Marathon-proeflopie sal roete toets

’n Proeflopie vir volgende jaar se Olimpiese Spele se marathon sal in Mei in Sapporo gehou word.Dié wedloop sal saam met die Hokkaido-Sapporo-marathon plaasvind en die roete volg wat organiseerders vir die skouspel beplan.Marathons en stapwedlope sal nie soos die res van die items in Tokio gehou word tydens die Olimpiese Spele nie.Die Internasionale Olimpiese Komitee (IOK) het verlede jaar besluit om eerder die langasems se items na die stad Sapporo, sowat 800 km noord van Tokio op die Japanse eiland Hokkaido, te skuif uit vrese vir die kwaai hitte wat Tokio kan beleef.Wêreldatletiek se organiseerders het die marathon se baan op 8 Augustus besoek, presies ’n jaar voor die mans se wedloop geskeduleer is. Tydens hul besoek is die luggehalte, hittespanning, temperatuur en humiditeit getoets.Atletiek se moederliggaam het toe gesê dat hy tevrede is met die uitslae. ’n Soortgelyke proeflopie sal ook vir die Paralimpiese Spele gehou word.Dié wedloop is vir 11 Mei geskeduleer, maar sal by die Nasionale Stadion in Tokio gehou word, wat as die hoofbestemming vir atletiek tydens albei byeenkomste sal dien.Net so sal proefwedstryde op 3 en 4 April gehou word vir rolstoelrugby. Dit sal by die Yoyogi Nasionale Stadion plaasvind. Die Paralimpiese Spele sal tussen 24 Augustus en 5 September gehou word. – insidethegames.bizz

Marathon-proeflopie sal roete toets

Kommentaar

Republikein 2025-08-05

Meld asseblief aan om kommentaar te lewer

Marathon-proeflopie sal roete toets

Kommentaar

Republikein 2025-08-05

Meld asseblief aan om kommentaar te lewer

MELD AAN

Advertensie