop tereg dat hy verskeie seuns in die hoofstad vir die vervaardiging van pornografie verkrag en misbruik het.
Sy het getuig dat die slagoffers tussen die ouderdom van 12 en 17 was en dat meer as tien seuns verklarings gelewer het wat beweer dat Maree hulle verkrag het, dat hulle mekaar gemasturbeer en orale seks gehad het.
BESWARE TEEN BORGTOG
Simaho het agt besware teen Maree se vrylating op borgtog gelys. Sy beweer hy sal wegbly van die hof en moontlik ontvlug en kan ook by die ondersoek inmeng.
“Hy ken die slagoffers baie goed. Hy weet waar hulle bly en skoolgaan en hy kan hulle manipuleer om nie in die hof te getuig nie,” het sy getuig.
Volgens haar het Maree ’n broer in Suid-Afrika en ’n seun in Australië en kan hy moontlik daarheen ontvlug. Hy het ook vir ’n tyd in Suid-Afrika gebly en kan steeds bande daar hê.
Maree het op 24 Augustus, aan die begin van sy formele aansoek om borgtog, getuig dat hy en sy broer reeds jare lank nie meer kontak het nie.
OPENBARE BELANG; STERK SAAK
Simaho het ook betoog dat Maree se vrylating nie in die publiek se belang is nie.
“’n Petisie wat deur sowat 1 700 mense wêreldwyd onderteken is, en die getalle mense wat gister (Woensdag) voor die hof betoog het, is ’n duidelike boodskap dat die mense daar buite nie wil hê dat hy borgtog moet kry nie. Die publiek sal hul vertroue in die regstelsel verloor.”
Nog een van Simaho se besware is die moontlikheid dat Maree, indien borgtog toegeslaan word, soortgelyke oortredings sal pleeg.
Maree het getuig dis die eerste keer dat hy van ’n oortreding van die aard aangekla word, maar Simaho en komm. Nelius Becker, wat Woensdag getuig het, het gesê die Suid-Afrikaanse polisie het Maree in verband met pornografie ondervra toe hy nog in Suid-Afrika gewoon het.
Simaho se ander besware was die erns en kompleksiteit van die saak, dat borgtog nie in die belang van geregtigheid sal wees nie en dat die staat ’n sterk saak teen die beskuldigde het.
“Die staat het baie bewyse van die slagoffers en ek glo die staat sal hierdie saak wen as dit by die verhoor kom,” het Simaho gesê.
Die saak is tot 14 September vir kruisverhoor uitgestel
– [email protected]
’n Polisie-inspekteur het getuig dat die vermeende pedofiel mnr. Johann Maree ’n “meestermanipuleerder” is wat sy jong slagoffers én hul ouers oortuig het om hom te vertrou.
“Hy het vir hul geld gegee, duur geskenke soos selfone gekoop en in een geval vir een van die seuns se swemlesse betaal.
“Hy het ook daarin geslaag om die kinders se ouers te manipuleer. Hulle het hom vertrou,” het insp. Christiana Simaho gister in die Windhoekse landdroshof getuig.
Simaho is verbonde aan die polisie se eenheid vir die beskerming van vroue en kinders en het gister in Maree se formele aansoek om borgtog getuig. Maree staan daarop tereg dat hy verskeie seuns in die hoofstad vir die vervaardiging van pornografie verkrag en misbruik het.
Sy het getuig dat die slagoffers tussen die ouderdom van 12 en 17 was en dat meer as tien seuns verklarings gelewer het wat beweer dat Maree hulle verkrag het, dat hulle mekaar gemasturbeer en orale seks gehad het.
BESWARE TEEN BORGTOG
Simaho het agt besware teen Maree se vrylating op borgtog gelys. Sy beweer hy sal wegbly van die hof en moontlik ontvlug en kan ook by die ondersoek inmeng.
“Hy ken die slagoffers baie goed. Hy weet waar hulle bly en skoolgaan en hy kan hulle manipuleer om nie in die hof te getuig nie,” het sy getuig.
Volgens haar het Maree ’n broer in Suid-Afrika en ’n seun in Australië en kan hy moontlik daarheen ontvlug. Hy het ook vir ’n tyd in Suid-Afrika gebly en kan steeds bande daar hê.
Maree het op 24 Augustus, aan die begin van sy formele aansoek om borgtog, getuig dat hy en sy broer reeds jare lank nie meer kontak het nie.
OPENBARE BELANG; STERK SAAK
Simaho het ook betoog dat Maree se vrylating nie in die publiek se belang is nie.
“’n Petisie wat deur sowat 1 700 mense wêreldwyd onderteken is, en die getalle mense wat gister (Woensdag) voor die hof betoog het, is ’n duidelike boodskap dat die mense daar buite nie wil hê dat hy borgtog moet kry nie. Die publiek sal hul vertroue in die regstelsel verloor.”
Nog een van Simaho se besware is die moontlikheid dat Maree, indien borgtog toegeslaan word, soortgelyke oortredings sal pleeg.
Maree het getuig dis die eerste keer dat hy van ’n oortreding van die aard aangekla word, maar Simaho en komm. Nelius Becker, wat Woensdag getuig het, het gesê die Suid-Afrikaanse polisie het Maree in verband met pornografie ondervra toe hy nog in Suid-Afrika gewoon het.
Simaho se ander besware was die erns en kompleksiteit van die saak, dat borgtog nie in die belang van geregtigheid sal wees nie en dat die staat ’n sterk saak teen die beskuldigde het.
“Die staat het baie bewyse van die slagoffers en ek glo die staat sal hierdie saak wen as dit by die verhoor kom,” het Simaho gesê.
Die saak is tot 14 September vir kruisverhoor uitgestel
– [email protected]
Kommentaar
Republikein
Geen kommentaar is op hierdie artikel gelaat nie