Mannetti mik na 2019
Die Brave Warriors se internasionale verpligtinge skop in Junie en Julie af.
Tielman van Lill - Ricardo Mannetti, hoofafrigter van Namibië se Tafel Lager Brave Warriors, gaan die volgende paar maande gebruik om aan vier groepe spelers se geestelike taaiheid sowel as spankarakter te slyp.
Mannetti het gister sy eerste groep van 24 spelers by Sokkerhuis in Katutura aangekondig wat vanaf komende Dinsdag tot Donderdag in 'n oefenkamp bedrywig sal wees.
Mannetti en sy manne het 'n steil bult wat voorlê, want om vir die 2019 Afrika Nasiesbeker (Afcon) se finale te kwalifiseer, is nooit maklik nie. Vir die afgelope ses maande is geen premierligawedstryde in die land gespeel nie en slegs die spelers wat in die buiteland kontrakte het, kan van enige noemenswaardige wedstrydskerpheid praat.
“Ons wil die eindtoernooi in 2019 bereik, dus sal daar deeglik voorberei moet word.
“Om Juniemaand teen Guinee-Bissau in 'n kwalifiserende botsing vir die 2019 Afrika Nasiebeker op te draf, gaan nie maklik wees nie. Hulle het pas van die Afcon-kampioenskap teruggekeer en ek het hulle teen Suid-Afrika in aksie gesien. Maar ek dink hulle kan met harde werk en beplanning geklop word. Daarom gaan ons nóú wegspring,” het Mannetti vertel.
Karakter en deursettingsvermoë speel vir Mannetti 'n groot rol en hy sal daarop konsentreer. Hy glo dat die Warriors met die regte voorbereiding Zimbabwe kan klop om na die volgende ronde deur te dring in die opbou na die 2019-toernooi in Kameroen.
“Ek soek spelers met karakter en die regte mentaliteit om op internasionale vlak te speel.
“Ek het die eerste groep spelers gekies op grond van my persoonlike ervaring met hulle. Dit gaan 'n tydjie neem, maar dit is die enigste manier om te sien wie dit gaan maak of nie. Natuurlik is die spelers tans nie fiks nie en ons sal dit in ag neem. Ons kan Zimbabwe klop, maar sal deeglik daarvoor beplan,” het die breier vol vertroue gesê.
Mannetti sal vroeg in Mei sy tweede groep aanwys wat deel van sy planne vorm. Nadat die botsing teen Guinee-Bissau afgehandel is, vertrek die Warriors na Suid-Afrika om vanaf 25 Junie aan die Cosafabeker deel te neem. Namibië sal in groep K ook teen Mosambiek en Zambië in kwalifiserende botsings vir die 2019 Afconbeker te staan kom. In Julie speel die Warriors teen Zimbabwe om vir die Afrika Nasiesbeker te kwalifiseer.
Die oefengroep is: Loydt Kazapua, Ronald Ketjijere, Katiti Hakuria (almal African Stars), David Peterson, Romario Ndjavera, Ferdinand Karongee, Benyamin Nenkavu, Mapenzi Muwanei (almal Tigers), Charles Uirab, Riaan !Hanamub (Orlando Pirates), Edward Maova, Donald Geiseb (Civics), Tiberius Lombard, Charles Hambira, Itamunua Keimuine, Oswaldo Xamseb (Tura Magic), Larry Horaeb, Dynamo Fredericks (Black Africa), Da Costa Angula (geen klub), Edmund Kambanda (Unam), Johannes Shiwedha (Nampol), Pandeni Kandjabanga (Golden Bigs), Fransico Almeidha, Joseph Mbudhi (United Stars).
Mannetti het gister sy eerste groep van 24 spelers by Sokkerhuis in Katutura aangekondig wat vanaf komende Dinsdag tot Donderdag in 'n oefenkamp bedrywig sal wees.
Mannetti en sy manne het 'n steil bult wat voorlê, want om vir die 2019 Afrika Nasiesbeker (Afcon) se finale te kwalifiseer, is nooit maklik nie. Vir die afgelope ses maande is geen premierligawedstryde in die land gespeel nie en slegs die spelers wat in die buiteland kontrakte het, kan van enige noemenswaardige wedstrydskerpheid praat.
“Ons wil die eindtoernooi in 2019 bereik, dus sal daar deeglik voorberei moet word.
“Om Juniemaand teen Guinee-Bissau in 'n kwalifiserende botsing vir die 2019 Afrika Nasiebeker op te draf, gaan nie maklik wees nie. Hulle het pas van die Afcon-kampioenskap teruggekeer en ek het hulle teen Suid-Afrika in aksie gesien. Maar ek dink hulle kan met harde werk en beplanning geklop word. Daarom gaan ons nóú wegspring,” het Mannetti vertel.
Karakter en deursettingsvermoë speel vir Mannetti 'n groot rol en hy sal daarop konsentreer. Hy glo dat die Warriors met die regte voorbereiding Zimbabwe kan klop om na die volgende ronde deur te dring in die opbou na die 2019-toernooi in Kameroen.
“Ek soek spelers met karakter en die regte mentaliteit om op internasionale vlak te speel.
“Ek het die eerste groep spelers gekies op grond van my persoonlike ervaring met hulle. Dit gaan 'n tydjie neem, maar dit is die enigste manier om te sien wie dit gaan maak of nie. Natuurlik is die spelers tans nie fiks nie en ons sal dit in ag neem. Ons kan Zimbabwe klop, maar sal deeglik daarvoor beplan,” het die breier vol vertroue gesê.
Mannetti sal vroeg in Mei sy tweede groep aanwys wat deel van sy planne vorm. Nadat die botsing teen Guinee-Bissau afgehandel is, vertrek die Warriors na Suid-Afrika om vanaf 25 Junie aan die Cosafabeker deel te neem. Namibië sal in groep K ook teen Mosambiek en Zambië in kwalifiserende botsings vir die 2019 Afconbeker te staan kom. In Julie speel die Warriors teen Zimbabwe om vir die Afrika Nasiesbeker te kwalifiseer.
Die oefengroep is: Loydt Kazapua, Ronald Ketjijere, Katiti Hakuria (almal African Stars), David Peterson, Romario Ndjavera, Ferdinand Karongee, Benyamin Nenkavu, Mapenzi Muwanei (almal Tigers), Charles Uirab, Riaan !Hanamub (Orlando Pirates), Edward Maova, Donald Geiseb (Civics), Tiberius Lombard, Charles Hambira, Itamunua Keimuine, Oswaldo Xamseb (Tura Magic), Larry Horaeb, Dynamo Fredericks (Black Africa), Da Costa Angula (geen klub), Edmund Kambanda (Unam), Johannes Shiwedha (Nampol), Pandeni Kandjabanga (Golden Bigs), Fransico Almeidha, Joseph Mbudhi (United Stars).
Kommentaar
Republikein
Geen kommentaar is op hierdie artikel gelaat nie