Mannetti roep Angula en Gome nader
Ronald Ketjijere, Willem Mwedihanga en die beseerde Petrus Shitembi sal die Brave Warriors se allerbelangrike openingswedstryd teen Botswana misloop wat veronderstel is om Namibië se aanslag op die Cosafabekertoernooi op die regte noot af te skop.
Peter Shalulile mag hopelik gereed wees vir die kragmeting op 18 Junie, het afrigter Ricardo Mannetti gister gesê toe hy sy spelersgroep van 26 aangekondig het met die oog op die toernooi in Windhoek volgende maand.
Agtien spelers sal uitgesoek word vir volgende Saterdag (4 Junie) se Afrika Nasiebeker kwalifiserende wedstryd teen Niger in Windhoek.
Twintig spelers sal daarna bekend gemaak word vir die Brave Warriors se ontmoeting met Botswana op 18 Junie – ’n kwarteindstryd tussen twee van die Cosafa-toernooi se gekeurde spanne.
Mannetti het gesê Hendrick Somaeb se fiksheid sal ná ’n onlangse besering deur die Brave Warriors se mediese span vasgestel moet word.
Die Niger-wedstryd sal definitief sonder Peter Shalulile geskied, wat met verpligtinge by sy Suid-Afrikaanse klub Highland Park buite rekening is. Dieselfde geld vir die Universiteit van Pretoria se Namibiese paar Ketjijere en Mwedihanga.
Amazulu se Petrus Shitembi is ook vir ses weke buite aksie vanweë ’n besering.
“Peter Shalulile sukkel sedert die tweede wedstryd teen Burundi ook nog met ’n enkelbesering. Die kans bestaan egter dat hy wel op 18 Junie vir ons kan speel ná die afhandeling van sy klubverpligting drie dae tevore,” het Mannetti gesê.
Ronald Ketjijere, ’n gereelde kaptein van die Brave Warriors, en Mwedihanga sal egter nie teen Niger óf vir die Cosafa-beker oorweeg kan word nie, het die afrigter gesê.
“Hul klub AmaTuks speel op 18 Junie in ’n belangrike uitspeelwedstryd en ook vier dae later teen Shalulile se span. Dit is hoekom al drie van hulle, Shalulile inkluis, ook nie teen Niger oorweeg is nie. Al drie is vir ons sleutelspelers, maar hierdie is die beste moontlike hantering van die situasie.”
Mannetti het wel vir Da Costa Angula en Wangu Gome nader geroep nadat hulle aan sy vereiste van wedstrydoefening vir hul onderskeie beroepsklubs voldoen het. Die afrigterspan sal intussen ook drie weke hê om met die spelers te werk voor die groot oomblik teen Botswana.
“Da Costa en Wangu het onlangs speelkans gehad en gevolglik is hulle terug in die prentjie. Ons het ook intussen genoeg tyd om hulle te druk tot die vlak waar ek hulle wil hê.
“Ons sal teen Niger sonder Chris (Katjiukua) wees omdat hy ’n wedstryd vanweë twee geel kaarte moet misloop. ’n Verdediger soos Da Costa kom dus handig te pas,” sê Mannetti.
Die Brave Warriors verwag ook om twee vriendskaplike oefenwedstryde voor hul afspraak met Botswana te speel om hul samespel onder druk te toets.
“Ek het geleer dat jy met momentum in so ’n groot toernooi moet ingaan. Hopelik kry ons vriendskaplike teenstand en kan ons die geleentheid gebruik om die Cosafa-beker suksesvol te verdedig.”
Lazarus Kaimbi en Sadney Urikhob, wat beide hul klubsokker in Thailand speel, is vanweë klubverpligtinge nie oorweeg nie.
Die 26 Brave Warriors in die oefenkamp is:
Edward Maova (Civics), David Peterson (Tigers), Max Mbaeva (Golden Arrows), Virgil Vries (Maritzburg United), Da Costa Angula (Free State Stars), Chris Katjiukua (Golden Arrows), Denzil Hoaseb (Black Africa), Tiberius Lombard (Tura Magic), Romario Ndjavera (Tigers), Ferdinand Karongee (Tigers), Edmund Kambanda (Unam), Riaan Hanamub (Orlando Pirates), Oswaldo Xamseb (Tura Magic), Deon Hotto (Golden Arrows), Dynamo Fredericks (Black Africa), Hendrick Somaeb (Free State Stars), Willy Stephanus (Black Africa), Absalom Iimbondi (Tigers), Immanuel Heita (Black Africa), Terdius Uiseb (Orlando Pirates), Roger Katjiteo (Black Africa), Larry Horaeb (Tura Magic), Ananias Gebhardt (Black Africa), Patience Gaseb (Mighty Gunners), Wangu Gome (Bidvest Wits) en Benson Shilongo (Gaborone United). - NFA.org.na
Peter Shalulile mag hopelik gereed wees vir die kragmeting op 18 Junie, het afrigter Ricardo Mannetti gister gesê toe hy sy spelersgroep van 26 aangekondig het met die oog op die toernooi in Windhoek volgende maand.
Agtien spelers sal uitgesoek word vir volgende Saterdag (4 Junie) se Afrika Nasiebeker kwalifiserende wedstryd teen Niger in Windhoek.
Twintig spelers sal daarna bekend gemaak word vir die Brave Warriors se ontmoeting met Botswana op 18 Junie – ’n kwarteindstryd tussen twee van die Cosafa-toernooi se gekeurde spanne.
Mannetti het gesê Hendrick Somaeb se fiksheid sal ná ’n onlangse besering deur die Brave Warriors se mediese span vasgestel moet word.
Die Niger-wedstryd sal definitief sonder Peter Shalulile geskied, wat met verpligtinge by sy Suid-Afrikaanse klub Highland Park buite rekening is. Dieselfde geld vir die Universiteit van Pretoria se Namibiese paar Ketjijere en Mwedihanga.
Amazulu se Petrus Shitembi is ook vir ses weke buite aksie vanweë ’n besering.
“Peter Shalulile sukkel sedert die tweede wedstryd teen Burundi ook nog met ’n enkelbesering. Die kans bestaan egter dat hy wel op 18 Junie vir ons kan speel ná die afhandeling van sy klubverpligting drie dae tevore,” het Mannetti gesê.
Ronald Ketjijere, ’n gereelde kaptein van die Brave Warriors, en Mwedihanga sal egter nie teen Niger óf vir die Cosafa-beker oorweeg kan word nie, het die afrigter gesê.
“Hul klub AmaTuks speel op 18 Junie in ’n belangrike uitspeelwedstryd en ook vier dae later teen Shalulile se span. Dit is hoekom al drie van hulle, Shalulile inkluis, ook nie teen Niger oorweeg is nie. Al drie is vir ons sleutelspelers, maar hierdie is die beste moontlike hantering van die situasie.”
Mannetti het wel vir Da Costa Angula en Wangu Gome nader geroep nadat hulle aan sy vereiste van wedstrydoefening vir hul onderskeie beroepsklubs voldoen het. Die afrigterspan sal intussen ook drie weke hê om met die spelers te werk voor die groot oomblik teen Botswana.
“Da Costa en Wangu het onlangs speelkans gehad en gevolglik is hulle terug in die prentjie. Ons het ook intussen genoeg tyd om hulle te druk tot die vlak waar ek hulle wil hê.
“Ons sal teen Niger sonder Chris (Katjiukua) wees omdat hy ’n wedstryd vanweë twee geel kaarte moet misloop. ’n Verdediger soos Da Costa kom dus handig te pas,” sê Mannetti.
Die Brave Warriors verwag ook om twee vriendskaplike oefenwedstryde voor hul afspraak met Botswana te speel om hul samespel onder druk te toets.
“Ek het geleer dat jy met momentum in so ’n groot toernooi moet ingaan. Hopelik kry ons vriendskaplike teenstand en kan ons die geleentheid gebruik om die Cosafa-beker suksesvol te verdedig.”
Lazarus Kaimbi en Sadney Urikhob, wat beide hul klubsokker in Thailand speel, is vanweë klubverpligtinge nie oorweeg nie.
Die 26 Brave Warriors in die oefenkamp is:
Edward Maova (Civics), David Peterson (Tigers), Max Mbaeva (Golden Arrows), Virgil Vries (Maritzburg United), Da Costa Angula (Free State Stars), Chris Katjiukua (Golden Arrows), Denzil Hoaseb (Black Africa), Tiberius Lombard (Tura Magic), Romario Ndjavera (Tigers), Ferdinand Karongee (Tigers), Edmund Kambanda (Unam), Riaan Hanamub (Orlando Pirates), Oswaldo Xamseb (Tura Magic), Deon Hotto (Golden Arrows), Dynamo Fredericks (Black Africa), Hendrick Somaeb (Free State Stars), Willy Stephanus (Black Africa), Absalom Iimbondi (Tigers), Immanuel Heita (Black Africa), Terdius Uiseb (Orlando Pirates), Roger Katjiteo (Black Africa), Larry Horaeb (Tura Magic), Ananias Gebhardt (Black Africa), Patience Gaseb (Mighty Gunners), Wangu Gome (Bidvest Wits) en Benson Shilongo (Gaborone United). - NFA.org.na
Kommentaar
Republikein
Geen kommentaar is op hierdie artikel gelaat nie